الموضوع:
جامعاتنا (ياليل خبرني عن امر المعاناه)!!
مشاهدة مشاركة بصفحة مستقلة
#
1
17/05/2007, 12:07 PM
ريم9
زعيــم نشيــط
تاريخ التسجيل: 18/10/2006
المكان: في صندقه!!
مشاركات: 711
جامعاتنا (ياليل خبرني عن امر المعاناه)!!
صباح الليل .......مساء الصبح
سلخير .......ملخير عليكم جميعا
ادري انكم اشتقتولي واشتقتوا لمواضيعي الشيقه المقطعه الموقع شرايح واوصال واللي تبغون..
خلاص ادري ماعاد بغيب ...والله خلاص تراكم قطعتوا قلبي وبطني
....على فكره !!...لاخلاص بقولكم في نهاية الموضوع ..معليش اصبروا الصبر مفتاح الفرج ...انا لازم اسوي قلق نفسي وعصبي للي قدامي واخليه يعيش عالم من القلق والحيره والالم (
الله يكفينا
)
بما ان امتحانات اهل الثانويه قربت
<<<مب ضحكة شماته لا ابد ...ياحبكم للنيه السيئه
واشوف الناس مشتطين على غير العاده <<على غير عادتك انتي
..ومسوين زحمه والشارع فاضي ...اباقولهم ترا السالفه ماتسوى قرش يعني (
فلها وربك يحلها
)
...لا والله ترا النهايه يا انتساب يامعهد يابيت
...خصوصا في ظل توفر الجامعات في كل زاويه وعند كل بقاله وفي كل داعوس ..حتى يقولون فيه الحين (
الجامعه العائليه
) يعني بس البنت ولا الولد لحاله بذي الجامعه ولها دكاتره ومختصين يجون من كل بقاع وصقاع وضباع العالم خصيصا لك !!
ليه ؟حرام عليكم متى تفتحون لنا جامعات زي الخلق؟ يعني لازم تحدوني على الشر
الحين في كل منطقه والضواحي والقرى والمناطق اللي حولها متحاشرين في جامعه وحده !! تقولون عرس مصاريه ..ليه طيب ؟؟؟؟؟؟ يعني مثلا عندنا في المنطقه الشرقيه جامعه وحده للبنات اللي هي (
جامعه الملك فيصل
)
في الخبر
وطبعا بفلوس ..المشكله من زين الاقسام ولا التدريس والمناهج ولا النظام ولا المعامله وفوق كل هذا ادفع
ليه؟ لا واذا بتدخلون حاسب مابتشوفون الا الكتب محذفه في وجيهكم ويقولون ذاكروا !!!طبعا مافيه تطبيق ولا عملي !!اصلا الجامعه بكبرها مافيها كمبيوترات
...الحمد لله ان مافيه اجانب عندنا ولا كانت علوم
...ولا كلية (
الخراب
)!!....عفوا اقصد الاداب <<وهل يخفى القمر
...ذي الكليه الظاهر حتى الفيران هاجرت منها!!
دخلت بداية هالسنه بسجل ....شردت !! وانا ماشيه اتشهد لايطيح على جدار ولا لمبه ولا يطلع لي ديناصور
....ولا البنات حدث ولا حرج والله يوم شفتهم حلفت ماطبها << طبعا مب كلهم دشير !!في كل مكان الصالح والطالح بس (
الشر يعم والخير يخص
)<<صح كذا؟ مدري المهم
ولا (
كلية التربيه
) اللي في الجبيل ولا(
جامعه الملك فيصل)
اللي بالحسا!!<<لا تستغربون عادي مشوا الوضع لا اللي في الخبر فرع من اللي في الحسا <<يحسبون نفسهم جامعة اكسفورد حاطيلي فروع !!وليت كل الاقسام فيها ...يعني اذا بتدرسون قسم E لازم تضربون مشوار اكثر من 100 كيلو كل يوم !!المشكله من زين الطرق كل يوم نسمع لنا كم وحده ماتت!! يعني يصير لكم حادث عادي ! موتوا عادي وش فيها !كل ذلك في سبيل العلم والمعرفه !! يعني فتحتوا لنا جامعات عندنا تحسنوا فينا وافتحوا اقسام زي الناس
وجاء دور الفاجعه الكبرى (
جامعة الامير محمد بن فهد
) هذي يبغالها الله يسلمكم ويعطيكم الصحة والعافيه ويطول باعماركم واحد (
يزوع
)فلوس << ادري مقرفه بس والله من القهر ..اجل ترم واحد مدري سنه وحده ب45 الف ريال !!!!!!
طيب اللي عاد السنه وش يسوي <<عادي ..طيب واللي بتدرس هي واختها <<عادي ..طيب انا الحين لاسجلت مع اختي انا45 وهي 45 ريال ..يعني اضربوا 45 في 4سنوات بيطلع 180 الف ريال ..يعني انا وهي بنطلع 290 الف ريال
هذا غير اذا ماعدنا سنه او اكثر
.........يعني عساني مادرست زين وقعدت بالبيت!!وفوق كل هذا من زين الوظايف !!
يعني استريحوا ولاتتعبون انفسكم ولاتشيلون هم واللي يصير يصير ولاتبكون اذا سقطتوا باقي تتمنون كل لحظه تنعاد عشان تعيشونها بالثنوي
ادري لاعاد انصح وادري اني جبت لكم التحطيمات بانواعها واشكالها بس عشان مانتصدمون بالواقع والعالم الخارجي والعلوي والسفلي
وبعدين تقولون ريم ماقالت لنا
لكن هذي هي الحياه يوم لك ويوم عليك.. ياابنائي << بدت الفلسفه
وفي النهايه اقولكم خذوا بندول
اوه على فكره تحسبوني نسيت (
على فكره
) حقتي اللي فوق ؟؟ لا على فكره مانسيتها على فكره يعني <<<<
اصصصصص انطمي
....طيب طيب هدوا بقولها خلاص هذي الله يسلمكم ابيات شعر نظمتها ونقحتها وسهرت الليالي العجاف الطوال الهبال اكتبها لكم ..تفضلوا القصيد الله لايهينكم
نظرت الى السماء المشرقه............... فيها قمر منير
فوجدت وجه مبتسم ...........وجه الزعيم الجميل
فركضت الى الثلاجه مسرعه....... واكلت الايس كريم
واكلته اكله مفجعه........... وعليّه بالعافيه
ودمتم سالمين
لا حلفت ماحد يصفق <<<الظاهر مابخلص
يالله نسأل الله السلامه والعافيه
ريم9
مشاهدة الملف الشخصي
البحث عن كافة المشاركات التي كتبت بواسطة ريم9
