المشاغب تعال شوف الاخويا .... اللي معرفتهم نقص !!!!!!
بعد التحية :
انا قريت موضوع الاخ المشاغب اللي يتكلم عن الاصدقاء والاخويا ومعاناته مع التوقيف في المنتدى و...و....وووو
المهم اني تذكرت سالفة صارت بين اثنين من الشباب >>>> اجل وش دخلك انت
كان في يوم من الايام واحد من الشباب يمشي على رجليه >>> يا شيخ
وواحد ثاني بسيارته ... >>> اسلوب متعوب عليه
عاد شباب الجامعات يعرفون ايش يصير في مثل هالحالات ;)
قام راعي السيارة وشد الموتر باتجاه خويه
على باله يوقف بآخر لحظة
حوار مع نفسي :
انا : اجر الشباب ولا لا
نفسي : لا كمل الموضوع كفاية انها ثاني مرة تكتبه
انا : طيب
انتهى حواري مع نفسي . طبعا اللي ماشي - خلاص تعبت اللي ماشي واللي يسوق خلاص بعطيهم رموز اللي ماشي اسمه صنهات .. واللي يسوق اسمه حنيش - مفهوم.
طبعا صنهات قفز على كبوت السيارة ولعن والديه اكيد انكم تعرفون السيارات الجديدة كلها ورق ... على فكرة كانت سيارة حنيش اكورد 2007 خضراء >>>> اما خضراء عاد لا كانت سوداء اللون المهم اعدم الكبوت 
نزل حنيش بشوية ضحك على شوية احراج على شوية خوف على شوية بكاء
صنهات استحى صراحة وقال ابشر بعزك والله يا تصليح الموتر انه علي رد حنيش وحلف انه ما يصلحه الا في الخارج >>> متأثر بالعلاج اللي في الخارج
لا جد حلف حنيش ما ياخذ ريال <<<< ما تلاحظون اخوياي مهايطية عذبوني
المفروض السالفة هنا انتهت !!!!!!
نسيت اقول لكم ان صنهات سيارته ........ موديل 90 بس واحد من اخوانه مطلع كامري 2007 وكالة <<< اجل فيه 2007 حراج يا لوح
طبعا صنهات جاب الكامري في يوم من الايام >>>> لزوم الفشخرة الكذابه حق الشباب
والمسكين على مهله فيها وموقفها في مواقف بعيدة عن مباني الدراسة في مبنى ادوار وظل
المسكين يبي يحافظ عليها
ويوم احطه عند سيارته العصر الا الرفرف الخلفي مطعوج طعجه بنت حررام
المهم الادمي تحسب على كان السبب
وراح يبي يركب الا يحصل ورقة مكتوب فيها "
انا اخوك في الله وقد شاهدت سيارة اكورد 2007 رقم لوحتها (((( ن و س 077 >>>> ما يعرف رقم لوحة غيره )))) لا جد الرجال كاتب رقم اللوحة ويقول انه فيه واحد نزل منها وضرب الرفرف الخلفي ثلاث اربع مرات برجله ورجع سيارته وراح وهذا رقم جوالي .............)دقينا على الرجال وتأكدنا انه حنيش من المواصفات اللي اعطانا اياها
انا والله حقدت حقد رهيب خصوصا ان صنهات قاله ابشر ابعوضك وحنيش رفض
بس احسن شي سواه صنهات انه ما جاب طاري الموضوع
وراح صنهات غير رفرف وكالة بالفين وستمية ريال
انا والله اكلت معي >>>>> طبعا هنا دوري في السالفة;)
واقول لواحد من الشباب على السالفة والخطة اللي في بالي
كلمنا صنهات انه احنا بنسوي قطة نساعدة بقيمة تصليح السيارة
طبعا لزوم المهايط حلف واقسم ما ياخذها و و و و
بس انا قلت له ماهو من زود فلوسي اعطيك اياها >>>> قايل لكم ما اجيبها في سداد
بس انا ابي ارد لك بعض حقك من حنيش ;)
اتفقنا على قطة انا وحنيش وهذا الثالث كل واحد 850 ريال
طبعا حنيش اللوح ماهو متوقع ان عندنا خبر قام دفع فزعة يعني
والله واروح اعطيها صنهات
وفلوسي انا وخويي في جيوبنا
بس والله ان قلبي محروق على باقي الالفين والستمية
لكن ما يخالف بطلعها من قطة ثانية
<<<<< انتبهوا اذا طلب منكم قطة في المنتدى لا توافقون
اسف على الاطالة
بس والله لو تدرون اني كتبت الموضوع اطول من كذا بس انحذف على
واظطررت اني اعيده
