نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلااالي وأفتخر · #140 09/04/2007, 01:00 AM

إقتباس


	اخوانى قد اغضب البعض ولكن اتمنى من الاخوان ان يشربوا كاس ليمون حتى تهدا اعصابهم لان بعض الاعضاء عشاق الاعبين وليس من عشاق كيان اسمه هلال

أولا اللعب اللي أعشقه أنا اعتزل

لكن موضوعك انت يصنف من ضمن موضوع الأطفال اللي بعد الهزيمة يطيحون سب وبعد الفوز كله مدح

وبعدين لا تفرح إذا شفت ردود (( أتفق معك في كل ما تقوله )) لأن هذول أغلبهم هذا الرد الوحيد الليي يعرفونه
ولو تشوف ردودهم بعد مباريات الفوز تشوف الفرق

إقتباس


	سامى الجابر بكل صراحه ماهى الفائده التى اعطاها الهلال بعد نزوله كل التحام مع لاعب اهلاوى فاول عليه

سامي لعب 15 دقيقة
ناول كورتين حلوة وسبب فاولين في منطقة خطرة وحاول مرتين يعدي لكن انقطعت منه وأعاقهم حتى ما تجي هجمة مرتدة
من التحليل اللي فوق نشوف مستواه جيد ولكن لا يمكن الحكم على لاعب في 15 دقيقةط

بس المشكلة بعض الأغبياء اللي يتوقعون ان سامي إذا دخل بيقلب النتيجة ويدخل 5 أهداف وبيعطيهم الكاس و.. !!

واللي يقول إن سامي بطيء
هذا صحيح لكن هذا ما يأثر على اللاعب إذا كان يعرف يتتمركز وعنده فكر ودهاء كروي
وأكبر مثال زيدان

إقتباس


	نواف التمياط اسالكم بالله تذكرون له شئ فى المباراه

نواف فعلا ما قدم شي بالمباراة ومستواه ما أدري ليش نازل

لك الحل مع نواف إنه يروح إعارة لأحد أندية الممتاز المتوسطة مثل الاتفاق (( عشان يضمن إنه يلعب أساسي )) لأن يحتاج إنه يلعب كل مباريات الموسم أساسي ومع الهلال صعب يلعب أساسي بها المستوى

إقتباس


	محمد الشلهوب اسالكم بالله تذكرون له شئ فى المباراه

أتوقع شفت مباراة ثانية !!
الشلهوب أول عشر دقايق مع التايب كان يلعب ون تو مع التايب ولا أحلى مع دعم الخثران لكن يوم دخل نوتاف صاروا بعيدين عن بعض وما بينهم تفاهم لكن معع ذالك قدم مستوى جيد

إقتباس


	الفان اتوقع انه موصى من المدرب السابق سيريزو الذى اوصى باحضاره بخذلان الهلال فى المباراه والدليل هجمتان لا تضيع ابدا من لاعب مهارى مثله وعدم تعاون مع زملائه

ما أدري وش فايدة الأجنبي إذا كان المحلي أفضل منه بمراحل !!

إقتباس


	العنبر غياب طول موسم وياتى فى مباراه مثل هذه

كل اللي لعبه 15 دقيقة وحط كولرة حلوة لألفن
و لكن ما جته كور نقدر نحكم عليه منها

إقتباس


	خليل غلطه الشاطر بخروج من بطوله

وتستمر معاناة الهلال مع الدفاع(( المحلي ))

إقتباس


	ياسر القحطانى سر غامض والله يستر من القادم

هذي كانت أفضل مبارة لياسر في الدور الثاني

إقتباس


	خالد عزيز والغامدى وتفاريز والخثران والعنقرى والدعيع ماقصرتوا

أتفق معك بس عزيز كان في بعض لحظات المباراة ضايع
كان ما يمشي إلا بعد ما تمر الكورة من جنبه لكنه تحسن مستواه

إقتباس


	الموسم القادم بكل صراحه يجب اتخاذ هذا القرار بكل جراءه اراحه الاعبين نواف التمياط وسامى الجابر نهائيا خلاص ماعاد جديد لديهم وكثر الله خيرهم على ماقدموه للهلال خلال السنوات الماضيه احضار الاعب عبدالرحمن القحطانى لاعب الاتفاق ليكون رساله قويه للشلهوب اذا اراد اللعب اساسى يشد حيله والا عبدالرحمن القحطانى موجود اراحه الاعبين المفرج واحمد خليل نهائيا بسبب ليس لديهم جديد خلاص خلاص والاستعداد لجلب مدافعين شباب جدد

نواف تكلمت عنه
وسامي مب انت اللي تقول له ريح
سامي لاعب أثبت نفسه من فترة ولولا الله ثم سامي ما كنا الحين تأهلنا لنصف النهائي (( ولا نسيت مبارة الحزم))

والشلهوب مستواه جيد أغلب مباريات الموسم ويا ليت كل اللاعبين يكونون مثل حماسة وإخلاصه

والدفاع لاز م يجيبون ماجد العمري وبثتون المرشدي ويركزون عا القاعدة

وفي الختام أتمنى تشرب كاس ليمون وتقرى موضوعك زين
لأن فيه مغالطات كثيرة