نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ على الحادث تجمع " أمه " .. وانواع البشر ملتمه ][

الكناري الأزرق · #26 21/04/2007, 09:04 PM

و عليكم السلام و رحمة الله و بركاته ..

ياخي ليتهم يتجمهرون بعدين اذا جاء الاسعاف و سمعوا صوته يبعدون عشان ياخذ راحته .. المشكله ياقفون كلن يبي يناظر !

انا زمان اخذت سياره اخوي قاعد اتعلم سواقه .. درت الحاره دوران و صدقت نفسي اني مايكل شوماخر !

و اجيك و ادعس و اخوي يقول هد هد يالحبيب الحين تبي تجيك لفه .. جيت هديت و اجي و الف و انا مسرع و انحر الشجره اللي عالرصيف !

اخوي لف الطاره و يقول اضغط فرامل .. فرامل .. و انا اجيك من الربكه و اضغط بنزين

!

و طراااااع بالشجره و تلزق خشتي بالطاره و بعد ما لزقت و رجعت لمكاني .. ما دريت الا و الارباق يطلع بوجهي !

قلت بدري يا ابو الشباب .. عسا ما كلفت نفسك

؟!

اخوي طلع الارباق عليه بس ما جاه شي .. انا وجهي صار خريطه و احسن شي اني غبت اسبوع كامل ايام الاختبارات

زمان جدي كان يتعلم عالسواقه .. و جاك و لف و لا هذا جدار طين قدامه .. و يقوله ابوه وقف وقف اضغط فرامل .. و يجيك جدي من الربكه و يعطيها بنزييييييين

!

و يوم صقع بالجدار قعد يهوشه ابوه يقوله غبي انت وش لون تصدم ؟ قال جدي ياخي وش اسوي الجدار هو اللي نحرن

, سبحان الله الجدار يتحرك .. الله آكبر

,

عاد انا كنت دايم اتذكر السالفه و اضحك .. اقول جدي من جمب القـده .. فدار الزمن و صقعت زيه

!

الزبده /

اتركوا عنكم الجمهره .. و يعطيك العافيه على هالموضوع الزييييين يا زين ;)

التسناري