إقتباس الرسالة الأصلية كتبت بواسطة المشتاق 6665 مع كامل إحترامي لك المفرج أسوأ لاعب في الهلال حاليآ وكنا سابقآ نصيح من الهليل واللحين جا للهليل ولد - ياخوي حرام والله حرام المفرج عليه أخطاء كوارثيه وتفاريس ماصار ياخذ كروت بكثره إلا من بعد مارجع المفرج بجنبه الآن تفاريس مهدد بالإيقاف في أي لحظه كله بسبب المفرج غلطاته كوارث وإللي يتحمله ويغطي فضايحه تفاريس ياخوي لو طلع تفاريس من الدفاع وتركنا المفرج لوحده مع خليل وأمام فريق هجومه ووسطه قوي مثل الإتحاد أو الأهلي وربي بتشوف الخمسات - كلامك هذا وكلام غيرك من الناس إلي يطبلون للمفرج هو من أهم أسباب تدهور الدفاع الهلالي وقتل المواهب الشابة من أجل العجوز فهد المتفرج : -- إلي كاتب موضوع ويقول إمتب إلي تبي للمفرج وأوعدكم راح اوصله له !!!!!!!!!!!!!!!!! -- وإلي جايب لي كم توقيع من ياسر والشلهوب ونواف وسامي والسعود والخراشي ...... ويقول لاتقسوا على المفرج .!!!!!!!!!!!!!!!!!!!!!!!!!! وإلي يقول المحارب فهد المفرج !!!!!!!!!!!! عجيب أمر بعض البشر إن فاز الهلال تغاضوا عن أخطاء المفرج القاتلة وبنشوة الفوز قالوا أسد يافهد وإن خسر الفريق ظهروا لنا مطالبين بتنسيقه لأنهم أحسوا بطعم الهزيمة وكم هي مره ............. عندما كان المفرج خارج التشكيلة وكان المرشدي بجانب تفاريس كان دفاعنا في الدور الاول أقوى دفاع ولم يحصل تفاربي على البطاقات الصفراء مثلما حصل عليها مع المفرج في الدور الثاني ياجماعة بصراحة يد وحده ماتصفق وتفاريس لوحده المفروض نستفيد من شبابنا ............. لاحد يقولي المفرج مع الوقت راح يصحح أخطائه لأنه إذا ماصححها الآن متى بيصححها إذا صار عمره 40 على فكرة المفرج كبير بالسن أيضآ 32 عام ........... والله الذي لاإله سواه مابيني وبين المفرج أي عداوه ولاأعرفه إلا بسلامته بس الحق لازم ينقال وأنا أشجع الفريق بعيدآ عن العاطفة حتى ياسر وهو ياسر أفضل لاعب هلالي حاليآ إذا إستمر مستواه هابط الإحتياط ينتظره والخراشي والصويلح والقادم بقوة من درجة الشباب الكلثم ينتظرون .......... ادري إن رأيي مابيعجب الكثيريين بس الإختلاف في الرأي لايفسد للود قضية ......... ودمتم بخير وعافيه ..............

شف يا غالي اسلوبك الراقي اجبرني ان ارد عليك بنفس الاسلوب وان كان اقل منه رقي ولكن كما تعلم ويعلم الجميع بان يكون لنا دور حاليا وقوي جدا مع دعم اللاعبين لاني كما اوضحت لكم اننا على مشارف ختام موسم رياضي كامل محلي واسيوي وكل ما نتمناه هو التوفيق باذن الله للهلال للفوز ببقية مسابقات الموسم

وانا ويشهد الله علي اني كاتب الموضوع ولا اعرف المفرج شخصيا ومثلك اشجع الهلال ككيان بغض النظر عن الاسماء المطروحة لتمثيلة ’’

وقتنا حاليا مهم ومهم جدا للوصول لما نريد تحقيقه باذن الله وقوته وهو ليس بالوقت الطويل كما ذكرت حتى نعالج مشكلات موجوده حاليا ’’ فلنتركها حتى نهاية الموسم ونبدأ مع الادارة بتصحيح الاوضاع بطرح اراء وافكار تصب في المقام الاول المصلحة الهلالية ككيان ’’

اللاعبون مازالو يرتدون القميص الازرق وما زالوا يمثلون الهلال في المناسبات المحلية والخارجية وباب الاعارة اغلق داخليا وخارجيا يعني الاسماء لن تتغير بتجريح لاعب في وقتنا الحالي ’’

هم نفس الاسماء اللي راح تمثلنا لبقية الموسم الرياضي المحلي والاسيوي ’’ لذا يجب ان نكون داعمين لهم حاليا وان نكون درع واقي على الاقل نفسيا لتكملة الموسم والظفر باكبر الانجازات بتوفيق من الله وقوته

وهذا ما دعاني لكتابة وطرح الموضوع ولم اقصد منه الدفاع عن المفرج شخصيا بقدر ما ذكرت تلك الحملات التي وصلت لاغلب المذكورين من اللاعبين في الموضوع من سامي الى المفرج الى العبد السلام الى العنقري الى الدعيع الى التمياط حتى وصلت في بعض الاقات الى التائب طارق فترة بدايته مع الهلال ’’

الحملة موجودة ولكن الوقت الآن يجب التوقف عنها قليلا وعدم الضغط على اللاعبين بمواضيع او صيحات استهجانية داخل الملعب وصادرة من المدرجات وكل ما يريده منا التشجيع والتصفيق حتى نهاية الموسم وبعدها لكل حادث حديث

تحياتي لك يا غالي