الصيف جاا والسفر حان طاريه ..
والله يعين اللي بتفـارق صديقاتها ..

صـباح/مســــاء الخير

مشتااااقه مشتااااقه اوي اوي
والله لكم وحشــه حتى وانا اذاكر افكر فيكم اقول الحين انا اذاكر وهم يسولفون بالمنتدى وونــاسه وفله
وانا ياقرد حظي ادرس .. بس الحمد لله انتيهينا من الدراســه وننتظر النسبه بفارغ الصبر دعواتكم .. كل ماانذكر النسبه قلبي يدق سـامري طربق طربق
ايه صح مبرووك لكل النـــاجحين وعقبال الباقي ان شالله يبشـــرونا بنجاحهم
ومبروك لأسيره تخرجها وعقبــال التعيين ان شالله ..
وعقبالي بالنسبه الحلوة ادعولي لاتبخلون فديتكم




القصه نشــأتها منذ قديم الزمان وكانت فن من الفنون القديمه فمنها الخيالي ومنها الحقيقي عاد انا قصتي غير مدري حقيقيه او خياليه انتوا حددوا ;)

بالعاده لما الواحد/ه يتخرجون من الثانوي اول شي يسويه الوالد يسلمهم الرخصه وطق السياره الجديده آخر مديل والبنات يتشرطون وحده يااي ابي لاب توب والثانيه لا انا ابي علبة مكياج والثالثه ساعه يعني ماشالله البنات ياحبي لهم يرضون بأي شي حتى لو تشرطت من البدايه أما الأولاد اللي يبيه يجي له دلع ماصخ
وخصوصا هنا بالسعوديه الولد مهايطي ورايح فيها تلقونه وهو توه بزر بالثانوي ويبي سياره خيير انت خل تنفقش بيضتك وتطلع منها بعدين سق سياااره >>لاحظوا انا اتكلم عن الأولاد<<شايفه نفسها توها متخرجه من الثانوي وتذب باللي بالثانوي.. بس انا غير البنات انا رورو مو حي الله
المهم جاني الوالد الله يخليه ويحفظه لي وهو عارف ان بنته دافوره يعني النسبه جايبتها جايبتها مو لازم ينتظر لما تطلع ويطري علي طاري الهديه اللي ابيها قال يابنتي انتي كبرتي والسنه الجايه ان شالله بتدخلين كليه او جامعه ..يبي يدخل بموضوع الهديه بس انا قاطعته <<واثقه ..قلت له وصلناا خير يبه..مدامك جبت طاري اني كبرت وان السنه الجايه كليه او جامعه اجل احتاج مواصلات توديني وتجيبني وانا ماابي اشغل أحد معي وأعـذب أحد صح ولا لا..قال أبوي محد يتعذب من بنته بس انتي وش تبين توصلين له يعني الزبده ..قلت الزبده يايبه ان انا ابي اطلع رخصه سياقه مثل الناس والعالم ويمكن اعزم ادرس بأكسفورد بلندن يعني ابي اطلع رخصه الحين واتعلم الحين علشان اذا رحت مايقولون متخلفه حتى سياره ماتعرف تسوق وحسيت ان شوي وتنزل دموعي
ابوي ياقلبي رأف بحالي ..قال لي يعني هذي هديتك اللي تبينها ان شالله ؟؟!..قلت له يبه ابي سياره موديل جديد بعد 2007 واذا نزلت 2008 ابي بعد ..تحسوون أن ابوي طيب لما الحين معطيني وجــه خخخ
المهم مع الأيام بديت أتعلم السياقه وكل يوم اتعلم شي حتى التفحيط تعلمته .. وجا الوقت إللي أشتري فيه سياره رحت مع أبوي معرض السيارات وكنت مبسوطه وفرحانه وجالسه أخطط لسباق بسويه بشارع الهاف مون مع أخووي ومرتبه أفكار براسي من ضمنها إني أروح عند صديقاتي وأقهرهم بالبدايه بعدين أوديهم أعشيهم على حسابي بمناسبة السياره الجديده يعني كنت مرتبه أفكار كلها فلهXفله ..
ماعلينا دخلت معرض السيارات مع ابوي وشفت قدامي سياره واااو خلاص عجبتني وحسيت على راسي طالعه أشكال قلووب يعني بداية قصة حب تدرون وش هي السياره (Infiniti) ;)



وكانت السياره رهيبه بمعنى الكلمه بعدين تذكرت اووه خالد ولد عمتي عنده نفس هالسياره أجل خلاص مابيها أنا أبي أشتري شي غير عن عيال عايلتنا ..بعدين مشينا شوي وشفت سياره ((sport BMW ))



صدق كانت جناااان لكن ماتصلح لي لأنها مكشوفه من فوق بعدين يطير شعري:p ..ورجعنا البيت ذاك اليوم وخاطري مكسور بعدين قلت يالله ماعلينا السياره جايه جايه أنتظر وش وراي ..ونمت ذاك اليوم نومه هنيئه ونوم العوافي يارورو ..
وجا اليوم اللي بعده زاروني صديقاتي المهم أنا ماقلت لهم السالفه لأني كنت قايلتها لهم بالجوال بنات مايعرفون يمسكون شي الا ويعلمون خوياتهم عليه يعني تلقون الوحده إذا براسها سالفه يجيها اللي مدري وش اسمه يخليها ان مالقت احد تقوله تقول لجدار غرفتها <<مجربه
قلت لهم وش رايكم ياصديقاتي العزيزات ..اللي قالت اشتري فياقرا واللي قالت : p BMWواللي قالت لوانيت
المهم بالنهايه ماخذيت منهم لاحق ولا باطل قلت الشرهه علي أنا اللي مشاوره بنات بهالمواضيع ..
وبعد ماراحوا دقيت على اخوي قلت له الموضوع كذا وكذا طبعا أخوي مسافر علشان كذا ماكان يدري عن الطبخه ..قال ايييش ماعندنا بنات يسوقون سيارات ..قلت له اخلص علي ياخوي واذا عندك شي قوله وإذا ماعندك شي نغير الموضوع قال ليش انتي تعرفين تسوقين مع وجهك ناقصنا بنات ويسوقون بعد ..قلت له انا ماقلت ابي سياره الا وانا أعرف أسوق طيب بعدين لا تتدخل مدام ان ابوي راضي انت مالك شغل اوووكي <<عصبت ..وسكرت بوجهه وأنا معصبه بعدين رحت شربت عصير ليمون علشان أروق
بعد اسبوع ونص تقريبا شريت سياره وكانت رنج ((ترى من كثر حبي للرنج كل ماجبت طاري السيارات طريتها يعني لاتلوموني ;) ))



اااه يالرنج لو تجيبون BMW و Infiniti ولو تجيبون سيارات العالم كلها اتحدى في سياره مثل الرنج وتجي بروعتها ..
في أول اسبوع كانت تمام معي واروح فيها واجي بس في ثاني اسبوع جيت أدعس على البانزين مو راضيه تتحرك واحاول واحاول نفس الشي بعدين تذكرت اني ماشغلتها :p لحد الحين ومقنعه نفسي اني مع الأيام بتعلم وذات يوم:p كنت أمشي حالي حال خلق الله مااحس الا السياره مدري وش جاها رايحه فوق نازله تحت وقفت على جنب اشوف لا مستحيل مااصدق مستحيل هذا كفر سيارتي أو بديل
ياللطامه الكبرى الكفر كان ينسم والله انه منسم ياربي وش اسوي ودموعي تنزل اربع اربع
اهئ اهئ وش أسوي والجوال ماكان فيه شاحن يعني مقفلته مرت من جنبي سياره تامرنا ياحلووو
ناس رايقه انا خفت ودخلت السياره وقفلت علي وكنت اصيح وصرت اسمع طرق احدن ما على زجاج سيارتي :P ورفعت راسي الا من تتوقعون ;) هذا ماستشاهدووونه في الحلقه القادمه <<لايكثر
المهم يوم سمعت اللي يطق قزاز سيارتي رفعت راسي واناظر واناظر وأنزل راسي مره ثانيه وارفعه الا كان واحد مدري من هو وفتحت القزازه الا يقولي أي مساعدت اختي؟؟! قتلت له وانا اشهقُ من البكااء
قلت: له الكفر الكفر
قال: وش فيه
قلت: مدري وش جاه
قال:لحظه اشوفه ورجع بعد نص ساعه
وقال:اوكي كل شي تمام تقدرين تمشين الحين
قلت له:مشكوور وماقصرت وانا كنت فرحاااانه
ورحت البيت بس ماقلت لأحد عن اللي صار خفت احد يهزئني وسكت وكتمت على الموضوع بس قلته لصديقتي بس بعدها ماطلعت من البيت شهر من الخووف :p
بس بعدين عرفت ان ابوي درى وجاني وهزئني علشان ماقلت له لأن اللي صلح سيارتي يقرب لنا من بعييد خخخ وحسبت انها آخر المشاكل مادريت عن الجاي
في نهار صافي متعافي مافيه غيوم حتى الشمس قربت تروح طلعنا انا وصديقتي قصدنا التنزه والترويح عن النفس ;) وكنا نمشي على شارع الكرنيش (الواجهه البحريه) الا في سياره اللي فيها كانوا يبون يسابقونا قالت لي صديقتي رعبوبة اسبقيه قلت لا اخاف بعدين يجينا شي اشيل ذنبك واتوهق فيك :p قالت خلك قويه واسبقيهم بلا خوف بلا كلام فاضي قلت مابي اخاف قالت اجل انقلعي مكاني واجي مكانك وشوفي وش بيصير قلت طيب وياليتني ماقلت وتبادلنا الأماكن وهم يسرعون وهي تسرع اكثر منهم <<بنات مهايطين وكل شوي السرعه تزييد اقولها خلااااااااااص قالت اصبري وانا خايفه وارجف مكاني احس ان بيصير شي فجأه صرخنا انا وهي لااااااااااااااااااااااااااااااااااااااا طراااخ طوخ ماحسينا الا وحنا داخلين بشبه وبعدها فقدنا الوعي ماحسيت الا وانا بالمستشفى ورجلي مكسوره وكلي جروح وامي وابوي جنبي امي مسكينه كانت تصيح علي وابوي مع انه كان حزين علي الا اني احس ان داخله نار علي ماالومه ياعمري وبعدها بأسبوع طلعت من المستشفى وقالولي ان السياره انعدمت قلت حسبي الله عليك ياساره كل اللي صار منك وجاني ابوي واخذت من التهزيئ الحلوو وبعدين قال لي انتي مو كفوو احد يعطيك سياره بيدك وكانت النهايه المؤسفه ان انسحب مني المفتاح وانحرمت من الطلعه لما خلصت الجازه الصيفيه حتى ساره ماصرت اكلمها

..
..
..

الخلاصه;) :
يابنات ترى السياقه مو هينه خلي سياره توديك وتجيبك احسن لك من هالخرابيط يعني لاتطالبون ان الحريم يسوفون ترى ابد مايصلح يمكنك تتمنين بقلبك لكن لو فكرتي بعقلك بتعرفين ان هالشي مايناسبك



أعـــرف شخصيتك من لون عيـــــونكـ..;)

العيون الخضراء
تدلّ على أن أصحابها ذوي شخصية قوية، ويمتازون بقوة الإرادة والعاطفة وصلابة الرأي، يحبون مساعدة الغير إلى أقصى الدرجات، لكنهم في بعض الأحيان أنانيون، وهذه الأنانية نابعة من ثقتهم الزائدة بأنفسهم، لكن أهم ما يميز أصحاب العيون الخضراء أنهم عاطفيون للغاية ويتمتعون بالكمّ الهائل من الحنان. :

العيون ا لزرقاء:
تعطي صاحبها نظرة عميقة، فيبحر الناظر إليها بشخصية صاحبها، الذي يكون حساساً جداً فيعامل الغير برقة وشفافية، ويفرض نفسه ورأيه على الآخرين بخفة شديدة، كما أن أصحاب هذه العيون يمتازون بالجرأة والإقدام لكنهم نرجسيون بعض الشيء وخصوصاً في الأمور التي تتعلّق بأغراضهم الخاصة. ومعظم أصحاب العيون الزرقاء عندهم حس فني ملموس

العيون السود:
أصحاب هذه العيون هم أناس حالمون يعيشون أجواء الشِعِر، كما أنهم أناس أسخياء وكرماء للغاية، يساندون الغير حتى على حساب أنفسهم، لكنهم يتمتعون بشخصية قوية. الغيرة ترافقهم باستمرار ومشاعرهم الرقيقة تجعلهم «أرضاً خصبة« للأصحاب. فهم إجتماعيون للغاية، لكن في حال انزعاجهم من أمر يفقدون السيطرة على أنفسهم.

العيون البنية:
هي رمز الحنان والعطف، وكلما مالت العيون إلى اللون البني الغامق دلّت على أن صاحبها يتمتع بحنية أكبر وبعطف شديد على الغير. أصحاب العيون البنية بالإجمال لا يكترثون للمظاهر الخارجية، يحصلون على ما يريدون بهدوء لأنهم لبقون للغاية ولا يعرفون معنى العصبية. ومن جهة أخرى هم أناس حالمون يعيشون في عالم من التأمّل ويسعون إلى الهدوء النفسي والإستقرار.

العيون الرمادية:
أصحاب هذه العيون هم على نوعين، إمّا يتمتعون بشخصية هادئة ونفس مطمئنة وسخية، وإما يتمتعون بشخصية عصبية وثائرة. وهم يبحثون بشكل دائم عن الهدوء لكن نادراً ما يجدونه. كما أن طابعهم عنيف وميّالون إلى القسوة.

العيون العسلية:
رغم القلب الطيب الذي يتمتعون به، فهم أناس غير صريحين مع أنفسهم كما مع غيرهم، يبحثون بشكل دائم عن الصحبة لكنهم يلفّون ويدورون كما لو أنهم في دوّامة. ويعتمد أصحاب هذه العيون على أنفسهم منذ الصغر فلا يحبّون الإتكال على الغير أبداً



في يــــوم الأربعاء الموافق 5/6/1427هـ تم بحمد الله انتهـــاء رعبوبة من المرحـــله الثانويه وتم التوقيع رسمياً على إعتزالها مدري استقـــالتها من المــــدرسه للأبد:p <<سامي مو احسن مني يعتزل ..
ولمن يرغب بتهنئتها يسدح تهنئته هنااا فضلاً لا أمراً
وشـــكرا;)

ودعت المدرسه وقلت لها بآآآآي..
ودعت المدرسه وقلت للجامعه هآآآآآي..
انا برحل من حياتك للأبد
وبدخل حياه جديده ماعرف فيـها أحد
أدري بتغنين علي :
غبتي يوم وعذرناك..وبولهنا انتظرناك
يالله ارجعي كفايه ..ابصراحه فقدنااك
بس برجع أقولك إذا سألتيني ماوحشتك ؟؟!
برجع بقولك اني مافقدتك
لكن يمكن افقدك بعدين إذا ربي احياني
وداعيه يــا آخر ليله تجمعنا
وداعيه وربي بشتاق لجمعتنا



اسأل الله العظيم رب العرش العظيم أن يشفي والدة أخـــينا أبو ريمان ويلبسها لبـاس الصحه والعافيه..
اللهم رب الناس مذهب البأس اشفها أنت الشافي لا شافي إلا أنت..
أسأل الله العلي القدير أن يمن على والدتك بالشفاء العاجل
اللهم آمـــين..



رورو;)