أخوي سلمان كفيت ووفيت مابه كلام ينقال بعد هالكلام . لكن بقول لك قصة صارت لي أمس مع الشباب (طبعاً أنا للأسف ماشفت المباراة) كنت جالس مع 2 هلاليين و أربعة نصراويين بدايت النقاش وقلت شفتوا الشلهوب اليوم كانوا يمدحونه ....قالوا لي الولد مبدع والله .... قلت طيب يقولون سامي لعب اليوم ...ردو الهلاليين الحظ خانه أما النصراويين والله مافي راسه عاد بدينا في نقاش طويل عن سامي وأعجبني رد هلالي شاف المباراة قال وش فيكم ماتكلمتوا عن المبدع طلال المشلع اللي اليوم ماسلم ولا أستلم كورة صح ..... عشان سامي عانده الحظ (طبعاً تلقفت وقلت بالعكس سامي قاهرهم بكثر أهدافه فيهم) راحوا وقالوا وش سوى لكم ماجد رد الهلالي رد أروع من سابقة وقال مشكلتكم يانصراويين تقارنون لعيبتكم بلعيبتنا قارنتوا ماجد بسامي وقارنتوا ماجد الدوسري بنواف التمياط وقارنتوا البيشي بالشلهوب وهو توه ما لعب الا مباراة ..... أما حنا ياجمهور الهلال ما نقارن لعيبتنا بلعيبتكم .
لكن للأسف تفاجأة اليوم و أنا القى مقارنة بين الشلهوب ويوسف ليتهم قانوا بلاعب نصراوي قارنوا الهلالي بالهلالي مسكت رأسي شوي لكن أشوى لقيت الردود مقفلة وياليتكم تحذفون الموضوع بالمرة لأنه نقطة سوداء للهلاليين عموماً.