مع احترامي لكل الي ردو على ابو سعد من الاعصار الى redheart لكن انا اختلف معهم في الرأي و اتفق مع ابو سعد لان النقطة الي ناقشو فيها ابو سعد هي على ان الجمهور الهلالي يبي فهد يطلع او بقولة ( المخرج عاوز كده) لكن من الواضح انكم مسطتو نقطة و خليتو باقي الكلام لكن لو ترجعون الى اخر المكالمة المفتعلية حين قال ابو سعد ( المصيبيح يستمر في التجاهل) ليش ما تكلمتو عن النقطة ذي ! انتم من كلامكم واضح انكم قريبين من النادي و من كلامكم بعد كأني فهمة ( ان الي يقولون ما نبي فهد تراه موب داري وش يصير و لا هوب حول النادي) طيب احد ينكر ان المصيبيح لما يطلب منه احد اللاعبيين شي يقولة خير و ان شاء الله و بعدين لا يأخذ منه لا حق و لا باطل . انا معكم ان فهد عقلية محترفة في ادارة الكرة و فكرة يسبق الكثير من اللاعبيين و لما قال شيخ الرياضيين عبدالرحمن بن سعيد ( ان عيب فهد انه يشرف على جميع الدرجات في النادي) اتعتقدون ان هذه اشادة؟ و الله انها اكبر غلط و عيب كبير ان شخص واحد يشرف على ناشئين و شباب و فريق اول و لا يمكن بعد يشرف على المدرسة على كذا كم لاعب يكونون تحت ادارتة؟ و فوق كذا يعاملهم كلهم بنفس الاسلوب ! يعني اتعتقدون ان هذا منطق من الناحية الادارية هذا اكبر غلط لا يمكن لأي ادارة سليمة انها تولي اشراف او رئاسة اكثر من قسم لشخص واحد خلنا نجي على فهد هل معقول انك تعامل لاعب له تاريخه في النادي و محترف و يمكن عمره بنفس عمر فهد مثل ما يعامل لاعب توه بادي يتعلم اساسيات الكره و التكتيك ؟ انا عن نفسي ما انكر ان فهد اداري ممتاز لكن لازم يغير شي بسيط من اسلوبة مع اللاعبيين و قصدي ما يترك الحبل على الغالب و يخلي اللاعب على كيفه و يسوي الي يبيه لكن لازم يفرق بين التعامل مع ناس كبار و عايشين على الكورة و بين لاعبيين يغرس فيهم الانضباط لان النقش على الحجر موب مثل النقش على الرمل اللاعب وهو صغير تعلمه على شي يمشي عليه و لا يقدر يخالف اما انك تجي على واحد تعدى عمره 25 سنه ( هذي عامه على الكل موب لاعب واحد) و توك تقوله نام زين و ارقد زين و اشرب حليب قبل النوم هذا كلام ما يجيوز و هذي ناحية اما من ناحية ان لاعب يبي يجدد عقده وش رد المصيبيح طبعا يمكن موب بس هو الي يقولة لكن الادارة نفسها تقول( خير ان شاء الله انت وقع و يصير خير) يعني وين تبي لاعب ينضبط و يلعب و يدافع عن الفريق وهو سامع الكلام ذا يعني اللاعب موب ظامن حقه و لا احد يجي و يقول (ان هذا من ادارة النادي المصيبيح ماله علاقة) المصيبيح جزء من الادارة موب منفصل عنهم يعني الي يصير للادراة يصير على الكل من اكبر واحد الى اصغر واحد و من وجهة نظري انا اما ان المصيبيح يتفرغ تفرغ كامل لادارة الفريق الاول مع تعديل بسيط في اسلوبة و هذا لمصلحة الفريق او ان المصيبيح يرجع لاشرافة على قطاع الناشئين و الشباب و لا يغير اسلوبة ابد لان اسلوبة هو الي طلع لاعبيين ممتازين من القطاع الي كان يشرف عليه.


هذي وجهة نظري و الاختلاف في الرأي لا يفسد للود قضية و بسنا كلام عن الموضوع ذا الى نهاية مشاركة الهلال القادمة و بعدها لكل حادث حديث . و آسف على الاطالة يابو سعد.