عندي المنتخب متخطي الهلال بمراحل
مستحيل اقوم واخليه حتى لو هو مصكوك بـ8 اقعد اتابعه للاخر لعل وعسى
ابي اقعد اتفلسف عليكم شوي 
كل اللي واجهتهم (انترنتياً) ولقيتهم يرجحون مصلحة فريقهم على المنتخب ....لا وفوق كذا يتشمتون ويتشفون فينا اذا انهزم المنتخب ما يطلعون عن 3 انواااع
النوع الاول
بنت طاايحه بغراام لاعب مزيون(بنظرها مزيون) هذي تنجن اذا ما دخل اللعب ويزيد جنونها اذا ما اخذ المخرج لقطه على الاحتيااط وتموت اذا ما كان ضموا حبيب القلب للمنتخب.
النوع الثاني
حبايبنا واخواننا الصغار علشان يجاكر زميله اللي يشجع الفريق المنافس (طبعا كل سوالفه شفت وشلون سحبوا بلاعبين فريقكم اللي بالمنتخب!!!!)
النوع الثالث
هذولا الله لا يبلانا الحقد معمي قلوبهم ويشوفون كل من يخالف ميولهم الرياضي عدوهم.
للنوع الاول اقول والله ما احد جاب خبركن وسعن صدوركن وهدن اعصابكن الله يستر عليكن.
للنوع الثاني اقول انتم امركم هين ان شاء الله بكرى تكبرون وتعقلون بس المشكلة اذا تطورت حالتكم وصرتوا من النوع الثالث 
. للنوع الاخير اقول الله يشفيكم (الله قادر سبحانه) وتراكم فاهمين الرياضه غلط.
آآآسف على الاطاله والخروج النسبي من الموضوع
