البارت الثالث والثلاثون
في مكان مو بعيد كان سلمان مايدري عن اللي صاير ابدا نايم بالعسل يكلم مشاعل
سلمان: ميشو
مشاعل: هلا
سلمان: تدرين مروان ولد اخوي عطاني شريط اسمعك اياه
مشاعل: والله ياحليله
سلمان(عصب): لاتقولين ياحليله ولا قد اسمعك تمدحنيه
مشاعل: انا
سلمان: ايه
مشاعل: لاتحط نقرك من نقره بزر هذا اولا
سلمان: وثانيا
مشاعل: اكيد من كثر حركاتك عندهم خربو العيال
سلمان: انا
مشاعل: ايه اجل انا
سلمان: خلاص خلاص انسي السالفه
مشاعل: على الطاري اذا كنا معهم خف شوي لاتتغزل كثير
سلمان: مااقدر غصب عني
مشاعل: والله اعرف بس ...حرام هم مراهقين بينا سوي اللي تبي
سلمان: اللي ابي
مشاعل انتبهت للكلمتها: بحدود
سلمان:هههههههههههههههههاا اااي
سلمان: المهم بسمعك الشرسط اهداء خاص لك
مشاعل: اوكي
+++
شغل سلمان الشريط هو اول مره يسمعه ماسمعه ابدا يعني شغله وجلس يسمع مشاعل وهو مايدري انه مقلب
بدت الاغنيه حلوه موسيقى بعدها جا صوت جابر الكاسر
:يامشاعل يامشاعل::لي متى وانتي على هالحال::كل صيف لك حب جديد
مشاعل يوم سمعت الكلمات انهبلت كانت متوقعه كلمات احلى من هذي سكرت الخط
سلمان يوم انتبهه: الو الو سكرتها اوريك مروانوه الكلب والله ماخليك
++++++++++++++++
ندى على حالتها تصيح رن جوالها مره ومرتين ولا ردت مالها خلق سمعت صوت طق على باب غرفتها
ندى: قلتلكم مابي افتح للاحد
العنود وصوتها رايح من الصياح: ندى تكفيين افتحي اذا تحبيني افتحي
ندى ماستحملت اكثر فتحت الباب وضمت العنود وصارو يصيحون الثنتين بعد فتره هدو
العنود: ندى الله يعافيك قولي لي نواف وين
ندى عصبت لهدرجه مكشوفه: وانا وش دراني قالولك مخبيته عنكم بعدين انا وش لي فاخوك
العنود رجعت دموعها تنزل: ندى والله انا عارفه بينك انتي وياه شي انا خسررت ابوي وعشت يتيمه مافيني اخسر احد عزيز علي تكفين قولي لي
ندى كسرت خاطرها العنود ولا تدري وش تسوي هي فعلا ماتدري وينه
ندى: والله ياعنود ماادري
العنود: تدرين والله تدرين يكفي دموعك اللي بعينك تقول انك تدرين انا بطلع واخليك الحين بس اذا صار لاخوي شي وانتي من وراه لاتلموني طلعت العنود وهي تتحسر على اخوها
ندى كانت بحاله ذهول وشلون انا ماادري ياناس ماادري ابوي طق علي باب الغرفه اكيد كان بيسالني والعنود تتهمني كيف انا مادري عنه انا وش بيني وبينه عشان ادري عنه قطع تفكيرها صوت جوالها كان مسج
فتحته:
اكلمهم عن همومي وعن جروحي وعن التحنان
يقولون العشق كذبه وكل الحب اسطوره
اعاتبهم وانا بقلبي احس بداخله بركان
اخاف تموت امالي بلحظه ياس مقهوره
تعبت اواجه الدنيا تعبت اوجهك يا الانسان
ابي لي قلب يفهمني من الاحساس به صوره
اللهي ليه انا وحدي اعيش احلام مبتوره
(( لللامانه جايني مسج مدري مين الكاتب)) (
ندى جلست تقرى المسج كذا مره تبي تفهمه قطع عليها التفكير صوت الجوال اللي رن للمره الالف:
ندى طفرت وردت بصوتها المتغير من البكي: الو
نواف: الو
ندى: نواااااف وينك ارجع عمتي بتموت علينا العنود منهاره تكفى ارجع ونايف وفهدو وحمد يدورون عليك مساكين
نواف: ندى شوفي انا اتصلت ابي افهم شي واحد وبعدها بسكر
ندى: مني انا<<مسويه بريئه
نواف: ايه بس شرطي اسمعيني للاخر ولا تقاطعيني
ندى(كانت بحاله حيره تامه): طيب
نواف بصوت تعبان: شوفي انا هاوشتك وطقيتك وسويت لك اشياء احتمال بعمرك ماتنسينها ابدا بس ماابي منك تنسينها او تسامحينها انا ابي منك شي واحد بطلبه منك واتمنى من كل قلبي انك تحطينه بعين الاعتبار
ندى:........
نواف كمل بعد ماسحب تنهيده من اعماقه: انا ابي منك فرصه وحده بس ابيك تتغاضين عن اللي سويته فيك ابيك ترجعين بنت خالي وانا ولد عمتك اللي صار خليه على جنب انا عارف يوم خطبتك انك بترفضين بس كان عندي امل كبير صدقيني ياندى انا بعمري مافكرت ااذيك بشي واللي سويته له نواحي ايجابيه يمكن ماتاخذينها بعين االاعتبار انا قلت واعيد ابي منك فرصه وحده بس اذا موافقه تعطيني هالفرصه مشت الامور بينا واذا لا اوعدك ماتعرضلك بحياتي كلها واذا تبين ماتشوفيني ابد انا عندي استعداد واخليك براحتك القرار لك
ندى: نوا...
نواف: لاتقولين شي الحين انا بسكر واذا فكرت بالموضوع ان شالله ردي علي
ندى: طيب ممكن الحين ترجع
نواف: انا بطريق فمان الله(سكرهها بعد ماحس انه بذل مجهود كبير بهذي المكالمه وكل الموضوع لله وارتاح هذي اخر محاوله اما تصيب واما تخيب)
(ندى مسكينه كانت ماتدري وش تسوي لااراديا رجعت للبكي وهي ماتدري فرح ولاحزن ولا الم كانت تفكر وهي مشتته كيف يعني بتمشي الامور لوعطيته فرصه يعني بيرجع يخطبني لا هو خطبني قبل كيف اجل واذا ماوفقت ماشوفه ابدا يعني ماشوف نواف لالا انا مو لهدرجه كارهته بس..... تعبت من هالافكار اللي براسها
بعد نص ساعه من الكلام اللي صار جا نواف وراح للبيت خاله ابو فهد لان اهله هناك
نواف: السلام عليكم
ام نايف: نواف ولمته وقامت تصييح وينك ياوليدي صبيت قلبي عليك
نواف: الله يهديك يمه تراني رجال ماله داعي الصياح
ابو فهد : الحمد الله على سلامتك ياولدي
نواف: الله يسلمك
العنود: سلمت وطيران راحت لندى
العنود: ندىى نواف جا
ندى: كانت تعابير وجهها مصطنعه لانها تعرف انه بيجي باي لحظه
العنود: وش فيك متكدر خاطرك
ندى: لا ابد ولا شي الحمد الله على سلامته
العنود: ندى سامحيني على الكلام اللي قلته لحظه غضب
ندى: لا العنود لاتعتذرين
العنود: شوفي الكلام كل اللي قلته اقصده بس مو متاكده منه
ندى: قصدك بيني وبين اخوك شي
العنود: ايه
ندى: ايه انا اقولك خذيها مني بدل منة افكارك انا بين وبين نواف اشياء مو شي
العنود:هااااااه ندوووش وش السالفه
ندى:هويتي من الجبل روحي نومي بس
العنود: طيب بس ماتبين توصلين معي سلام والا شي
ندى: اقووول انقلعي عني
العنود طلعت وهي ميته ضحك
+++++++++++
نسايم: الو
نايف:هلا
نسايم: خلاص ارجع
نايف: لقيتوه
نسايم: ايه توه راجع
نايف: لله يقطعه مسهرنا ورجع يالله انا جاي
نسايم: فمان الله
سكرت نسايم وهي تفكر بكلام نايف بذاك اليوم كيف كان يتكلم وهل كان كلامه صحيح بنهايه فسرت كلامه على انه مو سعيد معها اومايبيها واتخذت قرارات بنفسها
رجع نايف للبيت وكانت نسايم على حالها تفكر
نايف: سلام
نسايم: ....
نايف: قلنا السلام
نسايم: سوري مانتبهت لك وعليكم السلاام
نايف استغرب من سرحانها بس سوى طاف وراح ينوم
بعد نص ساعه
نايف : بسم الله نسايم وش فيك
نسايم:هههههههههههههههههههههههه ه
نايف صدق خاف منها وعليها تضحك وهي نايمه
نايف: نسايم
نسايم:هههههههههههههههههههههههه ااااااااااي
نايف" بسم الله اعوذ بالله نسايم قومي هزها عشان تقوم
نسايم فتحت عيونها:ههههههه وش فيك
نايف: انا ولا انتي ليش تضحكين
نسايم كانت شبه نايمه ماتدري عنها: انا هههههههههههههههه
بعد فتره سكتت ونامت اما نايف مانام وش الشي اللي يخليها تضحك وهي نايمه يمكن حلم بس انا صحيتها يمكن مسكونه بسم الله هذا اللي ناقص تعب من الافكار وراح نام بعد اليوم المرهق
++++++++++++++++++=
++++++++++++++++++++++++
الصبح من اليوم الثاني
سلمان يرن الجرس على غرفه ابو فهد طلع له مروان
سلمان: مسكه وسحبه
سلمان: ايا الحمار اوريك اجل تبي تشب النار بيبني وبين حرمتي
مروان: انا ههههههههههه قصدك الشريط
سلمان: ايه
مروان: سمعته اياه
سلمان: ايه اللله ياخذك قل امين
مروان: تدعي علي بسبه اغاني بعدييين انت وش فيك كان سمعته قبل
سلمان: مافضيت وذيك الساعه كنا متطاقين بسببك قلت الغلط منك نصلحه مادريت عنك يالاثول
مروان:÷ههههههههههههههههههههههه هههههاااااااااااااي حلوه هذي الابيه
مر من جنبهم واحد سوى حركه يعني يتحمد ربه
سلمان: اشوف فيك يوم خليتنا مطنزه
مروان: ليش تمدحوني
سلمان:ابدا قلتلها عن اهداك قالت ياحليله
مروان: ايه والله ياحليلني
سلمان دفه ودخله جوى
سلمان: ادخل لابارك الله فيك قل امين زين
++++++++++++++++++++++++++++++ +++++++++++++
ابو فهد: سلمان وش فيك علىا ولدي تطقه
سلمان: اسئله وش مسوي مسود الوجه
ابوفهد: افا مروان وش انت مسوي
مروان: انا
سلمان:لا انا خلني سلكت قبل لا قوم اطقك صدق
ابو فهد :الله يهديكم.....مروان رح جيب اختك
مروان: من
ابو فهد: نهى يابعدي ذالايام مااشوفها ابد
مروان: ماتكفيك طلتي البهيه
ابو فهد: خير وبركه بس اخر العنقود مااصبر عنها قوم جيبها
مروان: يالله بروح......وصل عند الباب اجل ياحليلني
سلمان: انقلع لااجي اطلع حرتي فيك
مروان:ههههههههههه باااي
++++++++++++++++++++++++++++++ ++++++
راح مروان ورن الجرس عللا شقه ابو حمد
حمد: هلا بمروان
مروان: هلابك
حمد: وش عندك جاي بصبح
مروان: (رفع النظاره الشمسيه) والله ياحبي الاول والاخير الوالد مشتاق للبنته ويبيني اجيبها
حمد كشر : قصدك نهى
مروان: حبيبت ابوي
حمد: زين بقولها تفضل
مروان: لاامابدي ادخل نادي اختي اذا سمحت
حمد: يعنبو البنانيه طيب انطر هنا
دخل حمد واحتار كيف يناديها امه راحت تقهوي الجده اليوم دورها قم يطق الباب
نهى نومها خفيف: الكلب اللي يطق الباب يذلف
حمد ضحك بصوت واطي اعجبته السالفه طق بقوه
نهى: افففف وجع خلوني انام
حمد صار يطق مثل الطقاقات على الباب
قامت نهى خذت كاي مويه وهي تحسب انها بيتهم لان كل غرف الفندق نفس التصميم وفهده دايم معها فهي ناسيه وين هي
فتحت الباب وكبت المويه
نهى: عشان محد يقومني بهالهمجيه
حمد فتح فمه من الدهشه ماتوقعها تسوي كذا
نهى انصدمت ودخلت وسكرت الباب بس ظحكت عليه:هههههههههههههههههه
حمد من ورىا لباب: ايه ضحكي وش هامك انتي مروان يبيك اطلعي له برى
مروان: حمــــــــد وش مسوين بختي طلعوها طفشت وانا بالحر
حمد: جايتك بالطريق
طلعت نهى وراحت للباب لقت حمد واقف تبيه يوخر عشان تطلع بس هو ماشافها
حمد يسولف مع مروان ونهى محتاره
نهى: صبــــاح النور
مروان: من له حددي
حمد: اكيد مو لي وشر على فنيلته اللي مليانه مويه صبحت علي
مروان:ههههههههه بعدي باختي
نهى تفشلت بس كالعاده مابينت
++++++++++++++++++++++++++++++ ++
نهى: هلا بابا
مروان: وترجع تقول بابا صدق انك بنت
ابو فهد: هلا ابوي تعالي عندي وانت وش فيك على اختك
مروان: ابدولا شي
نهى تسوي حركه للمروان يعنيموت قهر
ابو فهد: عساك مستانسه
نهى: الحمدالله
ابو فهد: خاطرك بشي ولا بمكان نروح له
نهى: لا والله عادي
طلعت ندى من الغرفه وهي لابسه وكاشخه ومقرره وش بتقول للنواف
مروان: يختي كشخه بصبح ماتجي
ندى: وليش ان الله بعدين انا دومني كشخه موت قهر
مروان: اقول ياخت الحنونه ياختي الصفراء(كنايه عن ستايلها الاصفر)
ندى: نعم وش عندك وش تبي
مروان: ودي بنظاراتك ديور اكشخ فيها
ندى: ايش لالا ياحلو غيرها هذي توها جديده تاخذها تلعن ابوها
دخلت نسايم: الحين ممكن افهم ليش الباب مفتوح دايما
نهى+ومروان: دور ابونا
ندى:ههههههههه واللها نكم مرجج
مروان: وش قلتي يااحلى اخت بدنيا
نسايم: وش فيكم
مروان: ابدا اختي الحنونه ابي منها نظارتها
نسايم: ليش ماعندك
مروان: اكيد عندي بس طفشت من اللي عندي بكشخ
نسايم: اجل ابشر بطلبك عندي
مروان: بتسلفيني
نسايم: لا انا شاريه لك وحده هديه وانا بشهر العسل
مروان:صدق ياحبنليك مو بعض الناس تذلك ساعه على وحده مستخدمه
ندى: يجيلك يوم وتطلب مني شي واطلع احلى وحده
مروان: اكيد من هالناحيه تطمنو
ابوفهد: عيالي وين تبون تروحون اليوم
ندى: انا مالي شغل ابي اشوف سوسو والله من زمان ماشفتها
ابوف هد: ايه والله خليها اليوم تجي عندك ونطلع مع بعض وقوليلها انا عازمها تنام عندنا
نهى: يبه اليوم دور فهده تجي عندي
ابو فهد: روحي عندهم ماراح تطير دنيا ولا جيبيهم كلهم
نهى: امممم اوكي
ابو فهد: نسايم وين نايف
نسايم: راح عند عمتي يبي نواف بشي
ندى من سمعت طاري نواف ابتسمت
نسايم: لاحظت بس سفهت الموضوع قالت خليها على راحتها
++++++++++++++++++++
العصر:
العنود: بنات نبي نتمشى
ندى: ايه صح
رهف: ساره وين تبين تروحين
العنود: تمصلحي تمصلحي
رهف طنقرت منها: وشو خير بنت عمي واسئلها
العنود: احد قال رهف
رهف: عصبت منها بس نست عصبيتها يوم شافت فارس جاي لهم
فارسس: كيفكم بنات عمي
العنود: بخير مانشكي باس
فاري: والله مو هينه تعلمتي حكايات الاماراتيين
العنود: افا عليك اعجبك
رهف قبصت العنود عشان تسكت
العنود:اااااااااااي فارس شف رهف
رهف حست ان العنود انهبلت سفهتها وجلست تناظر نقشات الطاوله
جا نواف يتلفت يدورهم بعدين لقاهم ندى مانتبهت له يوم جا فز قلبها ارتاعت او بمعنى صح ماتوقعت المواجهه
نواف: سلااااااام كيفكم
ساره: الحمدالله
رهف: الا صدق امس كنت ضايع
نواف: من قالك كنت للحين وانا ضايع ان شالله القى نفسي قريب ناظر في ندى
ندى هي الوحيده اللي فهمت والباقين حسبوها مزحه
نواف: جاهزيين نروح ترى فهد وحمد سبقونا
رهف: عبد العزيزبيجي
نواف: بياخذ المراهقين وبيجي بعدنا
العنود تدف ندى: يالله نمشي
نواف طالع شنطتها وكانت الورده لهذا اليوم صفراء
نواف: تنهد وتم يدعي ربه انه يعينه
+++++++++++++++++++++++++
راحو تمشو شوي وصورو الشباب مع بعض واستهبلو وقضو وقت ممتع بعدين تعبو
حمد: خلاااص انا تعبت امشو نروح للكافي نشرب شي يبرد على قلوبنا
مروان: صادق حرر
وراحو للكافي البنات بطاوله والا ولاد بطاوله وسلمان ومشاعل طاوله يعني يراضيها
+++++++++++
ندى طفشت الجلسه كانت حلوه والمه احلى بس هي بخاطرها شي غير عن كل الموجود طلعت جوالها وقعدت ترسل للصديقاتها نواف شافها مطلعه جوالها شغل البلوتوثه وارسل لها
(هاي ندى انا نواف فكرتي ولالا)
ندى يوم قرت فتحت عيونها وغمضتها كم مره تبي تتاكد نواف مات من ا لضحك عليها
ندى قررت تريح نفسها من هالموضوع وخصوصا هالطريقه مافيها اي احراج
( هلا ايه قررت)
نواف:
(اقدر اعرف القرار)
ندى:
(اوكي: موافــــقه بس عندي شرط)
نواف بغى يقوم يرقص ندى شافت الابتسامه على وجهه كانت قباله وابتسمت
مروان:نواف وش تسوي اذا عندك بلوتوثات طايح لك على وحده
نواف:ااه لاتذكرني ورجع للجواله
نواف:
(اشرطي تامري قولي اللي تبين)
ندى ضحكت:
(طيب انا مابي منك شي غير انك تكون صادق بكل شي ولاتتصل علي ولاترسل لي لانك تعرف السبب هذااولاوثانيا<<اقول ولا اسكت)
نواف: (وش تسكتين انا صدقت تتكلمين قولي اذا على شرطك الاول انا من نفسي كنت بسويه)
ندى:
( وش كنت تقصد يوم قلت الاشياء اللي سويتها لها جوانب ايجابيه)
نواف:
