باختصار دبي سياحيه والرياض مدينه عملية فيه فرق شاسع ;)
على طاري فرش الرياض بالورود والخضار اللي مالي شوارعها ترا هذي بداية تطوير مدينه الرياض
اللي يرئس لجنتها الامير سلمان بن عبدالعزيز وبدت في ميدان القاهره ( تقاطع خريص مع الملك فهد )
والان فيه تطوير في الجزء الغربي من حي السفارات للي جاي من طريق مكه يم الرياض
اما من ناحية الابراج فالحكومه ماسمحت ببناء الابراج الا قبل شهر تقريبا في العصب التجاري بين شارع العليا
وطريق الملك فهد بداية من شارع الوشم الى طريق الامير سلمان بن عبدالعزيز على مااعتقد
وهذا هو المهم ...........ليش !!
لان ماوصلت دبي للي وصلت له بعد الله الا بسبب رجال الاعمال السعوديين واللي استثمروا اموالهم في دبي
وابو ظبي والشارقه والفجيره والان تحولوا الى البحرين بسبب السماح لرجال الاعمال بالاستثمار
المملكه للاسف تاخرت بالسماح لرجال الاعمال بالاستثمار بالرياض او الخبر او جده او الدمام وغيرها من المدن
واحد من ربع الوالد عنده اربع ابراج في دبي ولمن ساله الوالد ليه مالك ولا برج هنا قال القوانين ماتسمح ...!!
واعتقد مايبيلها شرح
الرياض كعاصمه موقعها استراتيجي بحت ومكسب للشركات ورجال الاعمال واذكر مره قريت في مجله اقتصاديه
مااذكر اسمها بالكامل وكان فيها مقابلات مع رجال اعمال وشركات استثمرت في دبي
70 % منهم ناوين الرياض نية قشرا واغلب الـ 70 % استثمروا في دبي كنقطه بداية للوصول للرياض
الرياض بنيتها التحتيه ماهي سيئه ابدا والامير سلمان الله يطول بعمره واللي يتمناه الكثير مهتم فيها
وبداية من منتصف 2007 راح يبني برج الملك عبدالعزيز المالي والمدينه التقنيه وتطوير وادي حنيفه اللي بدا الشغل فيه
عام 2004 ومازال هذا بالنسبه للحكومه
اما القطاع الخاص فبرج الراجحي انتهى من التصميم واعتقد مابقى الا اللمسات الاخيره ( وبصراحه برج خيالي )
لو يمشي الواحد من بداية طريق الملك فهد الى نهايته راح يمل من كثر السقالات ( اللي تستخدم لبناء الابراج والعماير الطويله )
وهذا شي طيب بالنسبة لخسائر البشريه من سوق الاسهم الا انه مازال التطور العمراني بالرياض شاد حيله
عموما دبي ليست لاهل الامارات دبي للسياح والحكومه ماتعبت فيها بس فتحت المجال وقوانين سهله ولا فيه اي حواجز
فطبيعي تطور بسرعه
على فكره دبي عام 96 ما كانت الا صحراء لكن محمد بن راشد الله يطول بعمره لعبها صح لكن فعلا دبي على جمالها
الا ان مشاكلها السلبيه فظيعه منها اجتماعيه وهي الاهم
عموما دول الخليج بشكل عام تطورت بشكل هائل ونفس الشركه اللي طورت شوارع دبي ونظمتها الان تشتغل في الدوحه
والقطريين عطوها ضعف المبلغ اللي اخذتها من الاماراتيين
اتمنى لدول الخليج كل التوفيق وان شاء الله نشوفها من اجمل المدن في الشرق الاوسط
واتمنى من الحكومه التركيز على الخبر بدل التركيز على الرياض فقط اما جده فيبيلها شغل واعتقد من الصعب انها تطور
لان بنيتها التحتيه سيئه جدا
تحيه للجميع
