سلخير يمين
سلخير يسار

سلخير كل ابوكم

سلخير كل امكم

وشلونكم

جيتكم من قسم الجمهور الهلالي بصراحه ما قدرو مواهبي وزحمه هناك ما يمديك تكتب موضوع وتسوي تحديث تلقى الموضوع بالصفحه الثانيه

فلذلك جيتكم فيذا والله الله بالردود والا مانيب جاي مرتن ثانيه <<<<<<<< ياشينك




فيه أحد الاخوان المصريين بعد ماأنتهت فترة عمله عندنا بالمملكه ورجع

لأم الدنيا مصر



فجلس يحكي لأصحابه عن صولاته وجولاته على مدار عشرين عام قضاها في ربوع المملكة وقال لهم أنه فهم كثير من الاشياء هنا وانه قطع السمكة وذيلها وكان يقول :

أنا عشت في السعودية عشرين سنه وعرفت كل حاقه وشفت كل حاقه لكن والله فيه راقل بسمع سنين عنه ماشوفتوش مع انه السعوديين كلهم بيعرفوه ماتخشش قلسه ولا أعده الا وتلائي اللي يئولك شفت الراقل , قبت الراقل , رحت للراقل , مسحت الراقل رفعت الراقل , غطيت الراقل , ضبطت الراقل .

وعندنا ماشاء الله فعلاً هالأمر منتشر فتلقى اي واحد من يقابل واحد من اخوياه وبينهم سالفه او موضوع معين قتلقاه يقول هاه وش سويت في الرجال وتلقى الرجال المقصود ورقه ولا معامله كاملة .

يعني من جد اصبح هالمصطلح دارج بشكل ملاحظ في حياتنا اليوميه لدرجة انه كان شخصين في إحدى المناسبات وأغلب الحاظرين من كبار السن والملتزمين وهالشخصين واحد منهم معطي الآخر فلم فيديو وماصدق شافه عشان ياخذه فبعد ماجلس واحد منهم على طول رشقه صاحبه بنظرات قويه فما كان من الاخ إلا وأبتسم إبتسامه صفراء وقال لصاحبه ترى الرجال نشب بالفيديو ولا عرفت اطلعه .

وعلى طاري هالموضوع حبيت اطرح مواقف صارت



يقولك واحد سير على ناس ودخل ولد صاحب البيت وجلس بجوار ابوه بجانب الضيف

وغمز لأبوه بعينه

وقال يا يبـه الرجال يبيك داخل .. يقصد امه !



-------------------------------------------------------------------------------



واسف على الاطاله وان كاني طولت احسن مره ثانيه لا تقرا الموضوع
--------------------------------------------------------------------------------