هلا أبو راس ..

إقتباس من مواليد كم يا عميد؟

وش توقعاتك ؟؟!!

لا يكون تبي تخطب لي ؟؟

تقدر تقول شاب مخضرم عاصر اكثر من جيل



تحياتي لك ..



هلا فرانشيسكا .. او نقول ام 7

إقتباس يابن الحلال اترك عنك ابليس واعرس ,, والله رحمت أمك أجل 2 بالليل يالظالم ؟؟

لو تركت ابليس مهنا عرس .. هالشئ براسي من قبل لا اعرف ابليس

إقتباس والله ذاك اليوم عيال عمي متسلطين يبوني أزوجهم ..واحد منهم تزوج والباقين يبون يقلدونه .. ههههههه . بس ماعطيناهم وجه ..

لا يكون انتي خطابة العائلة بس

إقتباس أصلا تشوف إذا جينا من عرس ولا مناسبة لازم نتكلم عن التفاصيل . عاد هم يقلطون من اللقافة يبون يعرفون الزينة والشينة وإلخ

عاد هذي لعبتكم .. 7 ساعات متواصلة كلها تفاصيل عن العرس .. << طبعا كتبت 7 تقديراً لتس بس
هذي وش لبست وهذي وشلون مصلحة شعرها .. وهذي وشلون رقصت ..
وهذي وش اكلت وهذي شربت .. وهذي ماغسلت يدينها عقب العشاء ..
وهذيك مسحت بالمنديل خشتها ثلاث مرات << وش دعوة الاخت تتيمم

إقتباس .. grazie

بونجور




تحياتي لتس ..





هلا الأزرق العالي ..
حي الله راعي البايسون

إقتباس أول ما قريت العنوان قلت : ما بقى إلا هي !!

ولو طايحن من عينك يا منب قايل ؟؟!! !!

إقتباس عميدنا .. أحيان من يجيبون طاري العرس أقول : ( موافق .. موافق ) .. وأحيان أقول : ( أعوذ بالله ) !!

هين انت اذا صرت تفكر بالضمة ;) والكسرة;) والشدة;) اكيد تبي تقول موافق
بس انت ابعد عنهن وتزين امورك

إقتباس عاد الظاهر إن ( ابليسي ) كثيرة إجازاته الفترة الاخيرة عشان كذا كل يوم لي راي ..!

الا ابليسك عجاز مثلك مافيه حيل يحتسي ويفتح الموضوع معك
انت ابليسك داشر يبيك تتزوج والعياذ بالله

إقتباس من فاضي يتزوّج !! نقعد على العزوبية ( أصـرف ) ..

هذا رفيقنا اللي نعرفه بلا زواج بلا خرابيط

إقتباس خارج النص : مثل هالمواضيع تخلينا نبضم بـ ( العشرة ) إن لقب ( العميد ) قليل في حقك ..

اها بس لا يكثر

إقتباس لا ينتفخ راسك انت ووجهك !!

طيب << حبيب ما يقول لا


تحياتي لك ومنور بطلتك ..




هلا بنت فهد ..

إقتباس سلم لي على امك

يبلغ ان شاء الله


تحياتي لتس ..





هلا alhawey .. (( صورة قلب كبير يقرقع ))

إقتباس تراي قاري موضوعك أول مانزل بس عجزت ألقى لي حتت وئت عشان أرد وقد تمزع بطني حينها على حالتك اللي تشبه الى حد ما حالتي الله يحلحل مرير العدو

يا بعد قلبي انت اكبر فخر لي انك ترد .. ولو مارديت الحين .. بصبر لو هي الفين عام

لاحظت اننا نتشابه في اشياء كثيرة .. انا من زمان واقول ان لي توأم بس مدري وينه واخيراً لقيته (( صورة قلب ))

إقتباس ياشينك لا صار عندك عيال وبيت أتوقع تبي تصير بثر وعله

اكثر من الحين ما اتوقع يا بعدي

إقتباس ترى اذا اعرست يبي يحت شعرك وتصلّع ويصير العقال مثبت بآخر الراس من عند ورى

هو من ناحية انه يحت اكيد يبي يحت ;) ماتشوف المتزوجين

إقتباس والله ما ادري من اللي أقنع الثاني أنت ولا ابليس

ههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههه

المشكلة انا وابليس نتفق التوجهات ولو اختلفنا في الآراء

إقتباس اطلق سيقانك للريح وخلن انا واياك يشجع بعضنا الآخر ما بقى شي ونوصل الـ30 وبعدها تروح عنك هالواجيس الشينه الزواج ليس وراه الا الغثى ووجع الراس

وانت صادز الزواج ما وراه الا الغثى ووجع الرأس ..
وحنا ناقصين وجع رأس اكثر من تسذا ;)
ههههههههههههههههههههههههههههههههههههههههههههه

إقتباس ياسعادة العميد ماتبي نروح للمغرب؟؟ يمدحون العرس فيذاك ليلتين وأنت مطلّق<<< خربت

هههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههه

المشكلة المغرب يبيلها دراهم بنت التسلب والا ياهي ديرة << النية موجودة بس المشكلة بالـدراهم عيت تجي
تسان انواع الفله كل شوي المأذون داخل طالع آخر شئ يبي يسكن معنا بالشقة يقول بوفر حق التاكسي

إقتباس استغفر الله العظيم الله يطول بعمر ابوي دايم يقول لاتماشي دشيبر أكبر منك

آمين ويخليه وهذي كلمة ابوي وعشان كذا خلاص مزاعلك قررت اسمع كلام ابوي << توه يفطن لكلام ابوه

إقتباس عندي مشروع : وش رايك نخلي أمي وأمك صديقات

قدام والريوس مفصول << مايعرف يسولف ومايعرف للمشاريع



تحياتي لك وتسلم لي على الرد يالغالي ..
يوزرك افرح بشوووووفته كثير .. ..





هلا الكــلاسيكي ..

إقتباس نورت المجلس ياعمدتنا الموقر ..

ماجبت شئ جديد طول عمري وانا منور الشبكة والموقع بكبره << ابوك يالغرور

إقتباس بس مدري متى بتتقاعد كود اني آخذ منصبك .. وانت عاد بتصير العميد المتقاعد اسعد عمر قلي ..

فين الشيشة يا ام ايمن
مسألة اني اتقاعد تبطي جالس وناشب لكم هنا

إقتباس خلينا من الهرج الزايد .. نجي لم سوالفك .. انا لو منك وجاء في بالك الزواج كان نفثت على يساري ثلاث وقلت اعوذ بالله .. آخر زمن .. نعيش ونشوف صدى متزوج .. ما اقول الا الله يستخير لزوجتك الزين << بيموتها

ولو اثري طايحن من عيونك !! !!
المشكلة لو وقتها نفثت عن يساري وتعوذت من ابليس تسان ما نزلت هالموضوع
<< مصدق ان الموضوع صدزي

إقتباس والله يكون في عون امك .. المفروض تلفعك على وجهك جاي اخر الليل تقول بتزوج .. وش شارب(ن) قبل ماتدخل ..

المشكلة امي اخذت على هالامور وعادي .. ولو ما جيت اصحيها كل يومين او ثلاثه تستنكر تجي تقول عسى مابك شئ
وانا ما شربت الا سيزر تفاح بس

إقتباس ثاني شي اذا بتفكر بالزواج فكر بالصباح لعدة امور .. * اولا ً* ان ابليس يكون غاطس في النوووم .. *ثانياً * ان الصباح يكون تفكير صزي اما الليل يكون وقت ويطس

المشكلة مااقدر افكر الصبح لان ابليس معاوني ومستشاري الاول في كل خطوة لي
عشان كذا صعب اني افكر << واانا اقول ليش متخرج من مدارس الليلي

إقتباس اما من ناحية الاوراق .. انا اذا عندي اوراق بجيبها لك آخر الليل يمكن اقدر اقنعك فيها بالزواج ..

شف اذا كانت هذي امورك لا عاد اشوفك لا الليل ولا الصبح ولا اي وقت .. !!
خلاص بحطك في قائمة البلاك ليست ..

إقتباس والله يوفقك .. ولا يكون تفكر تتزوج ثانيه .. مو ناقصين مطلقات .. احس انك لو بتزوج اول لليله بتهج من البيت وبتروح للاستراحه .. الله يكون في عون الضعيفه ..

اصلا الزواج يبي يكون بالاستراحة

إقتباس عموماً الله يوفقك .. والله يرحم حال زوجتك لو جت .. والله يرزقنا الزوجات الصالحات .. والابناء الصالحين .. قول امين ..

آمين ..

إقتباس وش اخر قناة شفتها قبل ماتفكر بالموضوع لا يكون ال بي سي

المشكلة القناة مشفرة





تحياتي لك ..







هلا فرصه ضايعه ..

إقتباس وش زودكم ياأهل القصيم المدرسين دواماتكم تأخر عننا ....

مهنا زود ولا شئ .. بس انا اللي ساحب عليهم

إقتباس طيب رح بسرعه ... و لا تصكها نومه <<< شكلك بتسويها وتزبن المخده

لا الحمدلله ماسحبت ولا شئ والله يعدي هالاسبوع على خير بس

إقتباس راجعه بعون الله بعد ماامخمخ بنومتي ...

حياتس الله ونوم العوافي ..





تحياتي لتس ..




هلا الفيروسه الزرقاء ..

إقتباس اللله يـ زين العزوبيه زينااااه تجي من دوامك تذب بـ عمرك تصحى ع المغرب وتنزل تحت تلاقي القهوة جاهزه تأخذها معك فوق وتجلس تأكل شوكلاتات ... وااااااااااو قمة السعاااده ان ماعندك شي تصلحه إلا بـ مزاجك مافيه شي إجباري تصلحه .

اما شوكلاتات ماتجي .. ..
وبعدين وش المانع انتس تتقهوين تحت ليش فوق بالذات ؟؟

إقتباس ليه ليه يـ صدى ندثر هـ النعمه ونترك السعاده ونروح لـ الشقاء والمشاكل بـ رجولنا ، خلك ع حالك ولا تغير من حالتك الإجتماعيه .

قسم بالله يا كلمة ندثر لحالها موضوع وشلون طلعت معتس ؟؟؟
ولو والله وتطورتي


بس حلوه تغير حالتك الاجتماعية طلعت قناة

إقتباس يممممممه منك ماشربت إلا المركز مايلعب هـ الولد ، يـ شيخ خل عنك سيزر رح لـ منافسه كاديه واااو يهبل بـ التفاح لايفوووتك بس بيخليك عااايش جو ولا أحلى منه بـ تحس نفسك بـ أظلم من جو سيزر .

اما كاديه !!!
شكلتس تشربينه مغصوبه عشان كادي

إقتباس اقول ياعمده ، تعرف عصير التفاح بلونا خخخخخخخخخخخخ قسم طايحه فيه هـ اليومين لأ ومانيب اشرب ابو قزاز ، لأ بـ العلبه .. علي مزاج مدري وش يبي .

ام المزااااااااااااااااااج اللي مدري وش يبي
هههههههههههههههههههههههههههههههههههههههههههههههههههههههههههههههههههه
بلونا يا ظالمة ؟؟!!

إقتباس هذي أمك وقلت عنها كذا أجل زوجتك لا تخبلت وأعرست وش بتقول عنها مهوب ذنبي انها اخترتني .

اختارتني مهوب اخترتني
ولو لازم يكون لتس بصمة في كل رد

إقتباس يـ عمري يـ أنا كلن مايبيني وش سووووويت لكم ترى وقااا اني ادميه ، فصيلتي بشريه مانيب من مصاصين الدماء والعشائر الاخرى ..

الحين وراتس ما تكتبين وقسم !!!
وقااا .. بعد حرف القاف ثلاث حروف .. وقسم بعد حرف القاف حرفين بس شفتي شلون توفرين وقت وتخففين من الضغط على السيرفر

مصاصين الدماء وعرفناهم من الافلام بس العشائر الاخرى وش ؟؟

إقتباس تصدق لو اني من مصاصين الدماء ، أرحم لي منكم ع الاقل بيقدروني وبيعطوني دمان أمصها واكل لحوم البشر " وجه يتذوق أكل " .

تسان راحوا فيها سكان الصين واليابان وانقرضوا
تبين تمسحينهم من الوجود

إقتباس عميدنا بوه حل لـ مشكلتي شلون أخليكم تعترفون فيني خخخخخخخخخخخخخخخخخخخخخخخخخخخخخ

نزلي صورتس ههههههههههههههههههههههههههههههههههههههههههههههههههههه

إقتباس ماعليه ماعليه حنعرفها عند شاطىء البدائع

حنعرفها ؟؟
اقولكم درر تطلع



تحياتي لتس ..



يالله في امان الله ورانا دام واخيراً خلصنا ..


تعالي يافرصه الحين ردي وقولي وش زودكم بعد عشان انبرش عليتس

مابقى الا 5 دقايق على بداية الطابور اللي ماعمري حضرته


في امان الله ..