أولا ً معليش اخطيت في رابط الخبر ..

ثـانيا عقد بوريللو مهوب منتهي .. مجرد زيادة في مدة العقد ..

ولو يبون يعيرونه يعيرونه بدون مايجددون عقده .. إذا نفع في الاعارة وتحسن مستواه ..

يصير خير .. ويجددون عقده ..

ثالثا ً بالنسبة لكلامك عن لاعبي الميلان الموسوم الماضي أنت شفت كيف الميلان عانى من العجز في الهجوم .. وكان من أسوأ المواسم لهجوم الميلان ..

شف الفرق بين الموسم قبل الماضي والموسم الماضي ..

الموسم قبل الماضي سجل الميلان أكثر مـن 100 هدف وكان أقوى هجوم على مستوى أوروبا ..

والموسم ذا ما تعدت أهدافه الـ 75 !

الميلان يحتاج مهاجم ممتاز ..

لأن رونالدو مو مضمون .. وجيلا الصراحة ما ينغزابه .. والبيبو على عيني وعلى راسي ..

لكن كل هالمهاجمين ماينفعونا في الدوري .. واحنا هدفنا الموسم الجاي الدوري ..

اما بالنسبة للوسط لابد من وجود بديل لبيرلو والاقرب ايمرسون ..

الباك الشمال ايضا ً مافيه بديل ليانكلو .. سيرجسنهو وقضت عليه الاصابات .. وفافالي الله يخلف ..

ولا بعد جددوا لكافو !؟ بالله هذا بديل لـ اودو ؟!

قلوب الدفاع ممتازين بوجود الرباعي نيستا وباولو وكالادزي وبونيرا .. ولاعليهم كلام ..

سيدورف وكاكا بديلهم الوحيد اللي ممكن يغطي مكانهم جورجكوف .. ومع كذا مهوب

اللاعب اللي يعطيك دوري .. حتى لو اعطي الفرصة ماراح يعطي بالشكل المطلوب .. كنا نحتاج لاعب زي ريبري ..

لكن لاحياة لمن تنادي .. انشي صرح اكثر مـن مرة انه معجب في اللاعب .. ويتمناه في تشكيلته ..

واتوقع ميلان لو قدموا عرض رسمي لريبري ما بيرفضه .. يكفي انه بيلعب لبطل اوروبا

وفريق ينافس على اربع بطولات كبيرة وحلم أي لاعب ..

باختصار ..

الميلان يحتاج ظهير او ظهيرين .. و2 لاعبين وسط ..

احدهم ان شاء الله ايمرسون .. والثاني يكون بديل لكاكا ..

والهجوم اقل شي نحتاج ايتو او دروقبا ..

وبكذا اضمن لك إن شاء الله اما الدوري او الابطال ..

وكأس العالم والسوبر مقدور عليها بدون الانتقالات اللي ذكرتها ..

تحياتي ..