أول شي حنا مؤمنين بقضاء الله وقدره وهذا حال الكورة فايز وخاسر وبعدين الدنيا ماانتهت بخسارة الهلال للبطولة...






وثاني شي وهو الاهم وهو سؤال : من المسؤول بحضور باكيتا للهلال!!!!!!!!!!!!!!!!!!!!







وثالث شي حرام الجمهور وللنهائي الثاني على التوالي يخرج وهو منكس الرأس بعد المستويات المتهالكة والتي عرفناها منذ اقالة المدرب الكبير بوسيرو وحضور المدرب المغمور سيريزو وانتهائها بالمدرب الداهية (سابقا) باكيتا


قسم بالله ياناس من الساعة 5 وأنا بالملعب وتعرفون ماشاء الله جو الرياض ذا الايام مايحتاج وفوق هذا نطلع مهزومين وياليت بمستوى مشرف ...






ومن جديد كالعادة ظهرت تخبطات باكيتا من اول المباراة بمشاركته ب 3 لاعبين محاور وهي الطريقة اللي ماعمر الهلال لعب فيها الا مع باكيتا ومع سيريزو والمشكلة ان الهلال تقدم بهدف , وبعدين فاجأنا الداهية بتغييره للقناص اللي ماكان بالفورمة مرة واستبداله باللاعب العنبر ( ملحوظة : العنبر لم يشارك الهلال في هذا الموسم الا القليل وهو مبتعد كثيرا عن اجواء المباريات ) مع انه من الافضل اخراج الكابتن الغنام واشراك الكابتن نواف اللي اجزم لو انه لاعب في هذي المباراة كان بيسوي شي يخدم الفريق وإذا استبعدنا مشاركة الشلهوب اللي يقولون عنه انه مصاب والحسيني يقول جاهز وماعاد عرفنا من الصادق فيهم ...

















وما اقول الا ضيعتنا ياباكيتا والله لايسامحك على ظهور الهلال بمثل هذا المستوى اللي مافيه اي امل بالفوز بكأس اسيا بمثل هذا المستوى...








وأخيرا وليس اخرا كما يقولون









كان ودي ان الهلال البارح يفوز عشان سامي الجابر اللي كان ودي يختم مسيرته باللقب ولكن انت كبير ياسامي سواء شاركت او ماشاركت وسواء حملت اللقب او لم تحمله فستبقى في قلوب كل الهلاليين....










واّسف على الاطالة





وتقبلوا تحياتي أخوكم البــاســل