بسم الله الرحمن الرحيم ...
يمسيكم بالخير ..
تعقيباً على الأحداث التي أثارت جدلاً في مباراة النهائي يوم أمس ..

على حسب كلام الكابتن حسن خليفة (في حديث تلفزيوني أجرته معه ال ART عبر اتصال هاتفي) مساء أمس .. يقول إنه الكابتن حسين عبدالغني سوى له حركة مشينة لحظة اشتباكه مع الهزازي في اللقطة اللي سبقت الكف أو (المخمس), و ليست اللكمة الخطافية
(يا بو لكمة .. شكلك متأثر بالمصارعة الحرة الله يهديك).. و أنا لمن تابعت اللقطة في ال art ما كان هناك شيء واضح يفصل في الموضوع و لكن من باب حسن الظن بالمسلم نقول إنه ممكن ... و ما نتبلى على حسين عبدالغني كمان ... (هذي البلشة)!!
بس ممكن و نص لأنه مو غريبة إنه تصدر ثمة أفعال من الكابتن حسين عبدالغني و تاريخه يشهد له و الله خير الشاهدين ... أنا ما انتقص من الكابتنين أو أهمش أدوارهم في خدمة الوطن من خلال الرياضة ..
بس أقول ترى عيب تسوون كذا أمام أحد ولاة أمر الدولة ولي العهد رعاه الله .. يعني شوية احترام, بالمصري(اختشي) .. و حسن خليفة أنا ما قد سمعت عنه أي سابقة بقدر ما شفت من حسين عبدالغني ..
و بعدين تراها إن راحت و إن جت .. كووورة في الأخير .. لكن ذلك لا يمنع من معرفة ملابسات الحادث بالتفصيل و إيقاع العقوبة بالجاني و الأخذ بحق الآخر ..
بس أنا مو قاهرني إلا إنه الناس كلها ما اخذت إلا باللقطة اللي ظهر فيها الاعتداء على حسين عبدالغني و نسوا ما قبلها ..

و كذلك أغاظتني لقطات في الجريدة الرياضية في الصفحة الأخيرة لمن الكابتن محمد نور حط يده على وجه الكابتن إبراهيم الهزازي (يعني مستقصدين نور) و مع إنه حصلت حركات أخرى من لاعبي الأهلي و لكن لم يتم التركيز عليها ............. و الله وضع مزري!!
مع إنه أنا أعرف و أعتقد الكثير مننا كذلك بأن مثل هذه الحركات تصدر أثناء اللعب عادة سواء في الحارة أو المدرسة و لو لاحظتوا الهزازي ما عصب وقت ما حصلت اللقطة ... و كان الوضع حبي ..
و لو جيتم قلتوا لي هذا مو بلعب في حواري ,, هذا نهائي يرعاه سمو ولي العهد راح أقول لكم ما يخالف بس وش شرهتك على عالم ما عرفت الكورة إلا في الحواري ..
و بالذات حواري مكة و جدة اللي أنا عيش بيها و أعرف كثير مما لا يعرفه الهلاليون في الرياض و المفروض تفهمون وش أقصد ..

تراني أنا و أخوي و واحد من خوالي الوحيدين اللي هلاالية في العيلة
و الباقي كله إتحاااد و شوية أهلي .. و أمس في القهوة(المقهى) كنت حاط شعار الإتحاد و شعار الأهلي على رقبتي و أشوف العالم تطالع فيني و تجيك هذيك النظرات (وش يبي ذا) !!
ما دروا إني ذيب هلالي

(هذا ما صار استطراد ..!!!)

بس ترى لمن أشوف الرياضية تركز على شيء زي كذا (أنا أقصد الصفحة الأخيرة)
و أشوف خويي الإتحادي بجنبي يناظرني و هو يضحك و يقول إيش رأيك في الرياضية :p :p ...أقول له كل يوم أقتنع بأنه (و هو يبادلني نفس الرأي) الصحافة و الإعلام عندنا مو بس من جنبها ..
إلا ما دروا عنها .. قام كل نادي يسوي له جريدة بكيفه .. و آخرها (جريدة البلوي) .. و لا الأخ الكاتب الصحفي اللي طلع من استديو الإخبارية ذاك اليوم ..

آسف على الإطالة .. و دمتم

(بالله بدون تجريح .. ايش به المسلم إذا كان تشادي ما يدخل الجنة؟؟)
لا فضل لعربي على أعجمي إلا بالـــ(تقوى).. اكبروا شوي بالله .. !!!