ما تسرك الحال .. يا هلال !!
بسم الله الرحمن الرحيم
السلام عليكم ورحمة الله وبركاته
أحب أهني الإتحاديين على المستوى الذي قدموه
والنتيجة التي كسبوها ..
وبعيدا عن التعصب والعاطفة وبدون تجريح ..
لنضع النقاط على الحروف ..
الاتحاد لم يفز .. وانما الهلال خسر ..!
رئيس الهلال : محمد بن فيصل ..
عذرا أيها الرئيس أنت شاب ويلزمك الكثير من الخبرة لـ تقود الكتيبة الزرقاء ..
استقالتك في هذا الوقت .. أهذا منطق وكأنك تحمل اللاعبين الهزيمة ..
وتصريحاتك التي اتحفظ عن وصفها ..
أنت تضع اللاعبين تحت الضغوط وليس غيرك ..
العنقري ..
هو لاعب ليس بالطموح الذي نريده , ولكني .. سأقف هنا لـ دقيقة لأنصفك ..
أنت لاعب قدمت كل ما عندك بعكس بعض اللاعبين
المتخاذلين ذوي الشهرة ..
واستطعت ايقاف الحسن كيتا تماما من جهتك ..
لك التحية على مستواك وأتمنى منك الأفضل ..
لأنك كنت من أكثر اللاعبين حماسة ..
الخثران ..
هو الشارع الوحيد في الهلال ..
ضيع فرصة هدف ..
ووضع الهلال في أكثر من موقف حرج لأنه يتفرج باللاعب حتى يرفع ..
والهدف الثاني أكبر دليل ..
وليتها على الثاني بس وربي كل هجمة من ناحيته وهو يرفع رجله
بطريقة تستفزني شخصيا ..
أبي أعرف ليه ما يضايق اللاعب اللي بيرفع ؟
المفرج ..
قلّت أخطائك .. وغطيت كم خطأ من تفاريس ..
بارك الله فيك وعـ القوة ..
* مع انه أكثر لاعب كنت خايف منه ..
عمر الغامدي ..
أبدعت في كل مكان ..
واستغرب عدم التجديد لك ..؟
خالد عزيز ..
علامة استفهام ..
بالفعل تفكير قديم ما نبي نلعب man to man
هالفكرة قديمة صراحة ..
محمد نور اختفى من المباراة بس عزيز اللي نشب له ..
ونور صار يرجع ورى ويسحب خالد اللي
فتح شارع كبير في نصف الملعب ..
ياسر القحطاني ..
أخبر مرة يوسف الثنيان لعب 4 أو 5 مباريات وهو مصاب ..
فما بالك بإصابتك ..؟
والدعيع جاء الفريق كله يطره في مباراة أنهم يغيرونه
ورفض عشان اصابته ..
سقطة مثل هذي تخليك تطلع ؟؟
التايب و ألفان ..
لا تعليق ..
أعتقد أنكم شفتوا أن الجماهير فعالين أكثر منهم ؟
خاصة هالبنقالي ألفان كل لمساته يا آوت يا تنقطع منه ..
الدعيع ..
سويت اللي عليك والأهداف كانت بجد صعببة ..
مع أني كنت أتمنى أنك تطلع للكرات العرضية وتريح المدافعين ..
عبداللطيف الغنام ..
أعتقد أنك مظلوم في هالمباراة ..
ما حولك أحد قاعد تلعب لحالك ..
المدرب حطك في مكان استغرقت المباراة كاملة حتى عرفت وينك فيه ..
والظاهر توك باقي ما دريت ..
باكيتا ..
مدرب جباااان .. وقليلة فيه كلمة جبان ..
سجل هدف من الشوط الأول ويبي يحافظ عليه المباراة كاملة ..
بالله ذا مدرب ..؟
طريقته ترفع الضغط من جد ..
يعني ضغط الهزيمة شي وضغط طريقته في التشكيلة شي ..
بداية دفاعية .. بالله الهلال يدافع ..
باكيتا من عرفناه ما فاز الهلال بـ ثلاثة ..
دليل ضعفه وتخوفه ..
ينزل فهد سرور في مباراة مثل هذي و الشلهوب وينه ؟
الشلهوب مصاب .. ليه تحطه بالاحتياط .؟
ونواف وينه ..
وسااااااااااامي آه يا ساااامي ..
هذي المباراة كانت نفس سيناريو مباراة السعودية والامارات ..
حماقة مدرب تنهي بطولة كاملة ..
بطولة ما تعب فيها ..
جاء في آخرها .. وما حس بقيمتها ..
وضيعها بأهمااااله ..
* ما يستفاد منه :
- الهلال يحتاج مدرب شجاع ويؤخذ بعناية ودراسة جيدة ..
- في تشبع من بعض اللاعبين يوجب تجديد روح الفريق بتصعيد لاعبين واستقطاب لاعبين جدد ..
- رئيس الهلال بعد كل خسارة يضع اللوم على أحد ما .. ليته يراجع نفسه ..
حب الهلال يجمعنا ..
هلالي عرق وخلايا ..  | 