أغضب .. أغضب.. أغضب
اولا هارد لك..
بعدين يا جماعة لا بد نكون واقعيين اكثر مننا عاطفيين..
بصراحة الهلال كان فريق جدا مهزوز..التنظيم الميداني مفقود تماما..
حقيقة لا يوجد لاعب حسم اللاعبين مع احترامي الشديد انصاف لعيبة ، لا روح ولا مهارة، الاخ خالد عزيز اقسم بالله انه ليس له علاقة بالكرة اطلاقا بس امه داعية له، انا اعتقد انه قام بدور صانع اللعب للاتحاد هو وعمر الغامدي والغنام، قاعدين يشتتون الكرة طول الماتش،وبصراحة لم نعهد الهلال بهذه الصورة المخجلة ابدا، يضغطه الاتحاد 90 دقيقة داخل ملعبه، ما ادري ليش استسلم انصاف اللعيبة، شاهدوا المباراة ولا حظوا كيف غرق الهلال في فنون الكرة الاتحادية.
يا جماعة اريد ان اطرح سؤالا: الا يوجد لعيبة بالمملكة غير العنقري والمفرج وعزيز والخثران وفهد المبارك ياخي والله حرام حرام حرام من جد الهلال لا يوجد به غير هؤلاء.. يا جماعة شوفوا الوحدة والاتحاد والحزم والخليج والاهلي وغيرهم فرق كبير في اللعب بينا وبينهم حقيقة كأنهم اندية اوروبية ولعيبتنا ما يعرفون يوقفون الكورة ولا يسلمونها صح تصدم بالواحد منهم وتطير كمان اللعب عشوائي ما فيه لا فن ولا متعة ‘ حقيقة حافظوا على الصدارة بالدفاع فقط.
بعدين هالمدرب اللي اعطيتوه اكثر من حجمه والله ما في راسه.. والله انه يتخبط من اول ما مسك الهلال، تغيرات فاشلة ، وربكة في الخطط والتشكيل واعتماد على انصاف لعيبة.
يا للاسف قدام 60000 هلالي بالاستاد كان حال الهلال مأساة من جد مأساة متى عاد بنفوز متى؟
زعيمنا مو كذا لا ابد..بس وش نسوي ..
زعيمنا لا يمكن ان يحقق بطولة بطريقة دفاعية انهزامية خائفة
كان زعيمنا عندما يحقق البطولات كان دائما يقرنها بالمتعة والفن وتسحيب الخصوم وتدريسهم فنون الكرة.
يا جماعة الرياض لوحدها فيها مليون لاعب فنان ورائع والله الحواري فيها لعيبة اروع وابرز من العنقري وشلته .. يا خي والله حرام العنقري والمفرج وعزيز في نادي القرن والله حرام فرجتو علينا الأمم يا ناس.. كفاية حرام.. شوفو الاندية الاخرى وبس...يكفي ان الاتحاد لعب على قول واحد طول المباراة والله كنها تمرين بين الاتحاد والرديف حقه مو مباراه نهائية الهلال طرف فيها حرام حرام حرام..شوفوا لكم لعيبة غير هالمساكين والعواجيز وبس الهلال كيان لابد نضحي عشانه.. وتاريخه لا يسمح ان احد يجي يلعب فيه او يلطخه هذي خطوط حمراء يجب عدم الاقتراب منها.. آآآآآآآآآآآآآآه يا الالم .. اتحاد البلوي يحقق البطولة بعد مباراة تهزيئية للهلال.. ولا ننتقص حق العميد فهو كبير رضينا ام ابينا..
الف الف الف الف الف شكرا .. لك ايها المخلص تفاريس..
ارجوك قبل ان ترحل اترك من اخلاصك للزعيم شئ نستطيع اعطاؤه للغامدي والعنقري والغنام والفان وعزيز وجميع المتخاذلين ..
نصيحتي للرائع ياسر.. ارحل اذا اتعبك البقاء..
فاصلتي..
اغضب فأنت رائع حقا متى تثور... اغضب فلولا الموج ما تكونت بحور...
