نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الـمـشـاغـب · #12 18/04/2007, 04:49 PM

هلا والله اخوي عاشق برشلونة وايتو

والله انك تصلح روائي من الدرجة الأولى ما شاء الله عليك... والله تصلح تكون جدة حبوبة

تصدق منيب بعيد منك؟

عندي 3 خوات صغنطوطات كلهن أقل من 6 سنين..

عاد أنا أحبهن بقوووة إذا جيت بالويكند أو الاجازات.. لأني بالجامعة ما أشوف بزران إلا نادراً

المهم:

أذكر أني مرة في جلسة معهن على سبيس تون

خلصت الرسوم... وجات في بالي أجيب لهن قصة من راسي :

طبعاً فقشت عليهن فقش غير طبيعي.. والله سويت لهن فيلم هندي واحد يموت ثم يطلع بالأخير حي ما مات وينتقم من

اللي قتله

المهم بعد ما خلصت القصة... طلبن قصة ثانية.. لأنهم والله متحمسااااات ومصدقااااات

عطيتهن الثانية وزودت البهارات فيها وحطيت بطل القصة اسمه سلطان

بس بعد هذاك اليوم... ما أجلس معهن إلا ويطلبن مني قصة جديدة... والله ندمت اني عطيتهن وجه

وكنت أغصب نفسي عشان أفقش عليهن.. ما ودي أكسر بخاطرهن خصوصاً إذا اجتمعن حولي

بس من جد من جد... تحس أن البزران يحبونك إذا عطيتهم وجه.. ولا عطيتهم ريالات..!!

الله يعطيك العافية يالبرشلوني ومبروك مقدماً الدوري

تحياتي