إقتباس اش المشكله اذا حليت كل الاساله وخليت هالسؤال ؟ سؤال ماتدري من وين جايبينه بس الباقي تدري! الا اذا كنتو تبغون 100% :p اذا كان في سؤال او سؤالين صعبين والباقي عادي ليش نعمم على كل الاختبار انه صعب؟؟

طيب انا بثالث ثانوي .. << وش نسوي لك ؟؟

واختبار الرياضيات كان صعب ..

طيب قبل الاختبارات باسبوعين وانا ماسك الكتاب ومدرسين خصوصي وزحمة ..

بالاخير تجيني أسالة ما اقول انها صعبة بس اقول تعجيزية ..

اختي تغريد عندك مثلا في اختبار الرياضيات سؤال واحد جلست عليه نص ساعة الي هو المنشور ولا عرفت احله بعد ..

و اليوم اختبار الانجلش الي رفع ضغطي ..

طيب وش المشكلة اذا كانت الاسالة سهلة وميسرة للطلاب .. وش المشكلة اذا الشعب كله جاب 95% وفوق ..؟؟

طيب الاختبارات هاذي مو مقياس .. زي ما سمعنا ان اختبار القدرات اهم من شهادة الثانوية بكبرها ..

واغلب الجامعات الحين صاروا يهتمون باختبار القياس و شهادة الثانوية صارت اسم بس ..

طيب حطوا أسالة سهلة وريحونا .. والوعد في اختبار القياس ..

انا والله حاليا مقفل راسي عن المذاكرة ..

لاني في اختبار الرياضيات والانجلش جبت العيد وانسدت نفسي عن الدراسة بكبرها ..