السلام عليكم ورحمة الله وبركااته
صباحكم عسل يازعماء وصباحكم ورد الهلال انهى التعاقد مع المدرب سيريزو والشيء هذا ارضى شريحه وويمكن تشائم منه شريحه اخرى لكن انا من الشريحه الاولى ليه مو لانه المدرب ما عنده شيء للهلال لا لان سيريزو خطته ناجحه وهي خطة الهلال اللي يلعب فيها من سنين بس لكل وقت جيله ولاعبينه وجيل الهلال الحالي يعني تعود على خطه اربعه خمسه واحد ليه لانه مافيه من يساعد من الاطراف في الهلال في الوقت الحالي الا لاعبين الوسط الاظهره اللي كانوا في الهلال مثل التخيفي والدوخي والصويلح على مستواه والخ هذا بالنسبه للاظهرة اليمين وبالنسبه للاظهره اليسار كان فيه الرشيد وحسين الحبشي والخثران يوم كان مستواه كويس كانوا يعني على الورق يلعبون اربعه اربعه ثنين لكن بالملعب يلعبون اثنين واحد ثلاثه اربعه ومع الحارس طبعا حدعش اللي بوصله الهلال اول كل خطوطه متكامله الحين الهلال مافيه الا وسط ولا كلهم بمستواهم وهجوم مستوى مهزوز لذلك رجع باكيتا لانه يلعب بطريقه تساعد الهلال على امتلاك الكورة بشكل اكبر وارهاق الخصم اللي بوصله حتى لو سيريزو انتهج هالطريقه اربعه خمسه واحد ما راح يقدم شيء للهلال تدرون ليه لان سيريزو يلعب باسماء اللاعبين لاا بمستواهم وهذا اللي يفرق مع باكيتاا باكيتا ما يعرف هذا لاعب كبير هذا نجم مع باكيتا بنشوف لاعبين يمكن اول مره نشوفهم بالهلال وصغار يبي يادون افضل من اللي كبار باساميهم وبمسيرتهم ليه لان الشاب والجديد بطبعه طموح وبيقطع نفسه عشان يثبت نفسه وهي الروح الهلاليه ترى على فكرة يمكن حتى التايب ما يشارك بتشكيله باكيتا لان باكيتا ما يهمه الا رايه واللي يطبق طريقته بالملعب وهو المفروض والدليل على ذلك وقت باكيتا سواء بالمنتخب او مع الهلال سابقا شفنا اسماء جديده على المنتخب وكلهم مستوياتهم جيده واعجبوا فيه الجمهور من هالناحيه لكن ما اعجبوا فيه من ناحيه الجبن اللي فيه ما يقدر يحسم المباريات بمغامرات وبتغيرات خارجه عن المالوف اثناء المباريات
يعني وجود باكيتا ضروري عشان نشوف فريق ينافس بعد سنتين لانه نكون واقعين تقريبا اربع لاعبين مع الهلال بعد سنتين راح يكونون ببيوتهم يتابعون الهلال ولهم مسلك ثاني ولا احب اذكر اسماء هنا لانهم يبقون كبار ولهم مسيرتهم صح نكرمهم لكن مو على حساب نتايج بالدوري والا على حساب تعب باقي اعضاء الفريق والعناصر الشابه اللي تطمح لا انجازات وانا اخص بعض المتعصبين للاعبين معينين ومحبااتهم بشكل غير منطقي وبالنهاية اشكر الجميع
