السلام عليكم ارجو العذر منكم لتكرار هاذي القصيده لكن طلب مني شخص عزيز طرحها مره اخرى ولكم مني جزيل الشكر اخوكم الهلالي التايه مامدح انا الى الرجال المطاليق 
امثال ابو سلطان شيخ الرجالي
ماني ابمدح مصلحه او تلفيق
والى ابمدح لجل كسب الريالي
لاوالله الى مدح من قلب عشيق
يعشق ابو سلطان عشقن خيالي
محمد بن فيصل راعي المواثيق
راعي العلوم الطيبه والنبالي
حبك تعدى جبال ابها مع طويق
من حبه الله اصبح انسان غالي
وانته يحبونك من الحد لبقيق
في كل ديره صيتك اليوم عالي
يامير اسمك بالنجوم المعاليق
فعلك وطيبك مايبيله جدالي
ماينهي وصفك وماينشف الريق
لوانحت وصوفك بروس الجبالي
يامير تستاهل من الناس تصفيق
وبالذات من جمهور نادي الهلالي
يالله يالمعبود رب المخاليق
تطول بعمر الرئيس المثالي
وسلامتكم 