|
ترى سهل يا جماعة الخير متورط .. وبالداخل انواع الفضايح
مراحب * مراحب 
حياكم الله بموضوعي المتواضع وحياي الله بينكم :p
الصراحه اني قاعد ابترم  بالمنتدى <<<<< ترجم يا سهل
ولقيت انه اخر موضوع كتبته في الزعيم قبل سنتين 
صحيح اني ما استحي على وجهي :p
لكن السبب هو سهل والبارق ;) اخذو اليوزر وغيروا الباسوورد ورفضوا يعطونياه 
<<<<<<<<< مافيه الا كذا ..!! أنواع التبلي :p تدرون بالصيف الواحد تصير ذمته واااااسعه
عاد قلت ما يصير هالكلام .. لازم الواحد يشارك لو بحرف ..!!
وبعد ما جا سهل ولد new  ابشرك رضى علي ونسى جميع تصرفاته السابقه وتوه يحس انه ابو عيال 
عاااد انا فكرت بالثار كثير ..  لكن قلت يارجل اهجد لان البقاء للاقوى .. والقوي الله سبحانه 
هذا مشرف وين تحط راسك براسه .. 
المهم
اني جلست افكر وش اهديه  <<<<< ورط 
قلت بما ان المولود ذكر خل اهديه سيكل <<<<<< مستعجل
انا قلت سيكل بس .. !! واتذكر هوايات ابوه السابقه ... :p
واعقد اضحك اضحك اضحك
لاني تذكرت سيكل سهل في الايام الخوالي
اول ما نزل موديل ابو ثلاث كفرات
بشرط يكون له صاجه ورى ... تدرون ليش ...؟
لانه ابو الشباب ما يركب السيكل ويمشي
مثل الاوادم والخلق .... لا ... فيه حركه كانو يسونها اول
وهي يحط رجله على الصاجه اللي ورى ويدف السيكل برجله الثانيه
يعني مثل السكوتر ... بس اياااااااااااااام الستينات
وكان عند سهل سيكل .. معتق .. نص نيكل ونص صدى
واذا دققت .. دققت زيادة تحصل كل النصيين اللي ذكرتهم صدى الله وكيلك ..
تعرفون من كثر التلميع والتمسيح
وهذا من زاويه اخرى <<< اخس يا الاوربت
كان صديق الكل وحبيب الكل والسبه هالسيكل .. <<<<< انواع التمصلح ..
مالكم بالطويله فقررت اهديه سيكل :p
بس اخاف الابو يغااااااااار ويحن لايام الستينات <<<< شيب فيه :p
عموما ان
كل واحد فينا مررررر بطفوله ناعمه (( الاظافر )) <<<<<< يسمع بالكلمة ..
واثناء الطفوله الواحد لازم يمارس جميع هواياته الطفوليه 
منا اللي يحب يجلس على باب بيتهم ومجمع حصى .. اي واحد يمررر يكسر قزازته ..  <<<<< مثل حبي تيماوي :p
ومنا اللي يتمشى بالشوارع يدور اي سياره بتمشي يتعلق في صدامها .. 
وفيه اللي عاااااد هواياته خطيييييره .. مثل اللي يسوق (( عسيب النخله )) <<< مثل البارق:p
يعني انا عندكم مثال :
كنت امووووووووووت بشي اسمه تجميع مفاتيح ..!
واللي يشوفني يقول هذا فراااااااش مدرسه وكل مفاتيح الفصول معه
وهو ولا واحد من هالمفاتيح له كيلون .. !!
المهم ابي ولا عليكم امر كل واحد فيكم يقول لنا هواياته ايام الطفولة
ولا تفشلوني تكفون  ابي الكل يشارك
ويضيف مع مشاركته بالمرررررره اسم يقترحه على سهل لتسمية ولده
لانه من جد ورط ولا يدري وش يسمي .. واخاف يطلع شنب الولد وهو بدووون عنوان
سلاااااااام  | 