| السلام عليكم ورحمة الله وبركاته 00000 اما بعد
اولا اشكر شبكة الزعيم على هذاا النقل وجهودها على ماتبذله 00
ثانيا هارد لك للهلال ومبرووووووك للاتحاد 000
فعلا اخواني نحن خسرنا ابو فيصل اكثر من اي شي والسبب لاباكيتاولا غيره طبعا
زي ماقال ابوفيصل اعضاء الشرف اتعبوووه ونحن كجمهور هلالي نطالب ابو فيصل
من منابر منتدانا وشبكة الزعيم بالبقاااء فلن نجد مثل قلبك وروحك على الهلال يابوفيصل
اما عن المباراة فحدث ولا حرج بصراحة يااخواني الهلاليين وبكل امانة مادام العنقري
والخثران بالاظهره ماحنا بشايفين خير معقوله نادي كبير كبير مثل الهلال عاجز على ايجاد ظهيرين سواء شباب او يجيب من اندية ثانيه بالله العنقري من صار اساسي وش
كان دوره بكل مباراة انا بقولكم لاحظوها فيه اذا لعب الايام الجايه كان دوره واحد التقدم
الى ان يصل بالبكرة الى الامام وبدال مايعدي من واحد ولا يرفعها ولايسوي شي خطير
يقتل الهجمه مره وحده يرجعها للدفاع الهلالي وين زمان الدوخي اللي اذا طار طار ماترجع كورته الا بالغصب ولاتقولون مو خسارة روحت الدوخي الا خسارة ونص
اما الخثران الموسم هذا يلعب مجامله ياجماعه ثقل بالجري والتمرير مايغطي محله صح ولو شفتو البارح الهدف الاتحادي الاول اسامه المولد ماخذ راحته ورا الخثران ماشاء الله الهلال يبي له ترميم خط الظهر كله الله يستر على تفاريس لاينعدي بس 00
نجي للاخ اللطيف رودريقاو من سوى حركة القبعه على الطائي وهو مدمن عليها
يابوي هذا يحسب انه بدوري حواري ولا ايش وربي حرام انه محترف بالعربي
اذا الهلال مصمم ويبي الاسيويه هذا اللي مفروض يصير يتعب على نفسه ولا بيروح كل شي هالسنه وماعاد بقى شي اصلا بعد اللي راح
ياسر الله العالم وش اللي فيه جالسين البعض يوهمون انفسهم يقولون عين وناس يقولون ارهاق ولاعاد درينا وش السالفة الله يعين
باكيتا كلمة وحدة اقولها ارجوووك ارحل وابدى انهيار نادي الغرافه القطري
طلب بعد هذا كله اتمنى من الادارة الهلاليه كفاها البحث والركض خلف البرازيلين
ارجو جلب مدرب اوربي وكفاها محترفين مثل رودريقو عندما اشاهد محترفي الانديه
الاخرى ابكي على محترفنا رودريقو شوفو بالتحديد محترفي الاهلي والاتحاد نار
والان لن ينفع البكاء ماعلينا هو مسح الدموع والنظر بعين ثاقبه نحو ماهو جديد
ونحن نعوود ونقول لك يابو سلطان نحن معك قلبا وقالبا لالالالالالالاترحل 0000
مشكورين اخواني واسف على الاطاله 0000 دمتم بود | 