والله حرام
مباراة الأهلي كثير رددنا الكلام هاذي ولسان حال أبوعبدالعزبز هو لسان حال ملايين من الشعب الهلالي
والله حرام يطلع التايب مصاب لكن قدر الله وماشاء فعل
والله حرام ألفان يضيع كور مايضيعها مبتدئ قدام الباب وماله عذر ألفان جايبينك محترف ومدفوع فيك الشئ الفلاني تخدم الفريق
والله حرام ياأبوعبدالله تدخل مثل ذا الوقت وياسر يطلع سامي نحبك وعشان كذا عتبانين عليك أول مره في تاريخ الهلال سامي يدخل الملعب والجمهور مايصفق له أبوعبدالله انت أسطوره لكن كان واضح ان ياسر بيسوي شي ولاحد يقول تعليمات مدرب لأن سامي مو بلاعب عادي سامي كابتن الفريق ومتسلح بخبرة سنوات أبوعبدالله يدري أكثر من غيره أن السن أحكام
وقمة القهر كان بالنسبه لي أبوسلطان والله يعلم وشكثر أحبك
أبوسلطان أحبك يمكن أكثر من الهلال مدري أقول يمكن والله العظيم اني أستحي اذا قريت لك تصريح تطالب الجمهور يحضر وأسوي كل شي عشان أحضر ماحضرت مباريات كثر ماحضرتها بفترة رئاستك
لكن تمنيتك تحيي جمهور الهلال بعد المباراة تطيب خاطرهم لو تأشرهم لهم بيدك يكفي لكن تنرزفت وأنا أشوفك تحيي جمهور الأهلي بعد المباراة وهم اللي ماخلو شي ماقالوه أسألوا اللي جالسين بالمنصه باركهم لهم بالفوز لكن مو بذا الطريقه واسأل الأمير بندر بن محمد
مسكين اللي ماعنده سمو الأمير محمد بن فيصل
مسكين اللي ماعنده محمد الدعيع
مسكين اللي ماعنده سامي
مسكين اللي ماعنده ياسر
