ونعم والله بأولاد علي
[c]اولاد علي عزوه يعتزي بها اهل القصيم
ومعروفين بهذه العزوه
عمومآ اهل القصيم ربع لنا وسنايد وقت الشدايد لا يجهلهم او يبخص حقهم
الا جاهل او حاقد
وهم ارحام لنا وانساب وأبناء عمومه ,,,
وليس كثير مني ان اوفيهم بعض حقهم
جتني قصيدة على البريد اعجبتني للشاعر محمد التميمي يقول فيها :
أنا قصيمي
قالت قصيمي قلت فخر ومعزة ****** أهل الكرم والعلم والحلم والباس
قالت قصيمي قصدها بي تهزة ****** ماتدري اني بفتخر وارفــع الراس
الحمــــــــــدلله روسنا دوم رزة ****** اللي خلقنا بس نحني له الراس
صافي نسبنا والحسب فية عزة ****** أصل أصيل وفصل والعرق دساس
أهل الوفاء والدين صافي منزه ****** عن كل ماشاب العقيده من أدلاس
حنا العقيلات انشدي رجال غزه ****** حنا هل الدنيا وللدين حــــــــراس
حنا سنايد نجد في كل حــــزه ****** لا خانت حلوق الرجاجيل الأنفاس
حنا اجبال يعجز الريـــح هـــــزه ****** حنا لنجد حزام وعصابة الــــــراس
نارد حياض المرجـــــلات ونلــزه ****** مانمشي دروب الرذيله والأدناس
من يغلط لسانه علينــا نجــــزه ****** واللي يحقر قدر الرجاجيل ينداس
منا العدو تكفيه بالعين خــــــزه ****** يقضي عليه الخوف مع كل هوجاس
من ذكرنا في قلبه تثور نـــــــزه****** من طاري القصمان يبلاه وسواس
نومه كوابيس وروعه وفـــــــــزه ****** دقت نواقيس الخطر له والأجراس
وان هو لقي له من علينا يــوزه ****** هون له الصعبات وابليس خنــاس
مايدري انه للمهالـــــك يــــدزه ****** عجل علي مبناه يمحي من الساس
يابنت حنا من نخانا نعــــــــــزه ****** يأمن بنا الملهوف وتهابنـــا الناس
مرسولنا للخير دايـــــــم نكـــزه ****** ولصرخة المحتاج نرخي الأكياس
تاريخنا مجـــــد لبسناه بــــــزه ****** نمشي بوسط السوق ماندحم الساس
لك ماتركنا بكاس الأمجاد مـزه ****** واجد عليك ومثلك حثالة الكاس
وش جاب حر الطير لفريـخ وزه ****** منهو يساوي جوهر الماس بنحاس
لاتحسبين انك لنا مــسـتفـــزه****** وش ياخذ الباعوض من ريش قرناس
هذة القصيدة للشاعر محمد التميمي
[/c]
@@ كل الشكر للأخ الغالي ابو سليمان الذي اصر على دمج موضوعه بموضوع الاخ ابو روان صاحب الاسبقية في تنزيل الموضوع .
اخر تعديل كان بواسطة » تيماوي في يوم » 07/07/2002 عند الساعة » 10:01 PM | 