لووووووووووول
حلوه
بس كلش الا النسيم وبالخصوص حارة الكومه( حاره مشهوره بالنسيم فيها تقريبا 40 ورع اعمارهم ما بين 15 - 6 سنوات) عن جد اتكلم.
مره مريت خويي بنفس الحاره (انا بالاول مدري عنها) المهم دشيت الحاره والا الوراعين يخزووني , يا ولد شالسالفه. المهم طنشت وقعدت افر على الحاره ادور رقم البيت مال خويي. وانا افر بالسياره يحسبون ان عندي شي. والا شوي ...الحصى على السياره من كل مكان.
نزلت ابي امسك واحد منهم والا كلهم متجمعين مع بعض ومعاهم حجر مو حصى (اكبر شوي) . انا هني خقيت مدري شسوي. انتظرت خمس دقايق والا الحجر براسي , ومن قوه الضربه اغمي على بس اني واعي شوي, طحت بالارض والدم يسيل ما اقدر اتحرك, والا شوي اشوف واحد من الوراعيين يركض علي
وكان هالورع لابس فانيله علاقي واسمراني وقصير يمكن تعطيه 6 سنوات بالكثير. المهم يركض علي ويخنقني من ورا ... وجان يقول ثبته ثبته ثبته يالله اهجموا. انا بذاك الوقت مدري اضحك مدري اتحسر على حالي بس كان موقف لا احسد عليه.
هاذي السالفه صج واقسم بالله انها صج بس انها ماصارت لي .صايره لصديقي.