دعوة للأعضاء لمناقشة التشكيلة والتكتيك للمباراة النهائية...
كلنا فاهمين كورة ... وكلنا لنا رأي خاص فينا....
طيب تعال ... وحط نفسك مكان باكـيـــتــا .. الكوتش الهلالي..
وعطني التشكيلة اللي بتلعب فيها النهائي أمام الاتحاد....
وعطني الخطة والتكتيك ياكوتش...
أدري ان هالكلام لا يودي ولا يجيب ،،، لكن خلونا نتفلسف ونشوف حنا ولا باكيتا....
لأني يالربع أنا حاس ان باكيتا هذا بيجيب العيد والطاعة ورفعة الضغط .... ويبي يحط تشكيلة مالها داعي أبد أبد...
المهم ... أنا بقولكم رايي....
التشكيلة:
الدعيع
الخثران - المفرج - تفاريس - العنقري
الشلهوي - عزيز - الغامدي - التمياط
التايب
ياسر
طبعاً فيه بعض اللاعبين ما يعجبوني ،، لكن الجود من الموجود ومافيه إلا أحطهم في التشكيلة ...
والخطة 4-5-1 في الدفاع ،، 3-5-2 في الهجوم ،، كيف؟! هذا يبين في التكتيك...
التكتيك:
كالعادة المفرج مدافع ليبرو/قشاش .. تفاريس يراقب كيتا(المهاجم الوحيد للاتحاد)..
في حالة الدفاع ،، الأظهرة تكون راجعة للخلف ومسكرة منطقتها...
أما في الهجوم يتقدم فقط الخثران إلى الأمام .. ويبقى العنقري مدافع ثالث لأنه مافيه فايده منه في الهجوم...
وبالتالي يصير الدفاع 3 والوسط 5 عزيز والغامدي محاور..
طبعاً عزيز (المطنوخ) الله لا يهينه يراقب "نـــور" زي ظله ... يعني ولا صوت ولا نفس...
والغامدي يكون المحور التقليدي...
الخثران يكون في الوسط ويشكل جبهه مع الشلهوب من الجناح الأيسر أو العمق الهجومي الأيسر..
والتمياط والتايب يشتغلون من الجناح الأيمن أو العمق الهجومي الأيمن..
طبعاً في حالة صارت الهجمة من اليسار... يتقدم التايب مع ياسر في الهجوم...
وإذا جات الهجمة من اليمين ... يكون الشلهوب الموهوب هو المهاجم الثاني مع ياسر...
وطبعاً يـــاســــر (حبيب قلبي) ،، كعادته مع الاتحاد يسنتر في الهجوم ويشغل أبوهم إشغال ... وحتى لو صار الدفاع عشرة وفيهم تكر والمنتشري ... ياسر كفو يبهذلهم...
فيه نقطة مهمة ... أنا أفضل عدم لعب الكرات العرضية العالية في حالة الهجوم من الأطراف ...
الكرات الأرضية القوية ... تكون أخطر على الدفاع الاتحادي...
والاستخدام الوحيد للكرات العالية يكون في الأخطاء الغير مباشرة ... والكورنر .. أو في حالة لعب الكرة خلف المدافعين لياسر...
..
...
....
.....
شكلي طولت عليكم مرررررررررة
المهم أبي أسمع رايكم.. وان شاء الهلال يحقق البطولة
---- والله الموفق ----
