نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - قود باي مستر "إختبار" .. ولكمو سيدتي "إجازة " !!

الـساقي · #1 20/06/2007, 08:46 AM

قود باي مستر "إختبار" .. ولكمو سيدتي "إجازة" !

السلام عليكمـ ,,

كل عامـ زعماء وزعيمات والإجازة بخير ..! الجميع مبسووط ومستانس بأنتهاء الأختبارات ..!

أسبوعين ومرت كأنها يوم .. ياسرع الأيامـ ..!

كان قبل إسبوعين بعضنا يغير توقيعه ويكتب " الأختبارات قربت ولابد من الغياب ووو" !!

وألحين الجميع رجع كما كان ! وهذا أهم شيء .. !

أوووه أخيرا خلصنا من الغثة..! ماصدقنا ع الله يجي هاليوم..!

بلاجامعة ولا كلية ولاحتى ثالث وبلا خربطة وزارة..الإجازة جاءت وفلها نوم ووناسة ?

إيش قالواأسئلة وزارة !!؟

الحمدلله أن خلصنا الأختبارات على خير .. من جد هالسنة هذي أطفش وأكره سنة ..!

أطول سنة تكون أسابيع الدراسة بهالشكل في تاريخ التعليمـ مثل ماقالوا ..!

خصوصا الترم الثاني والله يخلي الواحد يتجنن وينهبل لا متوسط ولا ثانوي ولا جامعي وحتى يمكن المدرسين يشتكون ..!

وبالنسبة لطلاب ثالث طبيعي .. الصرااحة سنة غير ..!

بهذلتنا الأختبارات بالنظام الجديد ..! كل يوم إختبار مع أنه لمصلحة الطالبـ (ـة) بس تعب وزهق وطفش ..!

؛؛

أكيد بالأختبارات حصلت لبعضنا طرائف وحاجات عجيبة ..!

من الطرائف اللي حصلت لي شخصياً.. كان يوم الأثنين الماضي وكان علينا إختبار كيمياء << والله صعب !

وكنت أنا طبعاً مستانس ومبسوط قبل الأختبار بمناسبة فوز ريال مدريد باللقب ليلة الإختبار ..!

كنت خلصت مراجعة الكيمياء(طبعته ) ومن الفضاوة جلست أكتب على أيدي كلمة " فورزا الريال " بالأنجليزي ..

عاد لحظة الأختبار أسمع بعض الطلاب في القاعة من كلماتهم ان المراقبين بيفتشون عنا وو .. !!

عاد أنا أحمرر وجهي قلت وش الورطة ..!

سئلتهم ليش بالتوقيت هذا يفتشون ..

ومافتشوا قبل أو بالأسبوع الأول قالوا فيه طالب بأختبار الامس مبرشمـ !!

قلت آآها ألحين بيفتشون أيدي يشوفون الكتب ويحسبون أغش ثم أروح فيها .. وأجي

أخذ فاين وأحط فيه مويه عشان أمسح هالكلمة ولاأتورط والحمد الله مسحتها بصعوبة !

لأنه ممنوع نظاميا كتابة أي شيء يحتوي على كلمات أو حروف! فما بالك إذا كانت الأسئلة من الوزارة !;)

؛؛

وإن شاء الله يارب يحصل الجميع على مايتمناهـ من معدل ونسبة عالية تفرحه بالإجازة !

وإجازة سعيدة ورائعة إن شاء الله ,,

؛؛

دمتمـ بخير

سليمانــ