كلاســيـــكو المجلــس العـام ( التمــاسيح يواجهـــون الســحالــي ) .. !!!
بسم الله الرحمن الرحيم
وبعد ان تهوووور هااامور وحط موضوعه ها انا ذا
اتهوووووووووووووور وانبرش على الصفحه وانزل لكم الموضوع
المهم البارحه يــوم الخلايق نيـاما ..ابــد والله كنت نايم مثلهم بس حلمت لي حلم شيء
المهـــــم بخش بالحلم على طول ...
حلمت لكم مباراة ولا ريال مــدريد وبرشــــــــــلونـــــه
حلمت انه صارت مباراة نهائية بين فريق تماسيــــح المجلس العام ( الاعضاء )
وفريـــــــــــق سحــــــــالــــــــــي المجلــــــــــــــس العــــــــــــــــام ( العضوات)
المهم خشينا حنا الملعـــب قبل السحالي وبعــــدنا خشوا العضوات ..الله لايوريك انواع التنتيف فيهن اول ماخشنوا 
المهم حنا بدينا المـــــــــباراة بالتشكـــــــيله الاتيـــــــــــــه
ابو راس ( مزلبيـنه حراسه )
بالدفــــــــــــــــــــــــاع :
( كلي هلال ) (نمــر15 ) ( ابو ريمان ) ( مستر دلخ )
الوســــــط :
المايسترو الخنفشاري (ماجد مقبل ) (جرح يشكي) ( هامورالبورصه) (الكلاسيكي )
( المشاغب )
الهجـــــــــــوم : انــــا بلـحـــــــالي << انا اللي حلمت وعلى كيفي 
اما الخصم الشـــرس السحالي فيمـــثـله :
(هلاليه غصـب عليكم ) ..حارسـه مرمى << بالغصب بعد الدفـــــــــــــــــــــــــــــاع تقوده العجوز المخضرمه (الماسة الزرقاء) (بنت فهد) (بنت عز ماتنهز) (الهنوف) ( القمر الهلاليه ) ( هلاليه حرة ) ( فتاة الهلال ) (dal3_uae) << كل هذولي دفااااااااع الوســـــــــــــــــــــط : (عـيون الزعــيم ) << مسويه الباص عيون على غفله 
الهجـــــــوم : ( هلاليه @ميلانيه ) فييييييييييييييييييط << صوت صفــيّرة .. قبل ماتــبدا المباراة الحكم سهل يطــــرد هامــور البورصه << منـبرش على( هلاليه@ميلانيه ) والمسيـكينه قاعــده تصيح << ياوالله البلشه وش يسكتها الحين ياهااامور انت وخشــاتــــك اللي مالــها داعي بدايه غير موفقه للتماسيح
بدت المباراة وحنا ناقصين حاولنا ندخل بريماااكس بدل هامور بس عيو السحالي <<مستقعدين لك يا بريمي
فريق العضوااات يشن هجوم عنيف عالتماسيح
وفاصل مهاري من( القمر الهلاليه ) << شقت المشاغب بكوبري ...(وماجد مقبل) يعصب (عالمشاغب) 
ضم ارجولك فشلتنا الله يفشلك ومرت الربع ساعه الاولى واللعب تسطيييح والتماسيح ماهم لم الكووورة ;) << واللبيبو بالغمزتي يفهمو )
حتى الدقيقه 20 تسديده صاروخيه من (عيون الزعيم )
طلعها الحارس ابو راس بصعوبه للركنــــــــــيه
وتتقدم العجوز المخضرمه ( الماسه ) للركنيه << يبيلها ثلاثه يراقبونها وكورنر من (فتاة الهلال) الى (بنت فهد) بالمليمتر ياحبيبي بالمليمتر وهي اللي تمزعها مزعه بوجه (ابو راس ) ثم تخش المرمى قول
(ابو راس) ارتفع الضغط عنده ويلحق بنت فهد يبي صفــقها تصفيق يقول متعمده تصكها بوجهي ويجيك سهل ويطرده لاحوووول ..
والله اللي قعدنابــها ..ونمسّــك نمــــر15 حراسه بعد نــص ساعــه من الهواش سنتــرنا وانا اللي اخذ الكورة وامررها لجرح ومنه الى ماجد ومن ماجد الى الدلخ
الى مررها بالخطاء لعيون الزعيم المنفرده بالمرمى << والله من الدلاخه يادلخ ويحاول يلحقها كلي هلالي وينــبرش عليها وهو يمشي 200 على مشارف منطقة الجزاء ويطرده سهل لاحووول سهلوووه مستقعدلنا
ويجي جرح معصب ويفقع عين سهل بذاك البقس اللي يحبك قلبك ويشهر له سهل البطاقه الحمراء ونلعب ناقصين اربعه ...
وتشوت الفاول الهنوووف وينقــز لها نمــــر15 الا انه صفـق بالعارضه الزلابه وتجيك الميلانيه تضحك عليه وتتطنز به ..<< وهو اللي يخرج عن طوره ويرح ورا الاعلانات خلف المرمى << مخبي العجره وسيده لسهل ويفــلّــقه تفليق يقول لو ماحسبت الفاول كان ماصفق راسي بالعارضه ثم يروح لم السحالي وحنا نهــــجم عليهن معه نبي نطلع الحره..
ولولا تدخل قوات الامن الخاصه بقياده راعي المباراة ابو قرعه (محمد ابو لما) لإبعادنا عن السحالي لحدث مالا يحمد عقباه وبعدها يعلن سهل نهاية المباراة بعد الاحداث المؤسفه هذي .... لقطـــــات من المبـــــــــــــاراة :
* احتج التماسيح على الحكم ( سهل ) وطالبوا بحكم اجنبي من منتدى الرياضه العالميه * غاب عن التماسيح الكناري الازرق بسببه خوفه ان يتم كشفه من قبل لجنه الكشف عن المنشطات ;)
* جرح يشكي : ذكر انه اخذ الكرت الاحمر متعمد عشان يلحق الهجــــــــــوله اللي بشارع البعارين :p
* اعلن فريق التماسيح تنسيق المشــاغب بعد الكوبري الفشـــــــيله اللي جاه من ( قمر الهلاليه )
* خط هجـــوم السحـــــــالي هلاليه@ميلانيه و عيون الزعيم بلــعن العافيه يوم شافوا العجره مع نمــــر15 وانحاشن للدفاع * شوهــدت العجوز المخضرمه الماسه الزرقاء وهي تهايط على ماجد مقبل بسبب مقال كتبه عن المباراة في حياة نت .
* هتافات عنصريه وجهت لـ هلاليه @ ميلانيه من قبل التماسيح بقولهم ( ياليابانيه ) * المحترفه الامارتيه بصفوف السحالي dal3_uae طول المباراة وهي تغني اغنيه ميحد حمد ( اسمعت بالهاتف )
* ذكر ماجد مقبل قبل المباراة ان البارادايم تبعه اخبره باننا سنفوز بـ 6 << شكله لذع البارادايم يابو مقبل *** وبعد هذا الهزيمه... اابشـــركم اني حلفت معاد احلم مره ثانيه خاتـــــــــمه :
1_ انهو لمن دواعي سروري ان احوس نفسي عشان ينال الموضع رضاكم واستحسانكم
2_ انهو ليس من دواعي سروري ان يدخل احدكم يقرا الموضوع ويخرج دون تشريفه بـ رد
آخــــر شيء وهو الاهم :
اتمنى من جميع الاخوان والاخوات ان لااحد يشيل علي بخاطره شي من ناحيه الموضوع
ترا كلــها سعـــــة صــــــدر .
عواااااااااااااااااااااااااااااافي
