السلام عليكم

هلا وغلا اخواني الزعماء في موضوع يخص الجمهور ومجلس الجمهور

الكل شاهد جهود المجلس فالسنوات الماضيه ((كما هو في الصوره اعلاه))

جعلت من المدرج الأزرق الرقم الصعب والعلامه الفارقه

والذي هو الى هذا اليوم مازال هو مدرج نصف الأرض ولكن اين ذهبت هذه الصور

لماذا لانراها تتكرر هذا الموسم؟؟؟؟؟؟؟؟

هل هي اصبحت صور من الماضي فقط للذكرى ؟؟؟؟؟؟؟؟؟

هل اصبح من يريد الحصول على ادوات التشجيع ان يقوم بـ ((عض ثوبك واربط شماغك وادخل مع الزحمه وبالنهايه انت وحظك؟))



هذه الصوره لو عرضتها على مشجع قبل عشر سنوات لقال لك هذه مستحيل او من ضرب الخيال والحلم
انظر للصوره اصبحت حقيقه بتكاتف رجال المجلس وبتعاون الجمهور



لكن لنا ملاحظات على هذا المجلس ونلخصها في نقاط سريعه :

أولا : مجلس الجمهور في السنوات الماضيه على وقت استلام المهندس الجريد للمجلس

كان مؤشر المجلس في طلوع وكان التنظيم عالي وكبير

لكن بعد رحيل الجريد وخصوصا في الموسم هذا حصل انهيار تنظيمي

في ترتيب وتوزيع على الجمهور واصبحت العشوائيه طاغيه عليه

مشكلتنا حنا لانبدء من حيث ماانتهى مجلس الجريد

بلعكس كل شخص يهدم ويبدء من جديد

والحين شركة هاتريك ماسكه التنظيم وبدءت من الصفر وكأن الهلال لا يملك مجلس ؟؟

ولم تستفد من تطورات المجلس على ايام الجريد




ثانياٌ : طغى هذا الموسم مساندة شبكات الانترنت للرابطه منهم من يدعم بالشالات ومنهم بالبالونات والخ

والمشكله ان كل هذا الدعم من شبكات الانترنت يذهب بدون اي فائده

لأانه يكون بدون ترتيب وبدون تنظيم

مثال : (( كل شبكه معها كراتين اللي فيها الاشياء اللي دعموا فيها المجلس .. وياالله افتح الكرتون وأرمها بالدرج
وأرمها خلف السياج واللي يبي يأخذ يجي وياخذها من الارض او يدخل المصارعه الحره مع المشجعين


بالنهايه اللي وصلهم الادوات فقط 20% والبقيه جالسين على كراسي ماوصلهم شي

ونقول ليش التخلف من بعض الجمهور ,, وحنا اللي ندعمهم
يعني اللي جالس على الكرسي المفروض له الحق في الادوات التشجيعيه





ثالثا : اذا الاداره اتفقت مع شركة هاتريك في اصدار ادوات تشجيعيه للجمهور

كان المفروض يتم اخذ اقتراحات الجمهور وارسالها للشركه حتى يكون هناك نقله من حيث الادوات المستخدمه

يعني ماهو الفرق بين مجلس تابع للنادي وبين شركه متخصصه في الجمهور؟؟

يعني بكل صراحه احس ان تفكيرهم عن الجمهور تسكيت (بشال وبلونه)وخلاص

مليون اقتراح واقتراح كتبناه هنا لين تقطعت ايدي الاعضاء ماجتني ولا رساله على الخاص

الا من عضو واحد طلب مني تزويده بتكاليف احد الافكار والمشكله ان قيمتها 40 الف ريال

يعني تحتاج من المجلس او من شركة هاتريك التدخل والعمل بهذه المقترحات

التي لو لم تكن باهضه الثمن لما انتظرنا منكم التدخل بل قمنا بها نحن وهي واجب علينا كجمهور

ولكن الشكوى لله ليس لنا استطاعه بعمل هذه الاقتراحات التي تكلف فوق ال20 الف




رابعا: الكل حضر مباراة الهلال والنصر الاخيره وشاهد الفارق التنظيمي بين المجلسين

صراحه حزنت عندما رأيت احد منسوبين مجلس الهلال وهو واضع يده على خده لايملك اي شي يقدمه لنا

وبالجهه المقابله جمهور الجار من كثر الادوات التي وزعت لهم رأيناها ترمى لبقية درجات الاستاد

فعلا حال المجلس يحتاج اعادة نظر فهو مجلس جمهورنصف الأرض ودائما هو بالقمه بكم وبمنسوبين المجلس





خامسا : بلنسبه للأشخاص المكلفين بربط الاعلام على السياج صراحه هل الموسم مانشوف الا واحد كبير بالسن هو اللي متكفل بهل الشي


ومنظره يدعوا للشفقه فهو ينتظر من يساعده من الجمهور في ظل غياب المشجع المعروف حماده شفاه الله الذي كان يساعدهم

في ربط الاعلام





سادسا : مكرفونات الرابطه ضعيفه وللأسف كثر الكلام عنها ولحد الان كل مباراة نعاني من هذه المشكله

ولسان حال الجمهور يقول ننتظر الهواء يصير شمالي حتى يوصلنا الصوت !!!






واخيرا استعرض لكم بعض الاقتراح التي اصبحت في سجلات الاحلام

فالصوت ليس مسموع وجهودنا ربما لاترضي احد

فنحن نفكر معكم في المجلس ونهتم لكل شي فيه فائده للنادي


اترككم مع مقترحات جمهور الهلال :


اول مقترح هي حركة جمهور تشيلسي باالاعلام كما هي موضحه بالصوره









ثاني حركة : هي ربط اقمشه طويله من اعلى المدرج الى اسفل المدرج ووضعها بجانب بعضها البعض

حتى تكون لنا شكل ما (( مثل شعار النادي :: أو :: كلمة الزعيم :: او:: HILAL ))

هذي الحركه راح تغني عن توزيع القطع البلاستيكيه وايضا راح نضمن انها ستظهر بشكل ممتاز

وايضا نضمن انها راح يكون التنظيم رائع لأنه الاقمشة مربوطه في اعلى كل مدرج











الحركة الثالثة : تكون بتوزيع اعلام عليها ارقااام اللاعبين على جميع المدرجات (( العلوية - السفليه)) وهي تكون تشجيعية عند دخول الالعبين ارض الملعب






الحركه الاخيره :

وهي تكون عباره عن كلمات بدون خلفيه لها

ويكون الحرف مثلا H مقصوص حتى يكون بلى خلفيه لكي يمكن للجمهور رفعه بأيديهم

دون اذية البقيه او حتى مضايقتهم وكتم الانفاس عنهم فتكون القطعه القماشيه مقصوصه

على مقدار الحرف المطلوب H I L A L كل مدرج ماسك حرف ورافعه

ويكون المدرج رافع اكياس بلاستك بلون أزرق أو ابيض حتى تعطي لون خلفيه قوي لكي تبرز الكلمه

صوره للتوضيح :





















ان شاء الله نرى هذه الفرحه تتكرر يوم الاربعاء






الموضوع هذا تعبير من مشجع محب للنادي
ويمثل رؤيه خاصه بكاتب الموضوع
اتمنى ان تصل للمجلس

اخوكم هلالي توب