صباح الخير جميعا اعضاء منتدى الزعيم الكرام ...

في البدايه حبيت اقولكم ان عنوان موضوعي حقيقي لي انا شخصيا واللى حصل لي ماابيه يحصل لااحد غيري .... احذر جميع الاخوة من السائقين وخصوصا الاندونيسي منهم .. فقبل ايام هرب سائق اندونيسي من دون اسباب وعلمت انه يعمل في جده الان .. وانا بالرياض ..تقبلت الموضوع عادي لكن المصيبه بعد مادخلت غرفته لقيت كيس ملح ( ملح القصب ) تحديدا .. مشقوق ومنثور على باقي الغرفه !!استغربت من هالتصرف ؟؟؟ ماعندي له اي اجابه .. طبعا انتشرت سالفه الملح بين اوساط العائله والاقرباء وكل واحد كان له تفسير خاص .. اللى قال ان هذه سحر .. واللى قالي هذي طقوس عندهم ينثرون الملح على المكان اللى بيروحون منه .. و وو ... المهم مااعطينا الموضوع اكبر من حجمه ....وبسرعه بحثنا عن سائق اخر غيره ....وقدمنا اوراق سائق جديد .. بعد عشرة ايام من تاريخ هروب السائق .. ذهبنا بالسيارة الى وكالة تويوتا .. لفحص الخمسة الاف كلم .. مالها والله اربع شهور ( جديدة) واكتشفنا للاسف ان الملح اللى شفته بالغرفه كان نصه داخل المكينه !!!؟؟؟؟
والضمان لايشمل هذه النوع من العطل طبعا .. وقررت الوكاله توضيب الماكينه بمبلغ ( 18000) الى ( 14000) ريال,, الملح كان موجود داخل المكينه وداخل علبة البنزين ؟؟ شوفوا اللعانه والخبث ..؟؟

وانا كناصح لكم قبل مايسافر السائق .. افتحو كبوت مواتركم وشيكوا على المكينه وفتحة البنزين .. اذا فيها ملح او سكر .. ترى الملعون مخربها .. وماراح تكتشفون الخراب الا بعد ايام من سفره !!

* على فكرة لااحد يقولي رح للشرطه .. الشرطه مشغوله عن هالمواضيع البسيطه !!! ( رحت وليتني مارحت )

تحياتي للجميع