أنا إنسانه..
ما عندي غير ... نبض إحساس
أبمشي به .. ما بين الناس
ومن قلبي أحب..
وفي يدي عمري .. أقدم باقي سنينه..
لكل الناس


ஐ˚◦ ๑ ◦˚ஐ


شريته وهو طفل صغير وجاهل ،،

وعلمته كيف الناس للناس يوفون..

أخذت بيده رغم كل العواذل،،

وأمنته على قلبي وشلته بالعيون

واليوم ينكر كل ماكان قايل،،

ويطعني برمح الغدر ( رمح مسنون )


ஐ˚◦ ๑ ◦˚ஐ


فقير حظ وراس مالي ثيابي
وأبسط طموحاتي تهز أعمدتهم

فاتح لهم قلبي وطيبي وبابي
وعيونهم قبل الحكي فاضحتهم

قالوا وقالوا واشبعوا بأغتيابي
هذي نواياهم وذيك ألسنتهم

حتى وأنا اتألم وأموت فعذابي
دمعات عيني بالحزن فرحتهم



يكلمني عن جروحه وأنا من سبته مجروح
يسولف لي عن أحبابه واسولف عنه لحاله

أحس في دمعة عيونه..وتطلع من بكاه الروح
وإذا يفرح مع غيري بكى قلبي وهناله


ஐ˚◦ ๑ ◦˚ஐ

ملامح هذا الوجه زين أعرفه ..!!

جيت أقول له مرحبا ..
جيت أحاول أعرفه ..
لكن للأسف ... هو اختفى
وضاع في زحمة البشر ..

حتى لا أتأكد منّه وأعرفه ..!!


ஐ˚◦ ๑ ◦˚ஐ


كل السوالف تجيب اسمك ولو صدفة
كل الشوارع توقّّف بي على بابك..
واهرب عن الناس لآخر ركن في غرفة..
وألقاك بالروح..وأهدابي على اهدابك.
هناك اعيش الغرام اللي لقى حتفه
هناك اذوق العذاب اللي من اسبابك


ஐ˚◦ ๑ ◦˚ஐ


مخنوقه يمه و احس الخنقه هدتني
مكسور قلبي و عيني مدري وش فيها
و دموعي اللي غصب عن عيني بكتني
مليت أغمض جفوني لجل اداريها



ஐ˚◦ ๑ ◦˚ஐ


شوف انكسار الورد .. نبَّت على يدي
دفى جمود البرد ... و اشعلني بجوفه
ما قلت لك يا قلب .. تحلم على قدي
حلمك خذلني و حط خوفي على خوفه


ஐ˚◦ ๑ ◦˚ஐ


تعبت ألعب معاك الدور نفسه ( وابتسم ) لا جيت
و"أخبي " داخلي( حزني ) لأجل " تبقى " إبتساماتك !


ஐ˚◦ ๑ ◦˚ஐ

اليوم أنا راحل عن دنيا تبكيني ماودها تفرحني ولو يوم،،
تسمح لي بكلمه قبل لا ألبس ثوب الوداع،،
من حبك في هالدنيا لاتخسره.. تراك بتندم يوم تفقده،،
ومن شراك من بين هالناس لاتفكر تبيعه .. لانه ترك العالم وجاك،،


ஐ˚◦ ๑ ◦˚ஐ


# خوفي #

أنسأل عنك ويضيع الرد بشفاتي ..

# خوفي #
ينكشف " بعدك "
وتحس الناس بجروحي ..
بعد ماكنت أنا " وياك "
يشوفوني أنا بروحي ..
قلبي ما يطاوعني بإيدي أكشف أحزاني ..
ولا أقدر أقول ان ......
# أعز ناسي خلاني #



أنا حلمي أصبح بقلبك خبير
وانت حطمت طموحي والأماني
يفقد أسلوبك الاحساس الكثير
من غرابيله أنا لليوم أعاني
أنا طالب حب باخلاص وضمير
وانت أستاذ تخصصك أناني
عطيت غيري ممتاز مع التقدير
وأنا لامقبول ولادور ثاني..


ஐ˚◦ ๑ ◦˚ஐ


الناس ما همها جرحي ولا حالي
اليوم كل اللي يبي نفسه يبديها
الوقت الاول تغير حيل يالغالي
ماعاد به ربع تشيلك بيدها
ماكل شخص ضحكلي ياخذ اقوالي
ماكل هرجه ابسمعها ابحكيها


ஐ˚◦ ๑ ◦˚ஐ

حسيت بحنان الموت والموت ضامني...
بكيت بمرارة وهو يخفف دموعي...
جلست أشكي وهو إللي فكر يسمعني...
دورت على حبيبي وقلبي ينزف بألامي...
لقيته غارق بدنيا بعيده عني وعن هواي...
مادريت بإني كنت أكبر همه وإنه سعيد بدوني...


ஐ˚◦ ๑ ◦˚ஐ


تصّور كذا ..

و حنا بعاد ..

يصير شي ما تتوقعه ..

يا خذ امانتي رب العباد ..

و يختفي صوتي و ما تسمعه ..

تصّور لو يجي هاليوم ..

و تندم على ما فات ..

و تتحسر على صداقتنا ..

و تزيد في صدرك هموم ..

و تبكي فراقي ..

بس .. بوقت متأخر ..

قلي وقتها بتكون مرتاح ..؟؟



ஐ˚◦ ๑ ◦˚ஐ


الزمن ياصاحبي ماله أمان

والعمر يمشي وكل شي محسوب!

والقدر مكتوب والمخفي يبان

وحظي العاثر طلع أكذب كذوب!

كنت أنا طيب وكل قلبي حنان

وأحسبولي طيبتي ضمن الذنوب!

أذكر أني كنت ناجح من زمان

بس أحس أني تعلمت الرسوب!


ஐ˚◦ ๑ ◦˚ஐ


(( من طلب الغلا .. سهر الليالي .. ))


ياهو مثل بين الحبايب ..

و اللي يرد ال (غين) (عين) ..

أكيد

غايب

ما حضر درس الحنين
و ما فهم ملح السنين
ما حفظ بوس اليدين
و كيف الغرام سوى العجايب ..؟
و كيف الملام شرهة حبايب ..؟
و كيف الكلام مذنب و تايب ..؟


ஐ˚◦ ๑ ◦˚ஐ

حسافة صارت ايامي اسيرة حبك المخدوع
اجيلك صادق بحبي وتفتح للغدر ابواب
لقيت الكذب عنوانك وشوقك يا الغلا مصنوع
وانا دايم ادور لك عن جروحك عذر واسباب
اذا تامر على قلبي انا لك بالوفا مسموع
اقدم لك سنا عمري هدية لك بدون حساب


ஐ˚◦ ๑ ◦˚ஐ


مركون بين البحر والبيت وحداني
ابني لروحي أمل وجروحي اتهده
وامر قبل الغروب ارتب احزاني
اطوي شراع الهوى وانوح وامده
لايابحر منهو اللي ناسي الثاني
انا او اللي هجر شاطيك من مده



ஐ˚◦ ๑ ◦˚ஐ


لا تفتح الجرح خليه بالجوف
أقسى الكلام اللي يمر بليانه
سافرت بظروف وعودت بظروف
ما أذكر جزيت اللي وفا بالخيانه
وش يذبح اللي يحب غير إنه يشوف
أخس خلق الله ياخذ مكانه


ஐ˚◦ ๑ ◦˚ஐ

لايكسرك همك ولاتخلي الحزن يلعب على دمك
خلك مثل صاحبك مايكسر الخاطر
شايل هموم البشر ورغم التعب صابر
ولين اليوم مثل الجبل يتكسر ماكابر
ولو راح منك عمر او صابتك حيره
" قووووول الله كاتبه لي .. واحسبها خيره "


ஐ˚◦ ๑ ◦˚ஐ


نويت أسلم لك عيوني قبل لا امشي
ما ودي اشوف غيرك لا ارتفع رمشي
ياللي عيونك تلوح بالفرح كوني
قلبي اعرفه بدونك يشعل جنوووني


ஐ˚◦ ๑ ◦˚ஐ

سالت دموع الليل فوق المدينة
تلمس قديم الجرح ويسيل همه
أمشي أنا وكل الشوارع حزينه
فيها الفرح يرتاح لاشاف دمه
دورت وجهك في الجروح القديمة
وتعبت أدور في الليالي وألمه
وفجأة تروعنا دموع المدينة
واخذ قديم الجرح واشيل همه


ஐ˚◦ ๑ ◦˚ஐ


ابعد عن عيوني
ترى جرحك مأذيني..
واتركني من ظلمك
وارجع وجافيني..
لأنه بقربك الدنيا
أسود من سواد عيني..
تعلمني أكون قاسي
وأسلم أمري بايديني..
وأحط الحرة بالغدار
غدر بشعوري وفيني..


ஐ˚◦ ๑ ◦˚ஐ


يمكن طيبتي غلطة !
تجازيني بها الأيام،
تعلمني أكون قاسي
وأخلي عيونهم ماتنام،
خذوها سيرتي لعبة
وزادوا بي جروح وآلام،
نسوا انه الزمان يدور
وانه ربهم علام،
مصير الدنيا تجرحهم
ويطعنهم كلام بسهام،