اخوي سيف الهلال ...
اتفق معك في كل النقاط اللي ذكرتها
لكن دخول الهليل اكبر خطأ ... اول شي انا العب في ارضي وبين جمهوري من الخطأ اني اطلع لاعب وسط او هجوم وانزل محور او دفاع وخاصة ً ان المهاجم الوحيد اللي عندي بطيء .. انا بهالحركه اقول للفريق الاوزبكي خذ الكوره وتحكم فالمباراه ..
باكيتا اعطى الاوزبكيين الفرصه انهم يهاجمون ويمسكون اللعب طول وعرض بسبب هالتغيير ..
الافضل هو نزول نواف التمياط في هالوقت او اي لاعب وسط مهاجم متحرك للأستفاده من اي كره معاكسه لنا لأن راح يكون عندنا اثنين ممولين للمهاجم الوحيد اللي هم الشلهوب والتمياط ..
اما بنزول الهليل قطع كل الامدادات لرودريغو حتى الشلهوب ماعنده اي فرصه يمرر لرودريغو الا من كوره اخر المباراه مدري وشلون فتحوا له الدفاع واعطاها خوينا رودريغو جاب منها ضربة جزاء 
....
انا بصراحه اخالف كل من يطالب بألغاء عقد رودريغو ... مع اني اكرهه هو وطريقة لعبه لكن للأمانه الاخ هداف من الدرجه الاولى يعني كل مباراه راح يسجل لك هدف والا هدفين .. وش نبي اكثر
ياسر اكبر مثال .. لاعب فنان ومهاري ومراوغ لكن للأسف مو محظوظ فالفتره الاخيره ومايسجل ! وش نستفيد من التسحيب بدون اهداف ؟
على العموم مشكور اخوي على الموضوع
واعذروني طولت شوي
تحياتي
::
اخر تعديل كان بواسطة » عــشــق الــكــتــابـه في يوم » 27/04/2007 عند الساعة » 04:23 PM | 