نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - شركة الاتصالات والمصري .. الدعوة للمريض والترقيم .. وخطف الرقم و البريد

فرصه ضايعه · #2 10/04/2007, 01:18 AM

هلا والله وغلا بماستنا

.....

وشذا العنوان الله يصلحك

..

قعدت اقراه ثلاث مرات عشان استوعبه

ياحليلك أنا صار لي موقف يشبه لموقفك الأول بس أخف منه شوي

....

بس كن الأمور مستتبه وكنهم بدوا يعقلون

.... ولا يتهيأ لي:p

خلينا نعيش معك بأغوار قصتك

<<< أهم شي أغوار

إقتباس


	أتمنى أن تجهزوا "نسكافيه " القاضي , أو مشروب القرقاص ,أو أياً ما كان من السوائل التي تروق لكم والمحببة إلى قلبكم , فيبدو أن الموضوع طويل , ويحتاج للتركيز ,و بالتأكيد تولدت لديكم الخبرة حول إسهاب الماسة في الحديث ,

والله يوخيتي توني متعشيه

وحسيت أني اغتثيت عقب قصتك

<< امزح:p

إقتباس


	وإذا برسالة تعقب تلك قد وصلتني يعتذر مني فيها ويقول بأن الأرقام تشابهت عليه .

ياشين التميلح

إقتباس


	و بقيت صامتةً ولم اسمع رداً وما إن قلتُ نعم حتى سمعت صرخة عجيبة ؟!! بعدها أٌُقفل الخط .

تروع من صوتك

شكله جني ذا اللي داق هالوقت

<<< بتخوفها

لا صدق عاد وش السالفه

وش المطلوب طيب من هالصرخة

والله يابدا مسلسل الغموض من هالصرخة:p

إقتباس


	أخذت تتحدث وتسأل من أنت ومن أين حصلتِ على رقمي

شين وقوي عين

...
ياشين اللي كذا

يتصل ويقول من معي

طيب أنت اللي متصل مب أنا

إقتباس


	وتحدثت عن شاب اخرج رقماً باسمها ويستخدمه في اتصالاته رغم أنها لم تقم بإصدار ذلك الرقم ولا تعرف من هو .

لا يكون اللي متصل عليك مطلع رقم بأسمها الضعيفه

ولا زوجته وبتشوف وشو هالرقم

وألفت لها قصه عشان تستجوبك

إقتباس


	قال في بداية كلامه بصوت ٍ منخفض ٍ فيما معناه " استري علي وسوي خير , واجهت مشكلة مع زوجتي بسببك , شافت رقمك في جوالي وظنّت إن بينّا علاقة , كلميها وفهميها إن ما بينّا شي ..."

نفس فكرتي

...
بس بديت أشك فيه

وشلون اتصل عقبها على طول

وش دراه أنها متصله;)
احس فيه مؤامرة

... ومن زينه يبيك بعد تحسنين العلاقه هو ووجهه

إقتباس


	وفي اللحظة التي ضغطت به على الزر الأحمر جاءتني مكالمة أخرى من نفس الفتاة .

لحوووووووووووول

...
لا هنا أكيد أنهم جمب بعض مافيها كلام

إقتباس


	ونفذ صبر أمي ,وأخذت مني الهاتف وحادثتها وهددتها , وقالت بأنها تعلم بأنها لعبة بينهما

بعدي

أمطخيلي أمك وسلميلي عليها

ياحبيلها

إقتباس


	وعقلي مازال حائراً بأمرهما ,فإن كان كلامها الأول صحيحاً ,فكيف عرفت بأنه هاتفني عندما اتصل من الرقم الثابت الذي كانت تجهله ؟!!

نفس تفكيري

وش عرفها أنه تو اتصل عليك

ولا بعد عرفت أنه دق بثابت

إقتباس


	سارعت في الاحتفاظ برقميهما باسمي" ولد الاتصالات " و "بنت الاتصالات " , تحسباً وحذراً لما قد يحدث في المستقبل .

ياحليلك نفسي

...
أي أحد يزعجني اسميه على حسب الحاله

عشان لا اتصل اعرفه واحقره

إقتباس


	ومرت الأيام والشهور بسلام , ولم تعد تأتيني مكالمات منهما ,

ياخسارة

...
ماندري وش صار عليهم

إقتباس


	قبل شهر , وأنا أعمل على فرز البريد وتنظيفه من الرسائل المتراكمة

ههههههههههههههههههههههههههههههه
تأثير الفضاوة بعد التخرج :p

إقتباس


	قد تكون نيته طيبة لأنه لم يرسل لي إلا هذي الرسالة فقط وبعد مرور ثمانية أشهر من تلك القصة الغامضة

طيب مافكرتي أنها يمكن أرسلت لكل المسجلين معهم بالموقع

...

إقتباس


	ذات يوم ,جاءني اتصال فأجبت , وكان المتصل شاب مصري , سلم ثم قال :أنت الماسة ؟

أنا مرسل لي رساله واحد كاتب الأخت فرصه

وعقبها بيوم كتب برساله ثانيه.... أبيك بسالفه يافرصه

وحاط اسمه

أنا كنت أحسب وحده من خوياتي مطلعه رقم جديد وتستهبل علي

...
وكلمتهم كلهم وحلفتهم وكلهم يقولون لا والله مب حنا

...
عاد صارت أحداث فضيعه مع هالشخص اللي سالفته فيها غموض مثلك يالماسه

بس ماله داعي تذكر

<<<< تبي تشوقكم عشان اللي فيهم عرق اللقافه يطق

إقتباس


	هل تسمحين بأن نكون أصدقاء , أسأل عنك وتسألين ؟!! وإذا لم ترغبي بذلك فلن أزعجك فالأمر عائد إليك ؟!!

ياحليله ذا فيه رجا:p ...
يعني مستأذن يعتبر

... ارحم من غيره

إقتباس


	هذا الإنسان احد موظفي المحلات في الأسواق , فكل من تعامل معهم يعلم بأنه لا بد أن يسجل رقماً واسماً وتوقيعاً في حال أعاد بضاعة اشتراها لا يرغب بها , ودائماً ما افعل ذلك , فأسجل اسمي ورقمي ,

ليش كذا تحطين اسمك

أنا دايم أحط بسم أبوي ولا بلقب أمي;)
ورقم الجوال على حسب كانه ترجيع وخلصنا أحط جوال الوالد

وكاني أبي أكون من ضمن عميلاتهم اللي يعلمونهم عن نزول البضاعه الجديده أو التخفيض

فيكون بجوالي بس بدون اسمي

خلاص خذيها قاعدة ... لا تكتبين رقمك إلا بالشديد الأوي:p

إقتباس


	^ ما هي مرئياتكم حول أحداث القصتين ؟

كثير تصير

...
بس كني أشوفها خافّه ;) ... جعلها دوم

أنا علقت على كل فقرة تقريباً فماله داعي أعيد نفس السيناريو:p

إقتباس


	^ ما أسباب عدم أمانة بعض موظفي الشركات وتسريب المعلومات الشخصية للعملاء ؟!

بالنسبه لي استفدت من هالتسريب كثير

...
صحيح ماتجي بالسهوله;) بس برضوه يجيبون لي صاحب الرقم وشو من لحيه

كنت اتعامل مع واحد بعيد بالنسبه لي

بس مايطلع لي الأسم إلا بالقوة;) يقول لو يدرون عني مصيبه

يعني الأمانه حنا اللي نطالبهم بعدم أدائها لو أحتجنا لهم;) ...

إقتباس


	^ ما أثر تلك التصرفات الفردية لبعض الموظفين على سمعة أي شركة ونجاحها ؟!

أكيد تأثر بالسلب

...
بس لو على حساب أنك تطلع اللي مزعجك أكيد بيكون إيجابي

وراح ندعي له;)
يعني واحد غاثني ست شهور

...
كل يوم يدق بالليل

وأيام امتحانات نهائيه

وبعض المرات توني حاطه راسي وتوني غافيه ويدق

عاد هذا غير الرسايل

طبعاً صرت اضطر أحطه على الصامت

...مع أني أحتاجه لا دقوا صديقاتي علي

بس عشان افتك من إزعاجه

... المشكله أنه ماقد سمع صوتي

وما وقف إلا لما كتبت اسمه برساله وهددته

...
طبعا أنكر أنه هو

بس بالأخير ماشفت رقمه عقبها الحمد لله

إقتباس


	^, هل تثق بعدم إطلاع موظفو الاتصالات على رسائل "mms" خصوصاً إذا انتقلت للصندوق على الموقع ؟!

لا والله ماأثق

...
أبوي حتى مكالمة الفديو ماأرتاح لها

يقول يقدرون يشوفونكم;)
قلت بذمتهم:p <<< بالله من زين الصورة اللي تطلع بالأتصال المرئي

كن الواحد يشوف نفسه بـ أبريق شاهي

إقتباس


	^ هل أمتلك أملاً في مجال القصة ؟ وما هي انتقاداتكم حول ما كُتب فنياً ؟

ماشاء الله عليك روعه

اسلوب جميل وتسلسل الأحداث فيه تشويق وحركات

وختمتيه بأسئله تبين الخلاصه من هالسرد الرائع

عجبني أكثر شي فيه اختيارك للعناوين

شكراً ماستنا

...
كانك تبين القصه اللي ماكملتها

ابشري برسلها لك سبشل أنتي بس;) >>> انقهروا:p
بس عاد مت ياحمار الين يجيك الربيع

>>> الزواله في قلوبنا:p

اعذريني على الإطاله ,,

سلاااااااااااااااااام ...