السلام عليكم
اول شي احب اهنئ الفريق الأهلاوي عالفوز المستحق وهاردلك للهلاليين وهذا طبعاً حال الكورة ... ياما طلعنا الأهلي من البطولات وهذا حال الكوره ....
المؤسف حقيقه أن جميع الأعضاء بالمنتدى يحاولون يربطون الخساره بتدهور مستوى الهلال والحقيقه أن الأهلي اهو اللي الغى شي اسمه الهلال فالمباراة هذي .... يعني لانبرر الخساره بضعف مستوى فريقنا ليش مايكون الأهلي قدم مستوى حلو واستحق النتيجه
صحيح أن إدارة الهلال تجامل لاعب على حساب تاريخ الهلال اللي هو مخرج 17 ... لكن هذا لايمنع أننا نعترف بأحقية النادي الأهلي بالفوز
أغلب الأعضاء زعلوا على رسام الكاريكاتير رشيد السليم بعد مااعطانا اللقب المستحق لفهد المفرج ... وماادري شالسبب ... واللحين اشوف نفس الأعضاء اللي كانوا ضد السليم يسبون المفرج بعد المباراة هذي ....
بصراحه أن مااكتب كثير بالمنتدى لوجود عدد كبير من الأطفال للاسف الشديد ... يعني تلقى العضو ماشجع الهلال الا قبل امس ويجي يسوي فيها زحمه بالمنتدى مسوي انه فاهم بكل شي وانا هلالي متعصب وماني عارف ايش واكبر دليل على صحة كلامي أنك تحصل توقيعه لياسر القحطاني ولا احد يتكلم على ياسر يعني صار مشجع ياسر القحطاني مو الهلال للأسف وصل الأمر عند بعض الأعضاء الى تقديس بعض اللاعبين ... والا يجيك عضو يطالب بالمدرب باكيتا ويقول نبي الداهيه هذا مدرب فاشل ومدري ايش ياناس المدرب هذا ماصارله ولا شهر كيف نحكم على عمله من خلال الفتره هالفتره القصيره ... و اذا فاز الفريق مدحوا اللاعبين والمدرب صار داهيه واذا خسر الفريق اصبحوا اللاعبين اسواء لاعبين والمدرب فاشل وفلاح ومدري ايش .... يعني الا بناخذ كل البطولات ولا بيصيرون لاعبينا فاشلين ومدربنا فاشل ... اجل خلاص دوروا على ساحر وانتهى الموضوع .......اقسم بالله عقليات اطفال جالس تشارك بالمنتدى
ماكنت اتصور انه يجي يوم من الأيام ارى فيه هؤلاء الأطفال يتكلمون عن أمور النادي ويحددون الصح والخطأ...
واذا جاء أحد من محبي النادي وتكلم عن أمور مهمه بالنادي وانتقد بعض الأخطاء الإداريه مباشرة تلقى الردود ضد هذا الكاتب للاسف تحصل واحد يرد يقول يامندس والفاظ استحي بصراحه اني اذكرها ...

ماابي اطيل بالكلام اكثر من كذا

وتقبلوا تحياتي