هلا خيوو ابو راس <<<مسوي لبناني الاخ


بنسبه لسؤالك اللي فوق اللي سدحته هينا تحت <<<<لحست مخ

إقتباس هل انت عزيزي العميل من هواة التسوق؟ وش طقوسك وتجاربك خلال هالعملية الحلوة عند البعض والثقيلة عند البعض الآخر؟ بس فضول

انا من هواة التسوق في اوقات و اوقات لا

الاوقات اللي اكون فيها من هواة التسوق هي اذا عندي حاجه ودي اشتريها زي T-shirt اروح للسوق و اتمشى فيه لين اشوف كل المحلات اللي عندها T-shirt

بس هذا يكون تحت الظرووف الروقاااان

يعني ادخل السوق اول العصر ((تعرف الوضع في اسواق الرياض كيف مع السكرتيه)) و اتمشى فيه ادخل المحل هذا و ذاك

بعد ما اخلص او قبل ما اطلع اخذ لي قهوه او حلى او ايس كريم من اي محل في دور مطاعم

هذي الحاله فقط في الاسواق

اما المحلات اللي على الشوارع فاهذي اروح لها وقت ما ابي

بعض الايام اطلع اتمشى و انا في طريق اقول خلني امر على المحل الفلاني

زي المحلات اللي على شارع التحلية و شارع العليا

اما الاوقات اللي ما فيه امل اروح اتسوق فيها

عندك يومين او تقدر تقول3 ايام

هي الاربعاء و الخميس و الجمعه

الخميس يمكن اول العصر مع واحد من الشباب بس في المحلات اللي على الشوارع اما الاسواق معصي

طبعا هذا كله للملابس sport

اما الثياب و الشمغ

هذي سهله جدا

متى ما بغيت افصل ثوب رحت للخياط و فصلت على طووول

انا الشماغ فشماغي معرووف و المقاسه معرووف


الله يخلي البسام و بس



هذا كل اللي عندي





و





سلامـ