حجز
====

رجعنا بسرعة البرق ( ما شاء الله تبارك الله )

إقتباس فكرة و إعداد / الماسه الزرقاء

يسلم هالعقل المفكر.. وتسلم هالأيادي اللي تفرحنا بكل ما هو جديد وممتع..!!

إقتباس كانت انطلاقتي في عالم الانترنت بعدما نشبنت للوالدة الله يحفظها أنا واخواني لكي تتوسط لنا عند الوالد اللي كان ماخذ صورة سيئة عن الانترنت وصدر قراره بالموافقة ولله الحمد في عام 2000م برقم 1÷ 2 / ك خ هـ

ما شاء الله.. أثرك شايب وحنا ما ندري؟

من عام 2000 مشتري كمبيوتر وشابك النت؟

بس على فكرة: الوالد -الله يحفظه- كان معه حق يوم ياخذ فكرة سيئة عن النت..! لأن ما خرب أخلاقك غير النت يا تعبان

إقتباس وطبعاً حنا ما نعرف شي بس قلنا لراعي المحل نبي مواقع صح توسع الصدر وتفك الخشة وتخلي اللي ما يفهي يفهي ..

أنا كان قلبي حاسس أنك مفهي يا مفهي وش هالمواقع اللي عطاكم إياها هاه؟ اعترف أحسن لك

إقتباس أبو الشباب قال ابشروا وحط لنا موقع (أين) على الصفحة الرئيسية وقال من هون بتشوف الدنيا منيح .. انا واخوي سعابيلنا سالت كنهر جاري وبدت الأحلام والآمال على ضفاف النهر كحديقة غناء تظله وتمده بالحياة ههههههه

عام 2000 المواقع اللي كنت تعرفها هل كانت محجوبة مثل الحين ولا لا؟ علـّمنا عشان ما نتحسف على زمننا ذا

إقتباس طبعاً تجمعت العائلة الكريمة كلها أمام الكمبيوتر وانتشر الخبر في الحارة انتشار النار في الهشيم إن ماجد شارك في منتدى وفي اثنين ردو عليه !!

ــهـهـهـهـهـهـهـهـهـهـهـهـهـهـهـهــ الله يرجك ــهـهـهـهـهـهـهـهـهـهـهـهـهـهـهـهــ

إقتباس أنا كبر راسي وصراحة بديت أحس بالشهرة وضغوطها ومن هنا بدأت أحاول اثبت نفسي وانطلق في هذا المضمار الرهيب هههههه

أروح فول بالبيض على هيك شهرة

إقتباس في البالتوك كانت بداية الانحراف ههههه >> لا احد يصدق ..

الحمد لله أنت اللي قلت.. ما قلت شي انا

إقتباس في الزعيم وجدت ضالتي بصراحة ارتحت لها المنتدى كثير وانا سجلت فيه باسم ماجد مقبل لاني كنت متحمس ومطفي الانوار واخاف احط اسم ثاني يعرفون اني نصاب ويطردوني لكن اشتراكي ماتفعل فسجلت باسم ثاني فتفعل الاول وبديت اشارك فيه بمنتدى الجماهير الهلالية

لحظة.. ما فهمت

أنت مسجل باسمك الأول ماجد مقبل وما تفعل؟ وسجلت باسم جديد؟ طيب وهذا اليوزر وشو؟

أهاااا... يمكن قصدك شاركت بيوزر ثاني حتى تفعل يوزر ماجد مقبل..!! صح كذا؟ والله إني ذكي ;)

ولا الاحتمال الأخير أنك أول ما سجلت يوزرك الثاني.. على طول تفعل يوزر ماجد مقبل من قبل ما تشارك باليوزر الجديد..!!

يا ابن الحلال كان اختصرتها من الأول وابتعدت عن لحسة المخ جعل مخ نمر 15 ينلحس حسبي عليه.. من بعد ما لحس مخي بحركته ذيك

معاد صرت أفهم شي

إقتباس ((ماجد مقبل الهكرز الذي لايرحم ..))

فديت كل الهكرز اللي كذا

إقتباس والآن مع قصتي مع الضحية الأول هلالي الظهران ..

أفااااا يا سواااااح ما هقيتك لهالدرجة غبي

ضحك عليك ماجد؟

شوهت سمعة عيال البترول حسبي الله عليك

بس والله مشى المقلب عليك زي الحلاوة :p

إقتباس ((الضحية الثانية كان الفارس الحائر ))

شف يا هلالي الظهران وتعلم

ما عنده وقت الفارس

إقتباس ((أعضاء على ماسنجري)).

أبشرك زادوا واحد

قررت بعد تفكير عميق أن أتكرم عليك بشرف إضافتك لماسنجري المبارك.. فأضفتك قبل يومين تقريباً..

من قدك يا عم... أبو السلاطين أضافك بس لو ما تقبل الإضافة يا ويل ويل ويلك بأعلمك أصول الهكرنة

إقتباس قائدهم ديك الجن وهو انسان حبوب دب واصلع ماشفته بس قلبي يقولي كذا شعاره في الماسنجر علينا الذب وعليك الضحك

الأزدي ترى ما عنده وقت... بتندم على ذباتك ذي ترى ما عنده يمه ارحميني :p

إقتباس وشيخهم M e T o O o وهوشاب في ريعان شبابه كالوردة المتفتقة بالحياة > لاعمرك تمدح

أنت الحين تمدح ولا تتغزل؟

بس يستاهل نفنف هالمدح

إقتباس ومن الاعضاء اللي معي في الماسنجر وافتخر بمعرفتهم الهلالي المدريدي الرائع سيمو والشاعر الكبير المتميز جرح يشكي

سيمو.. وجرح يشكي.. هالدببة أتوقع أنهم مسببين لك زحمة في الماسنجر.. ترى التعليق اللي يجيك في الماسنجر

بسببهم احذفهم يا عمي وريح بالك

إقتباس وعلى فكرةً في واحد من المنتدى تعرفت عليه دايركت من دون ماسنجر ولا رسائل خاصة ولا حاجة واحتفظ باسمه لظروف إستراتيجية وأمنية .. [/B][/SIZE][/COLOR]

يا أخي عادي.. قل أنه أنا.. ما عندي مشكلة

أمزح يا شباب لا حد يصدق.. ماجد مقبل كبر أبوي... وأبوي يقول لي لا تماشي اللي أكبر منك

عشان كذا أكيد مهوب أنا ;)

إقتباس أول عضو قابلته هو نــ15ــمــرطبعاً عرفته من خلال مشاركاته وردوده ثم كانت الرسائل الخاصة هي بداية التعمق وبعدين الماسنجر و الجوال ثم كان اللقاء الكبير ...

أمحق لقاء كبير

يا ولد الناس تنحاش من متعب وأنت تقابله

إقتباس ومن ذالك اللقاء توالت اللقاءات والاجتماعات مع الغالي نــ15ــمر ومتعب جوه غير يعني كل يوم يطلع بسالفة يوم مسوي فلم هندي ويوم يصير رومانسي ويوم يجيك مواصل ومفهي :p و بختصار متعب أكشن .

يا أخي أنا اكتشفت بهالمتعب شي عجييييييب جداً

قسم بالله حظه عجييييب مع هالصدف

حياته كلها صدف

أتوقع أنه يوم طلع للحياة.. طلع صدفة بدون سابق ميعاد

اسأله وش اللي صار بيننا أمس وهو بيعلمك

بس نصيحتي لك... اقطع علاقتك فيه أزين لك.. ولا تسألني ليش؟ انتهى

<<<< ( شـــديـــد )

إقتباس ونمر15 ومرسول قريبين مني في الحارة فلذلك صرنا نجتمع ثلاثة نفر بعد ما عرفتهم على بعض ..

أهاااا... أجل نمر قريب من حارتكم

طيب حلو ;)

إن غداً لناظره قريب...

انتقامي قرررررررررررررب ;)

إقتباس العضو الرابع عزوز الأزرق في جدة وقبل موعد عودتي إلى الرياض بساعة كنت مع بعض الأصحاب في احد مقاهي جدة نشوف احدى المباريات واتصلت بعزوز وقدمت له دعوه للحضور ;) وما قصر والله وجاء عندنا وعرفته على الشباب وجلسنا نسولف وتعشينا مضغوط على كيفك ثم أصرعزوز انه يوصلني المطار مشكوراً طبعاً انا كنت قاص بطاقة صعود الطائرة من بدري فلذلك نزلت على الطيارة مباشرة وحقيقة كان لقاء عزوز رائعا ومميزاً رغم قصر مدته . [/B][/SIZE][/COLOR]

ونعم بعزوز

ما أعرفه بصراحة... لكن أعجبني لما أصر عليك بإيصالك المطار... يدل على أخلاقه العالية وشهامته

إقتباس ان تروا عيباً فسدوا الخلالا ** جل من لاعيب فيه وعلا .. بالعربي .. لا احد يدقق ..

أبشرك دققت ;)

لأن اللي قبلك مشرفين مشيناها لهم من الخوف.. لكن أنت حطيت حيلي فيك

إقتباس تمضي سنين طوال عام ورا عام ** وتبقى المحبة لك يامجلسي العام أعضائك النخبة انا فيهم انلام ** مابين وافي وصافي وصادق وهمام اخوان واكثر لكن دون ارحام ** في الله محبتنا وعلى دين الاسلام رسولنا القدوة محمد عليه السلام ** خير البشر وخير من صلى وصام الله يديم الود دوم ويكفينا الخصام ** في منتدى الزعماء و ( بالمجلس العام )

صح لسانك

إقتباس وفي ختام هذه الحياة الانترنتية أقف عاجزاً عن الشكر لكم جميعاً يا من منحتموني وقتكم وحرفكم وودكم .. يا أعضاء منتدى المجلس العام واستشارييه ومشرفيه الكرام ... وأدعو الله عز وجل أن يوفقنا جميعا لكل ما يحبه ويرضاه وان يجمعنا في جنته ومستقر رحمته في مقعد صدق عند مليك مقتدر

الشكر لك يا غالي على امتاعنا بسيرتك المهببة المنيلة بستين نيلة

والله من زود الاستمتاع حسيتها قصيرة.. وقريتها مرة ثانية..!!

الله يعطيك ألف مليون عافية يا بعدهم

واعذرنا على ذب الميانة شوي :p

إقتباس ولا ننسى أن نشكر المصمم المبدع عاشق بو يعقوب على تصاميمه الخاصة بالموضوع

عساه على القوة الذيب... ما شاء الله عليه عاشق بويعقوب.. مبدع بكل ما تعنيه الكلمة من معنى.. وفوق كل هذا

متواضع وخدوم.. الله يحفظه ويخليه لعين ترجيه <<< دعوة جدتي لي ( الله يشفيها ويعافيها)

إقتباس علماً بأن سلسلة ( حياة @ نت ) ستقف مؤقتاً وستُستأنف في الإجازة القادمة , فانتظرووونا [/COLOR][/SIZE]

يا شين التغلي شينااااااه

الشرهة علينا اللي معطينكم وجه ونرد... لكن خلاص ما راح نرد على مواضيعك ( وجه زعلان )

إقتباس تقبلوا أرق التحايا وأطيبها من مشرفي واستشاري المجلس العام

يا مال العافية والله يا أحلى مشرفين واستشاريين عظام وجراحة أنف وحنجرة

الله يعطيكم العافية... والله يقويكم