إقتباس الرسالة الأصلية كتبت بواسطة قـلـم أزرق أخوي كاس آسيا باقي عليها شهر ونص تقريبا .. وانت تقول بعدين .. ؟! متى بعدين .. ؟ ولو كل المنتخبات قالت ما نبغى ننهزم عشان ما نتحطم .. ما كان أحد تطور .. ياخي كل منتخب لازم ينهزم عشان يتعلم .. ولو بتقولي لازم نتدرج حبيت أذكرك اننا لاعبين مع البرتغال قبل كاس العالم وانتهت 3 - 0 مع مستوى مشرف .. ما أدري حنا وش ناقصنا عشان نلعب مع فرنسا و اسبانيا وغيرها من المنتخبات القوية .. ما أدري وش زود كوريا و اليابان علينا .. مع اننا كنا متطورين عليهم بمراحل .. لكن الفرق بيننا وبينهم احنا كل مرة نقول [ ما نبي نلعب مع منتخبات قوية عشان ما نتحطم ] .. وهم يقولون [ نلعب أول مرة وننهزم والثانية نتعادل وبعدها نصير أسياد آسيا ] .. بالأخير .. أقول يا خوفي يتكرر سيناريو 2004 نلعب وديات مع اليمن [ مع احترامي ] وغيرها من المنتخبات اللي على قد حالها .. ونتصقع من أوزبكستان و العراق .. !

اخوي البلى في اصحاب الخطط المدعوسه .
اقول اخوي اصبر على بلواك 4 سنوات وادع ربك ان الله يفرجها علينا يعني 4 سنوات جديده من التخبط الله يصبرنا بس ما تلاحظ من يوم جاء اصحاب السعاده بدال المرحوم بأذن الله فيصل وحنا مستوانا بالنازل ولا وتبينا نلعب مع فرنسا تبيها تدبل نتيجه 98 م .
انا ما ذبحنا الا المجاملات وعلى حساب سمعة الكره السعوديه من يوم شفتهم يحسبونها بالملي توقيف نور وانا غاسل يدي .