هلا بالعوام ..

إقتباس وحشتنا من زماااان واحنا نعد السواني والدقائق ننتزر ابداعاتك

اشكرك كـــتــــير على زوقك ..

إقتباس نواف ( ماقدم ) المأمول منه , هذا امر لا خلاف عليه , لكن يبقى هناك امور داخل الملعب لا نعلم عنه شيئا

اضافة الى ان يجب ان لا نتعامل مع النجوم على انهم (مكينة) يجب ان تعلم 90 دقيقة دون توقف !

إقتباس صدقني ماهزو من فهد ( شعره ) اكتشفت هالشيء في فهد في معسكر الفريق بالشرقيه , الرجل كان واثق جدا , وايضا كان يقول مهما كان يبقى الامر رأي , وكل له الحريه في رأيه علينا العمل والاجتهاد ونتمنى ان نرضي الجميع <== هذا كلامه , ما سب فيهم ولا انتقدهم , ولا قال عنهم حرف سيء , اخلاقيات هذا الرجل غير طبيعيه , ثقته في نفسه وفي عمله لاحدود لها , ما تعرض له في السابق ويتعرض له حاليا , ظلم ونكران كبير

من الطبيعي ان يكون من يحمل صفات فهد يملك من الثقة الششئ الكثير .. وميزة فهد انه زي ما قال الشيخ بن سعيد ( ما يجامل احد - ولا يخاف من احد ) !! وكما قال الثنيان ( الرجل واثق من نفسه ) ..

يعني لا تخاف ..

ووفهد قلها الموسم الماضي ( اذا رجال الهلال ما هم مقتنعين بوجودي يقيلوني اما انا فلن استقيل )

إقتباس وما الاثباتات التي اوردتها انت إلا دليل لا يقبل الجدل , بأن من ينتقد فهد ( مخطيء بدرجة 100% ) وعليه ان يصحح خطأوه إن لم يكن بإعطاء فهد حقه فليكن ( بالسكوت )

مهوب عاد 100% .. يمكن هناك من يلمس نقص في اداء المصيبيح في جزئية من صميم مهام اداري الفريق !! ويكون معه حق بنقده ..

لكن الظلم والاجحاف ان يحمل اسباب ( غياب الاجانب ) ..( تاخر الرواتب ) .. ( خنبقات المدرب ) ..!!

اذا كان نقد المصيبيح في اشياء ليست من مهام المصيبيح نقول للناقد يازينك ساكت ..

اما اعطاء المصيبيح (حقه) فاصبح في نظري من المستحيلات

إقتباس قبّح الله وجه من بدأها

اوف .. عاد قبح مرة وحدة .. خلنا على ( غباء ) و ( حماقة ) ارحم من الدعاء

إقتباس اجل له الشين والزين لغيره !! مايصير كذا ابد

عاد صار .. تبي والا بكيفك

إقتباس وكذلك المسؤلين فهاهم يمتدحون عمله ويرشحونه لأن يستلم زمام الامور في المنتخب وكذلك اُختير من ضمن لجان التطوير

اما شف مسألة ترشيحه لإدارة المنتخب انا لي فيها رأي .. ولو وافق المصيبيح عليها كان اعتبره ارتكب اكبر خطأ في حياته ( بالمناسبة هو في حياة الرياضية ما ارتكب الا خطأين خطأ ضد الشباب في الدور الثاني 1409هـ ضد خالد الزيد كان فاول ضربة حرة مباشرة وبعد كانت مكاتفة عادية - والفاول الثاني ضد منتخب الكويت بسنغافورة لمست يد ) .. <== امزح ..

ارجع للخطأ الكبير اللي يرتكبه فهد لو اشرف على المنتخب .. اعرف ان الشخص يطمح دائماً للافضل وفهد لو خلى الهلال وراح للمنتخب يكون ترك الافضل وراح لما هو اقل ..

تبي تقول متعصب يعني الهلال افضل من المنتخب !!

اقول لك .. اقلها الهلال ما فيه ( محمد نور - وخوجلي ) !!
والهلال ما يمزحون ويكسرون اصابع بعض !! بالهلال يتطاقون عادي .. اما مزح وينتج عنه كسور اول مرة نسمعها !!!

تخيل المصيبيح هو اداري المنتخب وشطب الكاسر والمكسور !!!! وش يبي يصير القرار اكيد قرار فاشل !! لانهم كانوا (يمزحون) !!! شفت وشلون فهد ما ينفع للمنتخب ..

المنتخب ينفع له اثنين :

واحد تاجر علشان يدفع !!
او واحد داشر مثل علي داود !!

إقتباس & بالنسبه للهريفي , فماعليه شرهه , والمفروض انه ضاف عفشه بعد الاهانه الكبيره اللي حصلت له لكن على ماقيل , إن لم تستح على نفسك فإصنع ماشئت , ورجال يهينونه ويذلونه المفروض مايوري احد وجهه ويستر على عمره ويقعد في بيتهم ,,,

اما يقعد في بيتهم كثير منها .. والله لو يقولون له تعال حلل سباق خيول ان يجي !!

تحياتي ...

@@@@@

هلا الهلالي محمد ..

إقتباس موضوع متكتك على النهج (( الأوربي )) ... و الهجوم على (( العمق )) مباشرة الله يعين الي يرد عليك وش يرد وش يخلي ... ماشاء الله ..

اي نهج واي اوروبي الله يرحم حالنا بس .. خلها مستورة ..

اما انه (هجوم) على العمق .. والله انا اشوف انه ( دفاع مع تطبيق مصيدة التسلل)

لاني في موضوع المصيبيح (غالباً) اظهر مدافعاً .. الا في بدايات (الخنبقة) الموسم الماضي كان يختلف الاداء بحسب (مادة) الموضوع .. ولا انفي تهمة (الهجوم) ولكن الحمد لله كان هجوم على مواقع عسكرية ولم نتعرض المدنيين

اما الله يعين اللي يرد .. بالعكس هذاك رديت ولا صار شئ

تحياتي يا مبدع

@@

هلا شـــهـــاب ..

إقتباس ونرجومن إدارة النادي تفريغ المصيبيح للفريق الأول ودعمه بجميع الوسائل لنجاحه أكثر وأكثر وأن تقف الأداره معه في كل كبيرة وصغيرة لتسهل مهمته في إدارة الفريق

ياليت اقلها علشان يرضون الشيخ (ابو مساعد) .. كلش الا المؤسس ..

إقتباس ومحاسبته في حالة تقصيره

ليش لا .. العدل زين .. يدعمونه ويوفرون له ما يحتاج .. ويحاسبونه حساب دقيق .. كل هذا لمصلحة الهلال ..

تحياتي ..

@@

هلا ابو فهمي ..

إقتباس اعتقد انك ماتعرف المصبيح زين

لا والله ما اعرفه زين مرة .. اللي اعرفه انه مدير الفريق الاول وانه يقدم عمل رائع وجهوده ملموسه وتعطي نتائج ترضينا ..

إقتباس او انك تعرف,,, وتبغى تضلل..على بعض من افعاله

!! لــــــيــــــه !! ؟؟ .. ليش اضلل !!

ما يصير يابو فهمي ..

يعني ابن سعيد فوق يضلل !!

واللي فوق كلهم يضللون !! وش مصلحتهم طيب !!

إقتباس ارجع الى الاسماء المطروحه من اجل التنسيق انت تعرف المصبيح

ماتورانا في الاقتصادية والجزيرة قال ( انــــــــــــــــــــــا المسئول ) !!

ولا يكذب ويضلل !!

إقتباس ارجع الى قضية المصبيح مع فيصل ابو اثنين او قصته مع السلومي او قصته

ودي والله نرجع لها ونكتب عنها .. بس لازم نلمس الحار .. وبعدين يجينا الغالي ( فاهم جداً) جايب معه كل (المدلهمات) !! عاد وش يفكنا منه

عموماً اذا ودك نرجع ما فية ما مانع .. انت ارجع وانا اجيك بعدين بس خلني افتك من فاهم جداً

إقتباس حتى سامي لم يسلم منه

سامي وغير سامي يطبق عليهم النظام في النادي .. وفهد ((((((((((أول)))))))))))) او من وضع نظام يطبق في النادي مع انه سبقه اداريين ومدراء كرة كثر .. ولكن فهد لديه لائحة تطبق على الصغير والكبير .. وهذا وربي قمة العدل والانصاف !!

إقتباس ارجع الى ماضي المصبيح عندما كان في درجة الناشيئن او في درجة الشباب كم مباره خسره الهلال بسبب ابعاد لاعب تاخر عن التمرين 10 دقايق او ربع ساعه

وشلون تجي هذي !! وكيف صار التأخير سبب خسارة !!

كاندنيو يابو فهمي كان اللاعب اللي يتأخر يبعده عن التشكيل .. واحيانا يخليه يلف الين يكره عمره ويكره اليوم اللي لعب فية كورة ..

وما كنا نسمع الا اشادات وتمجيد ..

إقتباس وكان اخر ابدعات المصبيح مع شقيق عبد الله الجمعان

ياحليه فيصل الجمعان يمدحونه والله .. الله يجعله اطيب من اخوه قل امين .. وينفع به الهلال

إقتباس ارجوكتابة الحقائق وكفاً تضلبل ومجاملات على حساب نادي كبير مثل الهلال

ما لدي من حقائق يا ابو فهمي كتبته .. وسأكتبه ان شاء الله دائماً لانه ينصف المصيبيح ...

واذا لديك حقائق مختلفة اكتبها نفع الله بك جمهور الهلال ..

@@@

هلا شمالي موت ...

إقتباس المصيبيح عقلية ادارية كبيرة بس من يفهم الاحتراف صح؟؟

صدقت ..

إقتباس بالنسبة لسعود بن تركي فنريد منه أن يثبت لنا أ، أمر الهلال يهمه ولن نتأكد من هذا الا باستقالته.

لا لا .. صدقني امر الهلال يهم سعود بن تركي جداً .. وسيكون قرار الامير سعود القادم في مصحلة الهلال ..

سواء اذا استقال فهو استقال لانه غير قادر على التواجد ودعم النادي فمعناه انه اتخذ قرار من مصلحة النادي للبحث عن رئيس اخر يسير دفة النادي ..

او سواء قرر البقاء فهو 100% جاهز للسير بالهلال في معمة هذا الموسم ..

عموماً ننتظر قرار الامير سعود باذن الله .. واللي بيكون بمصلحة الزعيم

@@

هلا رامي وبس ..

شكرا لك ..

@@

هلا بالقبطان .. خليك راجعين

@@@@@@@@@@@@@@@

للردود بقية