بدر بن عبد المحسن
أغنية بل قصيدة متكامله
لأجله عشقنا الشعر ومن حروفه تعلمناه
لو لم يكن من الشعراء الا البدر لكفانا

في طفولتي تعلمت الحروف لأقراء قصائده
علمني حب الشعر وكتابته

جرح يشتكي
أشكر لك ذائقتك الراقيه في إختيارك للبدر
وأشكر لك كرمك في أن أسعدت قلوبنا برؤية حروفه
فلك منا كل الشكر والإمتنان

إسمح لي أن أضيف بعض القصائد التي لاأمل ترديدها



خطأ..
تبخل .. وأنا كلي عطا..
خطأ ..
ضاعت على الدرب الخطى ..
خطأ ابتدينا ..
وان نهيناها .. خطا !!
تزرع طريقي .. بالألم..
يا خوفي .. لا توطاه القدم ..
تجرح ظلايل.. فيتك ..
وتدمي ..أماني جيتك ..
لو فرحت.. بجيتك !!
بعد الظما.. وبعد الهجير ..
تخفي حنانك .. بالضمير ..
لو ما جنت ..
عينك علي بنظرةٍٍ .. لو ما جنت
ولو ما رضيت .. تحدني ..
روح الشقاوي .. ما عنت ..
واستهونت درب الهوى ..
ولو ما غدى جرحي دوا ..
ليته غدا..
عودتني منك الحنان .. عودتني
وطال النوى وجار الزمان .. صبرتني ..
وإثر الهوى .. مثلك غريب ..
ماله .. على نفسه حبيب ...


ليتي معك دايم .. روحي فـ هواك هايم
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
ومالي فـ هواك لايم .. ليتي معك دايم
ليتي معك خطوة .. تمشي لهواك دروب
ونسمة هوى حلوه .. تحيّي الأمل فـ قلوب
ليتي معك وارتاح .. وانسى الضنى اللي راح
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
آه .. من الهوى والليل .. فـ عيونك السودا
غربه ومالي دليل .. والخطوه معدودة
والله الزمان غلاب .. والبسمه محسوده
ونور الأمل كذاب .. والراحه مفقوده
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..





دروب الارض 00 لكن 00
انا احس السفر ساكن00
دروب الارض 00 ما بين الاماكن 00
ولغير الارض وين بنروح 00 نسافر 00
كأن الصوت يرجع للحناجر 00
كأن الدمع00 يرجع للمحاجر 00
كأن الجرح 00 يرجع للخناجر 00
مثل كل الطيور اللي تهاجر 00
وترجع كل مره 000
تعب هاالبحر لا يجتاز جدران السواحل 00
تعب هاالبر 00 لا يرقى الجبل 00
تعب هاالقلب 00 لا يصبح امل 00
وانا لي سنين واحل 00
حملت الطين كله 00 لكل الطين 00
تخيل يا انا المسكين 00 كم لك 00
على هذا الانا 00 مصلوب
دروب الارض 00 لكن 00
ما للارض لو تبغى الهروب 00 دروب 00.



في آخر الصفحه .. يسار ..
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي بأسم ..
بلا ملا مح .. أو أسامي ..
ليه كلنا نموت ..
ليه نهمل الجثه ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..

أنا رقم .. اصقه ضرير ..
المشكلة .. مثلي كثير..
يجمعنا حب الهاويه ..
احلامنا .. انا نصير..
وقاماتنا متساويه..
نركض على ورق الحياه ..
لين ننمحي ..
المشكله مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم .....



ودي اختار.. الليله درب ..
ما تعرفه ..
ودي اجلس في مكان ..
ما يذكرني بصدفه ..
أو وعد ..
ودي أحكي يا حبيبي .. مع احد ..
غيرك احد ..
لجل النهار .. وحريتي ..
اعطيني .. لحظة اختيار ..
وحدي وغديت أنت الزحام ..
وحدي أبد .. وانت الكلام ..
نورك وما غيره .. ظلام ..
عذب الحروف .. طاغي الطيوف ..
أبعد عن عيوني .. بااشوف ..
لجل النهار .. وحريتي ..
اعطيني .. لحظة اختيار ..
ابي درب .. مايوصلني لدارك ..
ابي وعد .. ماحتمل فيه انتظارك ..
وابي ليل .. مايجي بعده نهارك ..
ودي ادري .. هي حياتي ..
اختياري .. أو اختيارك ..
ودي انسى .. ليله وعدك .. أنسى وعدك .. ماأجيك ..
وش يضرك .. لواخونك .. مره واختارك عليك



جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب..




آآآآآآآه يالعطش
جفت شفاهي
وصوتي الواهي أرتعش
ولو حبيبي ما...ماسقاني الما
ولو شربت أظمى لحبيبي وللعطش

يا سموم القيض..جفت عروقي
تحتي الرمضا...واللهب فوقي
والعطش شوقي ..وشوقي للعطش
اسقني عيونك حبيبي...أو أموت
ما ابي رمشك نعش

يا وسامي الحب..امطري في القلب
الزهر والعشب ...قلبي يامطر
الظما...والجوع..بعدك...والدهر
لوحبيبي ما....ما سقاني الما
لو شربت اظما لحبيبي وللعطش




وعد .. يا حبيبي ..
في ليلة ما تهجر .. وعد ..
في ليلة ما تغدر .. وعد ..
ابطفي قمرنا ..
وامحى صورنا ..
وانكر بعد .. هوانا ..
يا حبيبي ..
اشوفك بتبعد .. في عتم الطريق ..
وتوقد ما بينك وبيني حريق ..
يا عمر الهنا .. نساني انا ..
لا تنسى أبد ..
حبيبي إبتسامي .. ويكفي الآمي ..
تشوف السعد.. في بسمة حبيبي.




لا تسأله ناسي .. خله مثل ما هو
ياقلبي إحساسي .. ماهو معي هو
والله لا أمر .. صوبه لا امر
أصرخ بامر .. أبكي بامر
ما التفت .. لو هو العمر
وما ينحني راسي ..
كافي .. ترى ذل
يا خل .. ياخل
مكسور انا الخاطر
في نظرة الكل
لا تذكرني .. وجه مع الناس
لا تصبرني .. ما في الجفا إحساس
ضاع العمر .. وانت لا شمس لا ظل
والله لا أمر .. صوبه لا امر
ما التفت .. لو هو العمر
وما ينحني راسي ..
جف الكلام ..وسكت الدمع
الليلة .. با طفي الشمع
باترك ملامح .. صورتك تحت الغبار
واترك شوارع ديرتك .. لارض النهار
با نساه انا ... ما ادري متى
بالصيف يمكن .. او فـ الشتاء
والله لا أمر .. صوبه لا امر
أصرخ بامر .. أبكي بامر
ما التفت .. لو هو العمر
وما ينحني راسي .......



إن ضايقك إني على بابك أمر
ليلة ألم..
وأني على دربك مشيت عمري وأنا....
قلبي القدم..
أبعتذر..أبعتذر..كلي ندم...
عن كل شي..إلا الهوى.....
ما للهوى عندي عذر....



جرح يشتكي
تميز في الإختيار
ننتظر قادمك الأجمل
بالحب والإشراق