من نعومة ( مخالبي ) وانا ( اذبحني عند الازرق )
احب الهلال .. على وقت لاعبين مثل : ( والا بلاش اخاف يبان الشيب )
.. فعلا الهلال ينحب ومااقولها لأني هلالي .. بس بلسان (انصر النصراويين نصراتن ) وهو اخوي يقول يااخي ياحظكم ... مع العلم اني الوحيد هلالي في بيت الكل فيه نصراوي .. يعني تقدر تقول اضطهاد .. تطنيش .. عدم اهتمام .. مثلا غداي يحطونه بالحافظه ولااكل معهم
... محروم من جرايد الرياض والجزيرة ( وانتم ابخص ليه ) وابوي مايحبها يقول ( تسذوبين )
... احضر مباريات للنصر بالغصب معهم وانا متلطم
الناس تتفرج وانا ماغير اهوجس بهلالي ومتى يظهر ...... مو جديد عليكم هالكلام اكيد مجربينه .. حب الهلال مو حب عادي ... تحس ان الهلال هو النادي الوحيد اللى يكافئك لانك تحبه .. يكافئك بالبطولات .. بالفرحه . والفرحه تخليك منتعش .. والانتعاش يخليك تدخل على الناس وتسلم
.. ماتدخل وانت ماد بوزك شبرين
مثل مايدخل علينا اخوي بعد كل مباراة
احضر مباريات الهلال لحالي .. وابوي رياضي جدا ... ويشجع احد الانديه العالميه الراقيه ( النصر ) بس عاد توصل عند حضوري لمباراة الهلال .. مادري سبحان الله
تختفي الروح الرياضيه ويقلب اب ديكتاتوري جدا .. جدا .. جدا
حبي لنادي الهلال ماتغير رغم الاغراءات من ناحيه
والرعب والتهديد من ناحيه اخرى
ولن يتغير خصوصا والهلال مواصل ابداعاته وانجازاته .. يعني مايعطيني حتى فرصه او مجال افكر بتشجيع غيره
مااطول عليكم اكثر .. لاكن تعلمت شيء مهم بعد هالعمر .. بيني وبين ابوي الله يطول عمره ( امين ) تعلمت التنافس بين ناديين بحجم الهلال والنصر حتى في بيت واحد ظاهره صحيه وتعلمت الفرحه الدائمه من خلال حبي وتشجيعي للهلال .. وشفت كيف ابوي تعلم الصبر ومازال صابر على نصره .. وليت النصر حاس فيه
يضيق صدري وانا اشوفه يتابع تخبطات ناديه .. ليه هالكيانات ماتحس بجمهورها العاشق .. وش السر في هالعشق ؟؟ مدري لو الهلال يغيب عن البطولات خمس سنوات .. مو عشر زي النصر هل تتوقعون نصبر على حبه ؟؟ ونستمر في عشقه ؟؟ ليتنا نحب هلالنا دايما بالرخاء والشده .. وحنا كل ايامنا رخا والحمد الله مع زعيمنا .. ولااتمنى ان شالله تجي فتره شده .. ولاكن لو جت هالفتره اتمنى جماهير الزعيم تبان ويظهر الحب الحقيقي
ولكم مني احلى الامنيات ;) وسامحوني على الاطاله
تحياتي للجميع
