يا نواف يا محتاس مالي الدنيا وشاغل الناس الله حسبي عليك يا ولد بندر وشلون سويت فينا كذا شقيت جمهورنا نصفين نصف عاقل ونصف هبيل ما يدرون انك بشر مثلك مثل غيرك لك احساس ومشاعر .
نسوا انك من اكثر من ثلاث سنوات وانت مثل المكينه ( عيني عليك باردة ) من مشاركة لمشاركة من منتخب لنادي ومن دورة لدوري ومن بطولة لكاس ما توقفت الا اجباري ومن قصاب الاتحاد عنتر نور يعني معاناة في معاناة .
هذولي جمهور يا ابو بندر ما همه شي انت لعبت وتوفقت انت في القمة والا بيمسحون بك البلاط وانت مغرور ومتعالي وشايف حالك .
كل ما نقول لك سر برعاية الله ولا يهمونك هالنوعية ولا تلتفت لهم لأن نجومية مباراة تغير رايهم 180 درجة فمادام هذا نوعهم ما هم كفؤ من يلتفت لهم . |