| تركي هلالي موت
لي تعقيب على ردك
وارجو ان لاتفهمني خطاء
مجرد وجهة نظر قابله لصواب والخطاء
واجب إنك تحترمها مسألة إنك تقتنع فيها راجع لك طبعاً
المهم لاحظة على ردك تقول إن شاءلله مع الأدارة الجديدة سيعود
حسيت من خلال ردك كأنك نقصت من قدر إدارة الأمير محمد بن فيصل
اللي ماقصر ابداً واهو افضل رئيس مر في تاريخ نادي الهلال
ماشاءلله تبارك الرحمن صفقات وجدد للاعبين واجانب ناجحين ومدربين ماشاءلله تبارك الرحمن
ووقف مع الاعبين كثير وشخصيته قويه بصراحه عن جد رئيس قوي وروعه رغم
صغر سنه وضحى كثير من المال والوقت ودراسته
يعني اقل شي نقول الف شكر لك وماقصرت وكفيت ووفيت
وبالنسبة لطارق التويجري الله يوفقه إن شاءلله في فترة رئاسته ويستفيد من محمد بن فيصل طبعاً لأنه محمد بن فيصل جلس ثلاث سنوات اكيد عنده خبره كثيره وحقق إنجازات
لاتعد ولاتحصى ماشاءلله تبارك الرحمن والشي الأخير
إنه كلنا اعتقد نتفق إنه إيجابياته اكثر من سلبياته ولللله الحمد والمنه
ولاننسى طبعاً الرئيس الهامور الكبير (( بندر بن محمد )) ملك الخبرة وفن التعامل
ماشاءلله تبارك الرحمن والله يخليهم كلهم
بصراحه لو اجلس اعد اخاف انسى احد ورجال الهلال كلهم فيهم الخير والبركه
واحمدو ربكم ياجماهير الزعيم احنا اعضاء شرفنا مايفكرون بمناصب او فلاشات وغيرها
شوف عبدالله بن مساعد ماشاءلله تبارك الرحمن ماعنده لامنصب ولاشي بلأداره بس عضو شرف وشوف وش جالس يقدم
وشوف ماشاءلله تبارك الرحمن راشد بن عبدالعزيز
ماشاءلله تبارك الرحمن
لاتكبرون السالفه صدقوني
الكبير كبير
واي فريق معرض للخساره لكن بأذن الله العوده بأذن الله مع البطولة الأسيويه صدقوني
لكل جواد كبوه والكبير كبير مهما كان ومهما صار واي فريق معرض للخساره .  | 