سليمـان .. حـرام عليـك .. مستعـد أحـلف انك ماتتابع الدوري الانجليـزي .. كيـف حكمـت عليهـم بهالطريقــه !!
ارجـع لمبـاريات تشيلسي بالدوري وبتعـرف أهميــة ايسيـان في الوسـط وكارفاليـو بالدفـاع ..
نبـدأ بايسيـان .. اسـأل أي واحـد يتـابع الدوري الانجليـزي عن هالاعب .. سريـع .. مهـاري .. جسـم قـوي .. تسديـد قـوي .. يلعـب [ محـور ، قلـب دفـاع ، ظهيـر يميـن ، ظهيـر يسـار ، وسـط يميـن ] يعني لاعب جوكـر
وبكـل مركـز يلعـب فيه يبـدع .. مع اصابـة تيـري رجـع لمركـز الدفـاع وقـدم مستويـات خيالية .. وبكـذا مبـاراة لعـب ظهيـر يميـن وصنـع الفـارق .. وآخـرها مبـاراة فالنسيـا بالمستايـا الشـوط الأول 1 - 0 للفالنس .. وبالثاني سحـب مورينيو ديـارا من الظهيـر اليميـن ودخـل على ماعتقـد أوبي ميكيـل كـ محـور ورجـع ايسيـان ظهيـر أيمـن .. وبعدهـا صنـع الهـدف الأول لشيفا وسجـل الثاني في الوقـت القاتـل ;)
هـذا طبعاً غيـر أهـدافه الحاسمـة واللي تنقذنـا دائمـاً مثـل هـدفه الخـرافي على الأرسنـال في الستـامفـورد بريـدج .. وأيضـاً هـدفه الآخـر في الايـاب
خلنـا نكـون واقعييـن شوي .. لو تقـارن ايسيـان ببعـض الاعبيـن الموجوديـن بتـلاحظ انه مقـدم مستوى أفضـل منهـم هالموسـم ويستاهـل يكـون مكانهـم مثـل رونالدينيو ، دييغـو ( الاعـب شـاب وممتـاز وله مستقبـل لكـن لا يعني هـذا انه يستحـق أن يكـون في القائمــة بديـلاً عن ايسيـان ) ، زافي .
ثانيـاً كارفاليـو .. هالاعب أعتبـره أهـم لاعب بتشيلسي بالدفـاع مع ايسيـان في الوسـط .. شايـل الدفـاع على كتوفــه بعـد نـزول مستـوى تيـري ومسـوي شغـل مهـوب بسيـط .. ويكفي شهـادة مورينيو عنــه وانــه من أهـم الاعبيـن عنـده هالموسـم ومرتفـع مستـواه بشكـل واضـح ;)
وشفنـا كيـف تأثـر الوسـط والدفـاع في مبـاراة الليفـر بسبب رجـوع ايسيـان للدفـاع ليحـل محـل المُصـاب كارفاليو
حيـث فقـد الفريـق معـركة الوسـط وبالتالي خسـر المبـاراة
ارجـع وأقـول ارجـع لمبـاريات تشيلسي علشـان تعـرف قيمــة الاثنيـن ;) 