هلاابك يا اديبنا الخنفشاري ,

إقتباس ربما البارادايم السلبي لهذا الشخص فسر رسالة الشكر على انهارسالة غرامية !! واعجبني تعليقك جداً جداً .. ولكن ليس صحيح ان تلومي نفسك على عمل صح حتى وان كان الشخص الذي قدمتي له ذلك العمل ما هو كفو ( مايستاهل )

انقلبت للأسف الموازين في هذا الزمان ,, أصبحنا في حيرة من سلوكياتنا أيها الصح من الخطأ ,,
ولما تُفسر بعض التصرفات بالجانب السلبي عند الآخرين ,
مسألة لوم نفسي , لم يكن هو لوم بمعناها الصريح بقدر ما كان هو حديث مع النفس ونقاشاً معها حول ماحدث ومسببات ما حدث , واتفق معك اخي ماجد بأن الإنسان يجب عليه أن يتمسك بالتصرفات الإيجابية حتى وإن قوبلت من قبل أفراد آخرين بردة فعل سلبية ,, حتى لا نفقد القيم الحسنة في مجتمعاتنا .

إقتباس انفقع مخي من هالجملة ياشيخة ممكن آخر كلام هههههههه بصراحة بعد ها الجملة اعتقد ان لك مستقبل زاخر في مجال القصة المنسدحة ;)

هههههه , لو تركز فيها شوي بتلقى بينها رابط ,
لكن وش علاقة القصة المنسدحة بالركمجة

إقتباس كان راجع من مصر وفي الطيارة شاف فتاة طبعاً ما أمداه يتعرف عليها فراح واخذ اسمها والرقم اللي على شنطة السفر الخاص بها البنت ماكانت ترد عليه ابداً لان رقمه غريب .. وبرقمها عرف اسم ابوها ومكان بيتهم عن طريق الاتصالات ؟! وراح الى بيتهم وعرف انواع سياراتهم وحفظ ارقام لوحاتهم وعمم على خوياه الصايعين في الشوارع ان أي واحد يشوف احد هذي السيارات يتصل علي !! جاه اتصال في احد الايام من مهبول مثله يقول السيارة موجودة عند المطعم الفلاني ويجي الى المطعم وياخذ رقم المطعم ويتصل على المطعم يقول لهم اختي فلانة الفلاني موجودة في قسم العوائل وجوالها مسكر ابيها ضروري جداً عمال المطعم راحوا نادوها والبنت جات وهي خايفة مفجوعة ولا تدري وش السالفة لتسمع ذاك الاهبل يقولها كلام فاضي يلعب عليها فيه ..!! والمشكلة ان البنت في هذي اللحظة تبدى تتنازل وتقول انه يحبني وطيب وسوا المستحيا من شان عيوني وووو االخ وانا اعتبر هذا مرض عضال وصاحب باطل جلد ُ صبورُ ** تسيل دمائه من طول صبره ..

, قصة أغرب من الخيال ,, هالشباب ما يدرون وش يسوون عشان يوصلون للي يبونه ,
عندهم طولة بال مو طبيعية ,, وبيت الشعر إلي ذكرته اخوي ماجد يجسد الواقع بشكل كبير ,
الله يحمي بنات المسلمين ويهدي شبابنا ,,
وبصراحة القصص إلي ذكرتوها في الموضوع , تضيق الصدر ,,

إقتباس يوووووووووه حتى انت تشترين وترجعين قسم بالله انكم قلق كرهت اودي اهل السوق من هيك شغلات طيب ياعالم لا تشترون شي الا وانتم متأكدين منه ..

كل بنات حواء هيك ,,

إقتباس الى درجة الركمجة هههههههه عاد على طاري الركمجة ما عمري سمعت فيها الا بردك في موضوع الخنفشار ومن ذاك اليوم صرت كل يوم اسمع واحد يكرمج علي ويتكلم عن الكرمجة

إذا هي لدرجة الركمجة فهي عال العال , ,,
والله يخلي التلفزيون إلي كنت اشوفه وقت ما رديت على موضوعك الخنفشاري

إقتباس والله عندي كلام كثير ودي اقوله خاصة اني تعاملت مع بيانات العملاء والعميلات ..وشفت الويل هههه لكن احس اني طولت اكثر من اللازم ..

عادي اخوي ماجد خذ راحتك في الموضوع ,, نبي نتعرف اكثر على الواقع المزري إلي إحنا فيه للأسف الشديد ,,
ونعرف وش يدور حولنا , ونتعلم ونتثقف حتى نأخذ الحيطة والحذر ,

إقتباس شكرا لك ماستنا هذا الطرح والمرة الجاية اكتبي لنا موضوع ما فيه سرقات وبدون مشاكل الله يعافيك ..

ابشرر ,, ,,


ألف شكر لك اخوي ماجد على مشاركتك في الموضوع ,, وعلى القصص كذلك وعلى ارائك النيرة التي انارتنا,,
فمن خلال ردودكم الجميلة وإثراءكم للموضوع , اكتشفنا حقائق كانت غائبة عن اذهاننا ,
الله يعطيك ألف عافية مرة أخرى , وسعدت جداً بتواجدك ,