اخواني الزعماء
السلام عليكم ورحمة الله وبركاتة

انا لقيت في هذا المنتدى 23452 موضوع (طبعا الارقام صيغة مبالغه)
يتكلم عن ( نريد هذا الاعب .. تكفوون نبي هذا الاعب ..الخ )

يعني جمهور الهلال غير مقتنع بلاعبينه
عندي سؤال للناس اللي يطالبون بلاعبين من خارج النادي

بطولات الهلال منهم الاعبين اللي جابوها لنا ؟؟؟
هل هم لاعبين منتقلين ؟؟؟





طبعاً الجواب لا


من حقق كل هالبطولات هم لاعبين من نادي الهلال
نشأتهم بالهلال
بزوغهم بالهلال
ولم يذهبو لغير الهلال
انهم الابناء الاوفياء
امثال
1 - سلطان بن نصيب
2 - يوسف الثنيان
3 - صالح النعيمه
4 - خالد التيماوي
وغيرهم الكثير مِن مَن ساهمو بأنجازات الهلال
(لوبذكر جميع الاعبين بقعد شهر وانا اكتب الموضوع)
اخواني الزعماء

انتم من يقف خلف الاعبين ومستواهم
انتم السبب في هبوط او ارتفاع مستواهم

والمسأله ببساطه هي طلباتكم الغير منطقية لجلب الاعبين للهلال


انا عندي اقتراح

وش رايكم ناخذ جميع لاعبين نادي الاهلي والشباب والاتفاق واي نادي فيه لعيبه كويسين

ثم نختار منهم اللي نبي ونعرض الباقين للانتقال (الفلوس واجد لا تخافون )

تدرون وش معناة كلامي ؟؟

معناه ان الهلال مايعرف يأسس لاعبين كفؤ للعب مع نادي الهلال

يعني الاعبين هم في غير مستوى الهلال

طبعاً هذا مو كلامي كلام الاخوان اللي يطالبون بجلب الاعبين

اخواني

انا لو العب في نادي معين
ونقول في مركز حارس مرمى ( مثلاً )
واشوف جمهور النادي يطالب بحارس مميز من نادي آخر
وش راح يصير فيني ؟؟

هذا ماراح يصير في لاعبين الهلال

اللي بالهلال فيهم الخير والبركة

الهلال محتاج شي واحد بس


الا وهو وقفة الجمهور ومساندته

وربي ان وقفتكم بتزيد حماس الفريق ( ترى ما اقصد الحضور والجلوس وبس ابي اسمع صوت الاهازيج )

اخواني
ماتدرون ايش هي وقفة الجمهور بالنسبه للاعبين

يا اخوان
انا ازعل لما اشوف ابو سلطان يأشر بيده وكأنه يقول ارفعو الصوت
انا ما ابي اسمع الاهازيج قبل المباراة ولما تبدى المباراة ما اسمع ولا صوت

شفتو برود المدرجات
هي من تبرد الاعيبه
اخواني الزعماء
ارجووووكم كل الرجاء
عدم كتابة مثل هذي المواضيع اللي انا ذكرت
لان نادي الهلال ليس بحاجه للاعبين

بل بحاجه ماسه لوقفتكم
فدعونا نقف مع الاعبين مع الاداره
وهذي هي عادات الجمهور الهلالي الواعي

تحياتي لكم