السلام عليكم
المشكله في النظام كامل ..........وليس سعود او مدرب....وهنا اود التوضيح:

-الرئيس:
عمله تطوعي.....عكس روساء مجالس الشركات...الخ
يدفع في السنه مايقل عن 10 ملاين اذا ماكان اكثر...عكس الشركات
ياخوان الامير سعود عليه بعض الملاحظات وليس من بينهاعدم حضوره اليومي بل في امور سوف اذكره لاحقااما المطالبه بالحضور اليومي فاعتقد ان الاوضاع الان لاتسمح....من ابسطها وحتى لايقارن رئيس برئيس سابق اقول ان مصاريف النادى تختلف اليوم عنها في السابق وحت الاعانات من الاتحاد السعودي ماتسوى شى......!فنجد ان الرئيس لديه تجارتة(هنا اتكلم عن الشخص الى عنده ماده...اما العكس اكيدانه فاضى وقت لانه ماعنده ماده اوتجاره...وعليك الاختيار رئيس عنده ماده لكن مافيه وقت...او العكس)

ومعظم الوقت منصرف الى تجارته وصعب تجد الان رئيس وعنده افلوس ومتفرق في الوقت الحالى ,,,,وحتى لو راح سعود بيمسك النادى اناس ماعندهم لاحل ولاربط ولاعندهم افلوس.(بالعربي)..
مثال رمز النصر(عبدالرحمن)...كلامه واجد وفعله قليل(نسمع جعجعه ولا نرى طحنا)

حتى الامير بندر كانت فتره راسته بها بعض الاخطاء.....

ياخوان ان من المويدين للامير سعود لكن اختلف في بعض النقاط اهما منصب نائب الرئيس..عدم اهتمامه باراء اعضاء الشرف وعدم عمل اجتماعات دوريه...مجلس ادارة النادي متجتمع الامره في السنه..!!!..كذلك مشرف على الكره...يكون قريب من النادى حتى لايحصل تصادم بين الاعبين وجهاز الكره او المدرب....

اود منه عمل الليات ونظام وقانون يسير عليه النادى بسلاسه كما هوحاصل فى الانديه الاوربيه..حتى ولولم يحضر يوميا.....؟

ياخوان مصيبة الكره في المملكه اكبر صدقونى لو استمرينا على هذا النظام الانديه اليابانيه...بتعطينا نتائج كبير وكذلك الكوريه

كل شى غلط عندنا(نظام دوري,طرق الاستثمار والعلامات التجاريه,سرقات في بيع التذاكر,التشفير اصبح ضروري...والسوال الاكبر هذى السنه احد يعرف الجدول كاس الاتحاد.....ماقلت الدورى!!!)(اى دوله عندها رزنامه ل4سنوات وهنا ادوري ماعرف متى بيبدى!!!!!

**وهنا ايضا رد احد الاخوان الى ذكر ان لاعبين الفريق بداو يتطايرون انا ياخوان مع النظام ولا مارايكم بعبدالله الجمعان....والى مايبي النادى يغلب وجهه.وبعدين النظام يسمح بالانتقالات ولو كان النظام يسمح في وقت عبدالله بن سعد الله يرحمه لربما طلع الكثير!!
وبعدين لو كل لاعب ماصبر على ناديه في الظروف راح يفلس النادى لامحاله لان الاتحاد طبق الاحتراف قبل الخصخصه.مما سبب بلاوى
اما من يقول النادى يخصم ولاعبين ماياخذون رواتبهم اقول حقهم محفوظ وناديكم هو اكثر الانديه انتظام في ذلك....بيقول اى شخص لو طبقت ذلك على نفسك وانت موظف...اقول احسب كم راتب اقل لاعب وبين رواتب الموظفين وانظر للمكافات الى مش موجوده في العقد والمميزات الاخرى..وبذات الزعيم....والا فيه واحد عاقل يترك الزعيم ويروح....

المدرب:
اتمنى من الاداره بعدم الاستعجال لانه مدرب كبير واراهن عليه خلال السنتين القادمه..وبعدين ملينا من التغير واقول اصبر وخلوالمدرب يقدم الى عنده ويستقر الفريق...وبتشوفون

فهد المصيبيح:
اما فهد انا شخصيا لم اراى شخص اختلف عليه مثل هذا الشخص فاتمنى وجوده لكى نمشى صح وايضا اخلاقه العاليه..واتمنى خروجه بسب الاختلاف الرهيب عليه

اخيرااود من الاخوه عدم الاستعجال البحث عن شماعه للخساره بل كل عمل به اخطاء لابد ان نتناقش بهدوء لكي يسمع صوتنا....وليس الضغط الى حاصل
ودمتم