اسمحولي ياشباب على الخشة الغلط بس لعيون الحبايب نبي نعلق

انا معكم في ان اقالة كابيلو غلطة كبيرة لكن :

يعني الرجال خلاص طار وشوستر على الابواب اعتقد ان المفروض منكم ومن صحافة مدريد تشجيعه ودعمه ولايصير ضحية للجماهير والصحافة زي مصار لغيره لوكسمبورغ وكابيلو في بدايته ;)

واي مدرب بالعالم يبي التشجيع ولو صارله العكس يبي يشتغل وتفكيره بالصحافة وايش راح يقولون

هذ شي والشي الثاني اللي ابي اعلق عليه هو رد كتبه احد الاعضاء وهو متنرفز لدرجة انه صار يحتسي كلام مو من كلامه اصلا

إقتباس الرسالة الأصلية كتبت بواسطة Raul _7 للاسف .. قربت ساعة إقالت كابيلو !! وياليتها وقفت على كذا .. شوستر هو البديل؟؟! مياتوفيتش الظاهر انه كان يطالب ببقاء كابيلو .. لكن كالديرون رفض كلامه وشكله بيطلع معاه .. ونشوف حق الراسينغ سانشيز مكان مياتو .. كالديرون يريد التحكم بالتشكيل وباللاعبيين .. شاف مافي حل مع كابيللو .. قال ورا ما اجيب مدرب اي كلام !! وخلونا نتذكر مين كان يبي قبل شوستر .. ميشيل مدرب مدريد بي .. بعدين قال يا ولد صعبه الجماهير بتذبحني اجيب مدرب ماعنده شي يقدمه .. على الاقل اجيب واحد يهايط بالاعلام .. قوي الشخصيه مع الصحافه .. مافي الا شوستر .. اجل يمر عليك اسم بعد كابيلو والا هو مورينهو .. وتقول لا .؟؟ بحجة ان لعب مورينهو غير ممتع !! ما ادري جلب بطولات الدوري مرتين متتاليه بإنتصارات متتاليه وقويه .. اصبح صدفه .. مورينهو لو ماهي مشاكل الاصابات و المشاكل الاداريه .. وله ابصم بالعشره .. ان الموسم ماراح يطلع بدون بطوله .. المشكله خلاص .. المدرب جاي جاي .. والفاس وقع على الراس خلاص .. مافي حل .. الا نقول يارب ما نهبط .. وعجبني تاريخ شوستر ممممممم شئ رائع جداً .. ورا ما نجيب مدرب ريكرياتيفو .. مركزه احسن من خيتافي .. الشي الملفت للانتباه ان فريق شوستر الهجومي الممتع .. سجل 35 هدف .. يا الله .. وش هل الامتاع .. مو قادر يا ناس ..!! شوستر بـ اختصار .. يلعب بالهجمات المرتده .. هذا لو اعطى فرصه لفريقه .. شوستر هل يستطيع مقاومة غرفة ملابس مدريد؟؟ ولاتهون الصحافه الي واقفه معاه هل اليومين؟؟ ..

وانا اخوك بالنسبة لشخصية المدرب مع الصحافة مو مقياس هذا عندك شايبنا فينجر دجاجة مع الصحافة وناجح :p وليش تبعد بعيد عندك ناصر الجوهر ضعيف شخصية وناجح

اما عن مورينهو صدقني هالسنةاثبت انه ماعنده سالفة وانه يعتمد على لاعبين معينين يشيلون اي مدرب بالعالم حتى لو كان يوسف خميس
والدليل ان عنده دكة احتياط لايعلى عليها لكن شفنا كيف تورط لما انصابوا لعيبته ;)

اما عن تاريخ شوستر وانا اخوك المدرب مو بتاريخه المدرب بعمله داخل النادي وعلى فكرة ارسنال جاب فينجر من موناكو بعد مادرب فريق ياباني وكان تاريخه صفر وشف كيف صار هالحين ;)

اما عن طريقة شوستر فبكل تاكيد ان فريقك هو اللي يحكم عليك طريقة معينة ولو في لاعبين يساعدونه كان تلقاه يلعب باي طريقة

وبعدين وش فيها غرفة ملابس مدريد ليكون فيها كنز علموني علشان احجز الحين واروح يمهم

واعذرونا على التدخل والاطالة

اخوكم عاشق من عشاق المدفعجية ;)