بســــم اللــــــــــه الرحمـــــــن الرحيــــــــم


بصراحه ومن غير مقدمــات وفلسفه زايده !!!!!! في مقوله قديمه تقول ( الزود أخو النقص )

ومن هالمنطلق وهالمقوله....... أقولها وبكل اسف ... احنا ياجمهور الهلال ... وبالعاميه ( أما حرا ولا برا !!!!!!! )


يعني ياننتقد لاعب على كل شئ .... يعني ان أخطأ قلنا مغفل !!! وان اصاب قلنا برضوا مغفل !!!!! وان اخطأ اللاعب اللي جنبه قلنا لان هذا اللاعب لعب بجنبه !!!!!

مثل حاله اللاعب الكبير فهد المفـــــــــرج ..........

وهالحاله حاله سلبيه لأبعد الحدود وماتفيد اللاعب او الفريق !!!! بالعكس تتدمر اللاعب ... صدقوني لو هالنقد جاي للاعب غير فهد المفرج كان اللحين معتزل منذ سنوات !!!!

والحاله الثانيه وهي اللي كاتب عشانها الموضوع !!!!! حاله ان اللاعب دايم على صح !!!

وان اخطأ قلنا لا الكره كانت منسمه ... وان اصاب قلنا احسن لاعب بالعالم ... وان ابدع اللاعب اللي جنبه قلنا كلها ببركات لاعبنا الكبير اللي واقف بجنبه بالهجوم !!!!!!!!!

مثل حاله اللاعب الكبير والكبير جدا ياســـــــر الكاســـــــر ......... وهالحاله برضوا سلبيه ويمكن أخطر من الحاله الاولي وبمراحـــــــــــل !!!!!

صدقوني اذا استمرينا على هالحال راح يوصل مستواه لمستوى سعد الحارثي !!! ( مع احتراماتي للاعب سعد !!!!!!! )

هذا اللي ضيع الحارثي مع فريقه ... كانوا مهما يهبط مستواه ماينتقدونه !!!! ومهما ينكب ويكون عبء على الفريق ماينتقدونه برضوا !!! حتى وصل للي وصلــــه !!!!


الشئ اللي اطالب فيه .... اننا ننتقد اي لاعب يهبط مستواه مع الهلال ... سواء ياسر او غيره ... وصدقوني هالشئ لمصلحه ياسر ... حتى يحس بالتقصير ويحاول انه يرجع لمستواه الحقيقي بأسرع وقت ممكن ........

رجاء...... لا أحد يقولي مستواه كان زين امام القادسيه !!!! صحيح صنع هدف وكان بمجهود فردي مميز ...... لكـــــــن كلنا نعرف انه مو هذا مستوى ياسر الحقيقي !!!!


رجاء مره اخرى ....... لا أحد يطلع لي اللحين ويقولي مندس !!!!!!!!!!

بالعكس والله ... المندس الحقيقي هو اللي يشوف الخطأ بفريقه ويسكت !!!!!

المندس الحقيقي هو اللي يشوف مستوى لاعبه ينخفض بشكل واضح وماينتقده نقد هادف وبناء !!!!!!!!


ختاما ...... اتمنى من الجمهور الهلالي الحقيقي الوقفه الصادقه مع الكابتن ياسر القحطاني ...... وتوجيهه وانتقاده عند اخطاءه نقدا هادفا وبناء .... دونما تجريح او ماشابه ذلك !!!!!!!



تحياتـــــــــــــي ...........